YOHAN 4:1 - Lacid Common Language Bible

¹ Yesu gi Yohan tho' mo Byu myoo" sho' ri Babtisma byid: nyid ziyo' cangzoo: yi je myo: lo ziri Pharishe zheung: shau" gyo: boem.

YOHAN 4:1 교차 참조

LUKA 1:76

O"- Nga" zoo: we"- myhang: thang Mangso da" lapi: ga: myheing boem wa. Nang gi Mangso da" khyoo: ri jen" jen" soin to" lho: gam shid" shi: su: nghoid wigi

LUKA 19:31

Byu dayug yug gi re" eig yug ri ci: koid: loozei: tei" phoid: go" ga: to' tid nghoid rigi he: loozei: ri ngoonu" da" Aseing: ci: ca" ga: ein: nyang: ri tid ge» ga: tid.

LUKA 19:34

Nya: eig yug gi «he: loozei: ri ngoonu" Aseing: ci: ca"» ga: phoug tid tid lho:

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

LUKA 7:13

Aseing: gi hau: myiyi: myhi, ri myang lang" nheig yu" khyeig yoomo angoug ga: nyang: ri tid.

LUKA 7:19

Aseung: jang" moo dang: myed: nhang: kaid' Aseing: nang gi ju" ri" wa ga: su: nghoid bye la". anghoid lang" ngoonu" gi gootu: dayug ri lang" nyid shi" wa la"» ga: myid: nhang: kaid.

YOHAN 3:22

Hau: thang: ri Aseing Yesu gi nya: Cangzoo: yi yo" dage" Yuda meing joem khyoo: so" koem" lo boem. Hau: joyoo moo cangzoo: yi yo" dage" nyid nyid lho: Babtisma ri we kham: byid.

YOHAN 3:26

Houg: yoomo nyangnu" gi Yohan jang" moo yhe: lho: ‹‹Sara: we"- Yodan gyidlang bid thu' tab' moo Sara: moo" jhang jure" yu" bye: da" byu- nang lhoung tid nyid da" su: ri aboin: la". Akhid" nyang: gi Babtisma ri cang kham: byid yen"- byu myoo" sho' we nya: jang" moo zeing: re" nyid ago"» ga: re" tid.

ACTS 10:36

Dangain" mo, da" aseing: nghoid- Aseing Yesu khristu khyo" wigi Israela byumyu" yi ri Mangsoo tid fu" byid: da" ngei pyoo: yug yo ludang: seig nghoid mungdang: ri nanu" nyang: se' abye: go.

1Korinthians 1:17

Khasu" wim gari- Khristu ngoori nhang: kaid da" khyoo: gi Babtisma cang kham byid: yen" wa shid mo anghoid. Hau: da" ludang: gi ri- cang kho" kyo" yen" wa shid re" Khristu gi ngoori nhang: kaid. Nghoid loug we'- Khristu gi pyeing:" zeing tho' moo: shid: kham: jang" mo yoem: vhoo" gi akoem: za: abue" lo" byug wa shid re"- byu da" nhoid, khoin" thu: yoem: vhoo" ri aci: loo: za: ngoo kho" kyo" yen.

1Korinthians 15:47

Xang: shid" mo da" byu Adam gi myid zhoo" yo' phain" to" wigi- myid jang: tho' moo: byu nghoid. Thang: re da" Adam koem gi moug: khung: moug di khyo" ju" re" zi nghoid nyid.

1Korinthians 2:8

Moug: myid tho' mo zoug: khokham yi hang" nghoid loug we'- he: da" lasi, laleig ri yo" se' zi anghoid. Dato, se' boem nghoid rigi- myonhoo: phung" yoeb, bo da" Aseing ri- nyangnu" gi pyang" zeing tho' moo: baid' jen" said pyam wa zi anghoid.

2~KORINTHU 4:5

Khasu" wim gari ngoonu" gi ngoonu" nya: khyoo: ri kho" kyo" zi anghoid. Yesu Khristu gi Aseing: nghoid nyid khyoo:- ngoonu" gi Yesu yoomo za: nanu" da" deizoo: yi nghoid da" khyoo: ri dakho" kyo" boem.

YAKU 2:1

Nga: mang nhung" yi we"- nanu" gi ngoonu" da" myonhoo: phung" yoeb, da" Aseing Yesu Khristu ri loem khau: loem" jeing" mo, nghoid ziyo' dakhyoo" ti"- byu ri myonhoo: akhyen: goo.

Pang Shug 19:16

Nya: da" byisheing: yo' nya: tang" boug" moo " Lhed" tab to" da" myeing gi " Khokham" yi da" Khokham" - Aseing: yi da" Aseing:,, ga: lhid" to".