YOHAN 21:23 - Lacid Common Language Bible

²³ Houg: su" nghoid yoomo hau: cangzoo: phoo gi ashid: loo: wa ga: da" lu dang: gi cangzoo: yi da" akhoug: moo byo sain" loo" bye nghoid loug we' Yesu gi-hau: cangzoo: phoo gi ashid: loo: wa ga: tid nau zi anghoid. Ngoo doem gyoo" lo da" bidnyid ju" sho' nyang: ri dei nyid nhang: nau nghoid ri hau: zigi nang yo" ci: asen: la". ein: wigi date: tid zi nghoid.

YOHAN 21:23 교차 참조

YOBA 28:28

Mangsoo gi ngoonu" xangsu: byu yiri «Nanu" phajhi" boo wa shid re" Aseing ri gyoug phoug" ca" da:. Lasi phajhi" yoo" sho' akhyeing" ashoeb jang" mo nanu" lheing: loo ca" da» ga: tid.

YOBA 33:13

Mangsoo gi nyha" da" myeing" myo: thui: ri khanham we' aphug tid da" gang mo nang ciwim yoomo Mangsoo ri yooboo zhug la.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi

ACTS 28:14

Ngoonu" gi hau: voogung moo loem" jeing" bang: dayham" ri yhe: zheung: myang wigi nyangnu" gi ngoonu" ri nyangnu" yo' dage" labain daloem: theung: nyid khoo, wa shid re" mho' ago". Hau: thang: ri ngoonu" gi Roma voomoo" khyoo: yhe: lo" boem bye.

ACTS 6:3

Mang: nhung" yi we" hougsu" nghoid nyid yoomo gyeungshang: da" Venyi byeung" ziyo' phajhi" bo da" byu nyhed yug ri nanu" da" phung mo khyen: thu yu ge'. He: da" moozoo" ri Aseing: koid lho: zei: nyid wa shid re" ngoonu" gi nyangnu" ri nyheung too" ca" wa zi nghoid.

1Korinthians 11:26

Nanu" gi he: zooyho, ri zo: wigi: he: goem mo shug khang" moo" hau: Aseing shid: kham, da" khyoo: ri- nyang: doem ju" re" da" bidnyid ju" sho sagsi: kham, shoug nyid da" khyoo: nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

TARHA" TID POIN" 29:29

«Ngoonu" da" Aseing Mangso nyhoem" shoung: to" zi dayham" jo,. Nghoid loug we' nyang: gi nya: tarha" joem ri ci: shug bye:. Houg: lho: ngoonu" yo' ngoonu" da" amyed ashen yigi hau: ziri apyaid atoo: moo tam" gyo: cang yhe: nyid ca" da:.

YAKU 5:7

Hougsu" nghoid yoomo mang: nhung" yi we"- Nanu" gi Aseing: gyoo" lo da" ayo, ju" sho' zeing: kham lho: nheig byu zoore" dalang" nyid ge'. Yoo thung" phug su: gi nya: yoo thung" mo phoug" dab, da" amyoug: ashi" ri yo" yu sho-zain moug: vo shid" lo jang" mo zi lid" jhin" yu: moo ju" sho' yoem: kaid zeing: shang" lho: lang" nyid.

Pang Shug 2:25

Nghoid loug we' nanu" gi nanu" nya: da" lo, moo" ri ngoo ju" re" jang" moo ju" sho' geing: geing: teing teing zei: ci: ge'.