YOHAN 3:5 - Lacid Common Language Bible

⁵ Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

YOHAN 3:5 교차 참조

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

MATHE 19:24

Ngoo dalheing: doem tid ba:- Gola-ug gi nghab' nhoo: duang: khyo" vang lid loo" wa tho' moo yoo" zoo: yoo" shoug su: Mangso mungdain: moo yo" vang loo" zigi je yau: nyid» ga: wigi cangzoo: yi ri tid.

MATHE 21:31

Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

MATHE 5:20

Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.

MARKU 10:14

Hau: ziri Yesu myang lang" nheug yu" yo: ziyo' nya: cangzoo: yi ri hau: zooshang: yi ri nga" jhang khyoo: loo nhang: kaid ge'- nyangnu" ri atoem too" goo"- Khasu" wim ga: ri Mangso mungdain gi houg: te" mo, da" mungdain nghoid.

MARKU 16:16

Loem" jeung" lho:- Babtisma kham: su: hang" nghoid loug we' khyoid yu zi shau" goo" wa nghoid loug aloem" ajeung" su: gi hang" we' tarha" dang: phyed zi shug goo" wa.

MARKU 9:47

Re" myo, jed" wigi re" loem jeung" khyoo: ri lhu: phyo' pyam nghoid rigi hau ziri yu pyam we' myo, eig jid" goin" zi ngarai mung" moo khyo, pyam wa tho' ri gi myo, dajid" kyeing" yo' Mangso mungdain: vang loo" shid mo re" shid re" je ge nyid.

LUKA 13:24

Yesu gi Nanu" gi jhab' da" khoem" duang: moo vang wa yoem: kaid ge" byu myoo" sho' mo, we' hau: khoem" duang: moo vang wa ga: yoem: kaid boem wa. Yo" vang wa yoem: bo boem zi anghoid wigi ngoo nanu" ri tid.

LUKA 13:3

Nghoidloug we' Nanu" we' yooboo mo nheigloem: athid nghoid rigi houg: bang: yo" dakhyoo" shid: zi shau" wa.

LUKA 13:5

Nyangnu" gi yooboo je shoid mo, anghoid- ein: ngoo nanu" ri tid. Nghoidloug we' nanu" we' nheigloem: athid nghoid rigi Houg: bang yo' dakhyoo" ti"- shid: joem: loo" wa zi nghoid ga: tid.

YOHAN 1:13

Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso: nya: zoo: yi yo" bue" lo zi anghoid. Mangsoo nyang- nyangnu da nya: phoo nghoid nyid.

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 3:4

Houg ‹‹Nikodi gi Byu gi apyaid bain gyi: thang: ri khasu" se' doem yo" khu: loo: wa lha".» ‹‹Nya: myhi' da" ung: khoug: khyoo: vang lo" lho: doem yo" khu: wa la".» ga: myid.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

Roma 14:17

Ngoonu" ri Mangso: mungdain: ein: da" zi gi zoo: zoo: shug shug koid' khyoo: anghoid loo za: gyeungshang: Venyi: khyo" byid: da: deingbyeing" khyoo: - myenjham" yug yo khyoo: yo" gau yi ngei pyo: khyoo: nghoid nyid.

Roma 8:2

Khasu" wim gari - Khristu Yesu yo' dadeing: daloem: za nyid nhang: da" venyi: yo" tarha" gi shid: lo" khyoo: yo" yoobo da tarha" mo ngoori lhoid pyoin' kaid' bye.

1Korinthians 15:50

Mang: nhung" yi we"- ngoo nanu" ri tid kyoo" nau da" dang: gi suid" shoo" yo' phain" so: to" da" gung doem: gi Mangso mungdain ri- agyid asoo: khyo" ayo" kham: yu ziyo'- se' shid: byug da" gung doem: gi ase' shid: byug da" gung doem: ri ayo" seing: yu.

1Korinthians 2:12

Ngoonu" koem gi he: moug: myid yo' sen: da" Venyi: ri shau" kham: yu bye: zi anghoid- Mangsoo ngoonu" ri byid: to" da" jeju" dangain" ri yo" si' baja" ga- Mangso nhang: kaid da" Venyi ri ngoonu" yo" yu mo, nghoid nyid.

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

GALATI 6:15

Byu dayug yug giathang: yham" zi shau" kham: yu-hougsu" anghoid lang" ashau" kham: yu- zigi ce" yhoug: gyen: we' anghoid- byu aseig yo" bue" lo da" khyoo: za: yhoug: gyen: danghoid nyid.

Ephesu 5:26

Nyang: hougsu" koid da" khyoo: gi phung ri gyid yo' bain ced" kyeung pyam thang: moo nya: mungdang: yo' hau" phung: ri Mangso jhang khyoo: ab, nung" byid: khyoo: nghoid.

1PETERU 1:2

Phoo, Mangsoo gi nyang: myid to" ziyo' dakhyoo" ti"- Yesu Khristu ri tam" gyoo: wa ziyo' nya: suid" yo' ced" yung" ced" lhoo' wa shid re" phoo Mangsoo gi nyang: soin' nyheung ziyo' dakhyoo" ti"- nanu" ri khyen: yu bye: ziyo' nya: da" Venyi gi nanu" ri gyeungshang: da" byu yi bue" loo nhang: bye jeju" yo' myen, jham" khyoo: gi nanu" moo myo: tham: loo baja" o".

1PETERU 3:21

He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

1YOHAN 2:29

Khristu gi deing byeung" su: nghoid ziri nanu" se' nyid boem nghoid rigi houg: su" deing byeung" khyo' zei: so' nyid yab, yen" bang: gi Mangso da" nya: zoo: nghoid nyid ziri si' eung: nyid boem bye.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.