YOHAN 21:15 - Lacid Common Language Bible

¹⁵ Cangzoo: yi bain zoo lang"Yesu gi Yohan nya: zoo: Simun we"- hid: bang: jheddab tho' moo nang ngoori je jheddab la"» ga: Simun Petru ri myid. Simun gi nghoid Aseing: we"- nang ri ngoo jheddab zi nang se' ga: tid.

YOHAN 21:15 교차 참조

APOEM AYANG: 33:13

Yaku gi «Nang myang ziyo' dakhyoo" ti" zooshang: yigi ayang" shi". Houg: lho: yang yo' gougnyhoug joem moo we' noug" shug da" anu" joem bo. Nyangnu" ri danyid" goin" shu" so" rigi gougnyhoug joem joem goin" shid: byug wa zi nghoid.

2 SAMUELA 7:20

Ngoo nang ri ce: noem yo" phug tid wa la". Re" dei zoo: nghoid da" ngoo ri nang se' nyid gu: nghoid bye:.

2 KHOKHAM 20:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

YEREMIA 23:4

Nyangnu" ri goin coung: byid: wa shid re" vhoebkhang" bang: ri ngoo moo" foin: too" wa. Nga" byumyu" yigi gyoug zi dain zi khanham we' ashoug" loo goo" wa. Ngoo nyangnu" ri yooboo dam adoem byid: loo wa. Ngoo Aseing tid too" bye:» ga: tid da:.

YEREMIA 3:15

Ngoo ri tam" gyo: cang nyid da" vhoebkhang" bang: ri nanu" shid re" ngoo byid: wa. Nyangnu" gi nanu" ri phajhi" yo' Lasi lajhang: khyo" vhoeb loo goo" wa.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

EZEKIEL 46:24

Hau: yug gi ngoo ri «He: joem gi Noku Yhoem: Moo" mo dei zoo: yi byumyu" yi shugbyid: da" xoin" joem ri jhau' da" voem: yhung" yab yhoem: joem nghoid da» ga: tid kyo" da:.

MATHE 10:37

«Hang" nghoid loug- ngoori jheddab da" tho' moo nya: myhi' nya: phoo ri je jhed' dab, rigi hau: yug gi ngoo yo" amoin: yi. Hang" nghoid loug- ngoori jheddab da" tho' moo nya: zoo: yi ri je jheddab nghoid rigi hau: yug gi ngoo yo" amoin: yi.

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 26:33

Petru gi «subi" dangain" Aseing ri she: pyam too" khari" nghoid loug we' ngoo gi khanham we' she: pyam khoo wa zi anghoid» ga: tid.

MATHE 26:35

Petru gi «ngoo gi Aseing yo" dage" bo shid: ca" nghoid loug Aseing ri asi ein: ngoo tid zi anghoid» ga: tid. Gootu: cangzoo: yi we' houg: su" zheung: bo tid boem ago".

MARKU 14:29

Petru gi Yesu ri-nyangnu" dangain" mo, nang ri phang: cau" too" khari" nghoid loug we' ngoo gi nang ri khanham we' aphang: cau" too" khyoo: wa ga: Yesu ri phoug tid.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

LUKA 22:32

Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

YOHAN 1:42

Hau: thang: ri nyang: gi Simun ri Yesu jhang khyoo: khe: shu" yhe. Yesu gi Simun ri yu" lho: tid zigi ‹‹Nang gi Yohan nya: zoo: Simun nghoid. Nghoidloug we' nang rigi Kepha ein: myheing wa zi nghoid. (Hau: zigi Petru ga: ziyo' du: lho: lung: moo" boem ga: da" dangkang: bo.)

YOHAN 13:37

Petru gi ‹‹Aseing: we"- ciwim akhid" ngoo re jhang ayo" cang wa lha".» ‹‹Aseing: da" shid' re" nga" da" kangso' lang" ab pyam wa zi jen" jen" nghoid bye.»

