YOHAN 3:13 - Lacid Common Language Bible

¹³ Mougkhung: mo gyoo" lo da" byu nya: zoo: mo gootu: hang" we' Mougkhung: khyoo: ado, lo" yu.

YOHAN 3:13 교차 참조

DANG: ZHOEM 30:4

Mougkhung: moug: di mo, lo da" lasi laleug gi- hang" yo" se' la". Lid ri nya: lo, khoug: moo: hang" yo" zhoeb, ci: wa anghoid lang" pain" dacu' moo: gyid ri nang yo" join, ci: wa la". anghoid lang" mougmyid da" kyoo" ri hang" yo" kyam, to" la". Nyang: gi hang" su: nghoid nyid? Nang se' ri tid yu" shi" we' nya: zoo: gi hang" nghoid.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 13:3

Aseing Yesu gi nyang: ri phoo Mangso wigi amyeing" bain sho' ab byid: to" ziri we' nyang: gi Mangso jang" mo gyoo" lo lho: Mangso jhang khyoo: doem loo" loo: wa da" khyoo: ri we' si' gu nghoid.

YOHAN 17:5

O" nga" phoo we"- he: mougmyid ajo, aboo shi" re- phoo yo" ngoo dage" kham: yu nyid da" myonhoo: phung" yoeb ri akhid" uri pho da" shid' khoin" moo ngoori byid: we'.

YOHAN 3:12

Mougmyid yo" sen: da" khyoo: ngoo tid kyo" ri nanu" aloem" jeing" lang" gi Mougkhung: mungdain: yo' sen: da" khyoo: tid kyo" uri nanu" khasu" koid; wigi se' loem" jeing" goo" wa lha".

YOHAN 3:31

Mougkhung: tho' mo gyoo" lo da" su: gi dangain" tho' moo je gyi. Mougmyid: mo nyid ri" su: gi mougmyid: byu te: nghoid yoomo mougmyid yo" sen: da" khyoo: ri te: se' tid. Nghoidloug we' mougkhung: tho' mo gyoo" lo da" su gi dangain" tho' moo nyid: su: nghoid.

YOHAN 6:33

Hau: da" main" gyeing" da" zooyho' gi Mougkhung: mo gyoo" lo lho: mougmyid xangsu: byu yi ri kangso' dei loo nhang: su: nyang: nghoid bye.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

YOHAN 6:42

Nyangnu" tid da" zigi He: yug gi Yoseb da" nya: zoo: Yesu anghoid la". Nya: myhi' yo' nya: phoo ri ngoonu" se'- anghoid goo" la". Houg: su" nghoid ri ci: yoomo ngoo gi mougkhung: mo gyoo" lo ga: tid nyid lha"» ga: tid go" nyid boem.

YOHAN 6:46

Hid: su" ein: ngoo tid ri Phoo Mangsoo ri myang yu" su: dayug yug bo ein: ngoo atid noug. Mangso jang" mo, gyoo" loo su: dayug kyeing" za: Phoo Mangsoo ri damyang yu.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

YOHAN 6:62

Byu da" nya: zoo: gi nyang: nyid da" moug: khyoo: doem do, lo" ziri myang lang" nanu" khasu" myid: goo" wa lha".

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

ACTS 2:34

Khasu" wim gari David gi moug: khung: khyoo: ado, loo" nghoid da- Ngoid sho loug we' David gi

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

Roma 10:6

Nghoidloug we' loem" jeung" khyoo: khyo" Mangso: da shid' moo deingbyeung" zi yo" lho: jhoem: mungdang: moo- kha: yug gi moug: khung: khyoo: yo" ju" loo" wa lha"- ein: nanya: gung ri nanyang: atid'.

1Korinthians 15:47

Xang: shid" mo da" byu Adam gi myid zhoo" yo' phain" to" wigi- myid jang: tho' moo: byu nghoid. Thang: re da" Adam koem gi moug: khung: moug di khyo" ju" re" zi nghoid nyid.

Ephesu 1:23

Hau: da" phung: gi Khristu da" gung doem: nghoid wigi joyoo khang" moo" mo dangain" rigi nya: gung du: nyang: joeb byeung" nhang: da" joeb byeung" khyoo: nghoid.

TARHA" TID POIN" 30:12

Hau: zigi mougkhung: moo ju" zi anghoid. Nanu" gi ‹Hang" do, lo" wigi hau: ziri ngoonu" shau" gyo: wigi yo" tam" gyo: cang yhe: wa shid re" hang" lo" yo" yu gyoo" lo byid: wa lug la" ein: amyid: ca" goo" wa.