YOHAN 3:10 - Lacid Common Language Bible

¹⁰ Yesu doem phougtu" zigi nang gi Israela amyu" mo Sara: moo" dayug nghoid to" nyid lho: wigi he: da" khyoo: ri nang ase' lo nhung: lha".

YOHAN 3:10 교차 참조

1 KHOKHAM MHOOMYID: 29:19

Re" amyeing" dang: ja: khang" moo" ri tam" gyo: cang yhe: myid yo' he: ngoo soin' nyheing to" da" Noku Yhoem: Moo" koid moo" ri oung: khoug: nheigloem: dangain" yo' koid wa myid nga" zoo: Sholumon ri byid: we'» ga: coung" bye:.

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

COUNG" NGHEI 51:6

Nang gi nheigloem: dain: ziyo' deingmain" khyoo: ri damho' nyid yoomo nga" ung: khoug: nheigloem: moo re" da" ung: yeug phajhi" yo' byeung" jo, nhang: we'.

COUNG" NGHEI 73:1

Mangsoo gi Israela byumyu" yi da" atho' moo gyeung" nyang: ge nyid su: nghoid- je" wigi nheigloem: phyu: yung" bang: da" atho' moo gi su: nghoid.

ESAIA 56:10

Nyang: gi «Nga" byumyu" yiri tid poin" byid: wa ein: jho: da" vhujhung: yigi myo, jid yi nghoid ago". Nyangnu" ci: we' asi' nghoid ago". Nyangnu" gi agyab lho: zung" yu" nyid da" lakhuid" yo' du. Houg bang: gi yhoeb jo, wigi yhoebmo, za: mo, nyid. Nyangnu" yhoeb so' za: kho' ago".

ESAIA 9:16

He: mung" byu yi da" vhujhung: yigi nyangnu" ri khyoo: vhang: shu" vhang: wigi bain sho' anhung akhoid koid pyam ago".

YEREMIA 31:33

Israela byu yi yo' ngoo koid wa da" dang: theing aseig gi hid su" nghoid da:. Nga" tarha" ri nyangnu" khoug: moo kaid byid: wigi hau: ziri nyangnu" nheigloem: khoug: moo lhid" tab too" wa. Ngoo gi nyangnu" Mangsoo bue" wigi nyangnu" gi nga" byumyu" yi bue" loo goo" wa.

EZEKIEL 11:19

Ngoo gi nyangnu" ri nheigloem: aseig yo' myid aseig byid: wa. Ngoo gi nyangnu" da" thain: da" lug boem nheigloem: ri yu pyam byid: wigi tam" gyo: cang yhe: da" nheigloem: byid: wa.

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 22:29

Yesu nyangnu" ri «nanu" gi jhoem: dang: yo" Mangso yoem: so' ri ase' gyo: boem. houg: su" nghoid yoomo myid shoid nyid abye: go.

LUKA 2:46

Nyang: gi Yuda sara: moo" yi yo" dage" zhoung: jo, lho: nyangnu" da" tarha" mungdang: ri tam" gyo: wigi nya: nu" yo' doem myed: phoid: go" nyid lang.

LUKA 5:17

Nyid" da" nyid" moo Yesu tarha" kho" nyid uri Galile mung" yo" Yuda mung" voo khang" moo" mo mo, we' Yerusalem voo mo we' zheung: jure" boem. Pharishe" yi yo" tarha" sara: yi gi jhang jang" moo zheing: zhoung: jo, ago". Noophyoo" aja: ja: ri ge loo" nhang: wa da" yoem: so' gi Yesu moo bo jo.

YOHAN 3:9

Nikodi gi ‹‹he: da" khyoo: gi khasu" se' ge bue" loo wa lha".» ga: doem myid.

ACTS 5:34

Nghoid loug we' nyangnu" mo mung" byu yi dangain" mo, wigi coem, phau" myang: nyid da- tarha" sara Gamale ga: su: pharishe" dayug gi tarha" yab, do' phung: mo, bo, to' yab, re" lho:

Roma 2:28

Dang: thang: said' ba ein: rigi - hang" gi Yuda byumyu" agyeing" nghoid la". sho" yid thang: yham" su: la". (Goobang: gi Yuda byumyu" anghoid ) byu dayug gi sho" yid thang: yham" ci: khyo" Yuda byumyu" ayo" bue" loo".

TARHA" TID POIN" 10:16

Houg: yoomo akhid" mo gi Aseing ri tam" gyo: cang yhe: wigi nheigloem: gyi: khyoo: ri theing: pyam ge'.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

KOLOSE 2:11

Nanu" gi hau: Aseing: yo' dadeing: daloem za: bue" lho: wigi kangso' dei da" uri athang: yham" khyoo: ri kham: yu bye: nghoid nyid hau: zigi byu yi da" lo, wigi koid zi anghoid loo za: he: yooboo dab, da" gung sho" yoem: so' mo lhoid pyoin, kaid' ein: da" Khristu wigi ze" bui" byid: da" athang: yham" khyoo: nghoid.