YOHAN 3:27 - Lacid Common Language Bible

²⁷ Yohan gi ‹‹Mangso: wigi a ab byid: ri byu gi ce" moo" ri we' ayo" kham: yu›› ga: wigi phougtu.

YOHAN 3:27 교차 참조

YEREMIA 1:5

«Nang ri ngoo kangso' akaid byid: shi" ri nang ri ngoo khyen: bye:. Houg: lho: nang akhu: shi" ri nang ri byumyu" yi jhang Lapi: koid wa shid re" ngoo khyen: soin' too" bye:.

YEREMIA 17:16

Nghoid loug we Aseing we"- nyangnu" jang" moo yau: khe" kyi" khyeug zi bui" nhang: wa ngoonu" ri khanham we' ajhoin". Nyangnu" kyi" khyeug shoug" wa ayo, ri ngoo amyed vho: loo. Aseing we" ngoo tid bye: ziri nang se' da:.

AMO 7:15

Nghoid loug we' Aseing gi ngoo ri yang zung" moo" mo shu" yu wigi nya: byumyu" Israela yi jhang khyoo: re" lho: lapi: re" pi: nhang: da:.

GYUNG: SOO" 17:5

Hau: thang: ngoo khyen: yu yug da" lhamdung: gi anyug thu toid loo wa. Hid: khyo" wigi he: Israela byumyu" yi re" eig tang: ri xo' wigi thougtheung myeing" myo: da" ziri ngoo toem pyam wa» ga: tid.

MATHE 21:25

Yohan gyid nyhoed kham: byid: da" zigi Mangsoo byid: da" akhang" aya khyo" nghoid la". Byu yi byid: da" akhang" aya khyo" nghoid la"» ga: myid:. Nyangnu" ngeig go" nyid zigi «Mangso da" akho akhang" khyo" koid: ein: tid nghoid rigi Yohan da" dang: ri nanu" ciwim aloem" jeung" go" ga: doem myid: wa.

MATHE 25:15

Dayug ri sheing: kyab wim: khyeing"- gootu: dayug ri sheing: kyab eig khyeing"- dayug ri sheing: kyab dakhyeing" koid: wigi nyang: nya: da" yoem: ri yu" lho: zheung: ab byid: to. Hau: thang: ri nyang: gi gyung: so" loo" bye.

MARKU 13:34

Houg: su" wigi hau: khyoo: gi byu dayug nya: yhoem mo:- gyung: so" loo" wa nghoid lang" nya: join yi ri dayug yo' dayug-nya: moo" yo' nya: yhoem: moo" ri pyo: too" byid: kho' wigi khoem" zung" su: ri we' lhid' lho: zung" nyid wa shid mo amyeung" byid: kho' ziyo' du nyid.

YOHAN 10:41

Byu yi myoo" sho' nyang: Yesu jang" moo jure" boem. Nyangnu" gi Yohan gi ce: mau" pho" moo" ayo" zei: shug- Nghoidloug we' he: youg khyoo: yo" sen: lho: wigi Yohan kho" kyo" dang: gi dangain" deung nyid ga: tid boem.

YOHAN 6:65

Houg: su" nghoid yoomo Yesu gi Nga" jang" moo ayo" juri"- ein: ngoo nanu" ri tid lid: loo bye ga: tid.

Roma 1:5

Mangsoo: gi hau Khristu khyo" wigi - byu dangain" mo, ri loem khau loem" jeing" tam" gyo: loo wa shid' re" - ngoori phoug" dab thang da" - shu" u" lagyoo: zeing dayug khyo" aya: tang: byid: bye.

Roma 12:6

Hougsu" nghoid yoomo - ngoonu" yug kang" moo" gi nyang: nyang: yo" kham' zoo: da" jeju" yo" dakhyoo" ti" Mangsoo: byid: da" jeju" ri se' ci yhoung: boem ca". Ngoonu" yo" yu da" jeju" yo" Mangso: mungdang: ri tid nghoid rigi nyang: nya: da" loem" jeung" jo, gyam: yo" dakhyoo" ti" hau: jeju" ri ci: yhoung: nyid boem ca".

1Korinthians 1:1

Mangsoo vho: ngei ziyo' dakhyoo" Khristu Yesu da" lagyo: aya moo: khe: too" shau" da- ngoo Polu yo' ngoonu" da" mang: nhung" phoo, Sosteni gi

1Korinthians 12:11

Nghoid loug we' hau: jeju" yoem: vhoo" joem gi hau: venyi dayoug wigi: za: bui" nhang: nyid yoomo- nyang: myid vho: ziyo' dakhyoo" ti"- dayug yo' dayug ri- gooki" lid' da" jhung: shug gootu: tu: ngab sho'- gam, byid: to" boem bye.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

1Korinthians 3:5

Tid shang ein: rigi- Apolo gi hang" nghoid la" Polu gi hang" nghoid la" Ngoonu" gi Mangso dei zoo: yi za: danghoid nyid boem ziyo' nyang: tu: nyang: ri byid: to" da" moo" ri zei: nyid mo, za: nghoid. ngoonu" khyo" wigi- nanu" Mangsoo ri shau" loem" jeung" loo goo" baja"- khyoo: shid' shu" vhu" shi: bang: za: da nghoid. Hougsu" nghoid yoomo ngoonu" dayug yo' dayug gi Aseing wigi: nyang: tu: nyang: ri byid: to" da" moo" voin mo, nghoid.

1Korinthians 4:7

Kha: youg wigi: nang ri- sube" tho' moo: je nghoid ga: tid nyid la" nanu" yo" da" zi dangain" gi Mangsoo byid: to" zi anghoid goo" la" Hougsu" nghoid ri nanu" yo" yu to" da" zi dangain" gi jeju" jhung: shug anghoid yhang: ti" nanu" phau: khuang nghoid boin: khyoo: gi ce: noem' yoomo koid nyid go" lha"

GALATI 1:1

Byu da" amyeing" yo' lagyo: aya: moo nyhed: to" zi we' nghoid- byu yi da" byu nyid byu yab khyo" cang lho: wigi nyheung to" da" lagyoo: we' anghoid. Yesu Khristu jang" mo we' nyang: ri shid: loo" bye: bang: mo-dei to'' loo nhang: da" Mangso amyeing" khyo" wigi lagyoo: nghoid nyid da" ngoo Polu gi

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.