YOHAN 16:27

Phoo nyang: lhang"- nanu" ri jheddab nyid yoomo nghoid. Nanu" gi ngoori jheddab wigi ngoo gi Mangso jhang khyo" re" da" ziri loem" jeing" yoomo Phoo gi nanu" ri gye jheddab nyid.

YOHAN 21:12

Yesu gi lo zoo: ge'. ga: nyangnu" ri lhoung nyangnu" da" Aseing: nghoid ziri se' boem yoomo cangzoo: yi kha: yug we' nang hang nghoid lha"» ga: avoem" myid: boem nghoid da.

YOHAN 21:7

Yesu jhed' dab, da" cangzoo: phoo gi Aseing: danghoid nhung: o"- ga: Petru ri tid kyo. Aseing: nghoid ga: zi ri shaug" gyoo: lang" Petru gi nyang: khyoid to" da" byi: ri gung moo baid yeig lho: wigi gyid nung" khyoo: byam gyoo" loo" khare". Khasu" wim gari nyang gi byi mi khyoid pyam lho: mod zei: nyid yoo mo nghoid.

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 20:29

Ngoo thu lo" thang: ri akhyeung" da" zeing ni joem gi nanu" da" phung: khoug: moo vang re" lho: yang kyung ri phyo' zo: pyam boem wa ziri ngoo se' nyid.

Roma 14:1

Nanu" gi Mangsoo: ri loem" jeung" yoem: nu" mo ri kham: yu nyid ge'. Nghoidloug we' - nya: myid soin: koid' lo" khyoo: yo" nyang: yo" angeig goo" goo.

Roma 15:1

Apyaid' ato: da" Mangsoo: ri leom jeung" khyoo: nheigloem: geing: teing yoem: boomo ngoonu" gi -loem" jeung" nheigloem: yoem nu: mo ri - loem" jeung" khyoo: abyo, loo" wa shid' re" bo pang" thoug ge'. Ngoonu" gi ngoonu" nya: myid pyo: khyoo: ri za: akoid' goo.

1Korinthians 8:11

Houg: yoomo phug soo" lheig se' myid soin: yu da" emyid, yoem: nu: da re" mang: nhung" pho, shid re" Khristu gi shid: kham, byid: bye: nghoid loug we'- nang ase' myid yu" yoomo hau: yug gi byo, yoin" loo" wa zi anghoid la"

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 4:14

Hougsu" nghoid lang" ngoonu" gi subi" ri nyangnu" da" phajhi" khyau" ziyo' khyoo: shu" vhang: mo, da" jhau" mhau' khyoo: ein: da" being: mhoid' ug lig zo" wigi moid' tang" loo" shau nyid da" zoonu" yi yhang: ti" abue" nyid boem loo: wa.

Ephesu 6:24

Khanham we' abei: ashaem: da" jheddab nheigloem: yo' ngoonu" da" Aseing Yesu ri jheddab nyid bang: dangain" mo jhangk moo Mangso da" jeju" gi dajo, jo, baja" o".

HEBRE 13:20

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" Aseing Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

1PETERU 2:25

Ngoonu" gi Yesu da" dam noo joem mo-noo ge lo boem bye. Khasu" wim ga: ri nanu" gi yang joem yhang: ti"- khyoo: vhang: vhang: lo" byug boem bye- nghoid loug we' akhid" koem gi hau" yang lhug zoug: moo" yo' nanu" da" kang so' ri zung" byid: su: jhang: khyoo:- cang loo" wa shid' re" doem shu" lo zi shau" bye.

1YOHAN 5:1

Yesu gi Meshia nghoid ga: loem" jeung" byu hang" nghoid loug we' Mangso nya: zoo: yi nghoid wigi hau: nya: phoo ri jheddab mo, hang" Nghoid loug we' nya: zoo: ri we' jheddab nyid bye.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.