YOHAN 20:25 - Lacid Common Language Bible

²⁵ Houg: yoomo cangzoo: byen cang" yi gi Yesu ri ngoonu" myang bye:- ga: lhoem tid kyo" boem. Thoma gi lo, mo da" ten" zei: baid khoo: yo' nam joug mo da" dam, khoo: ri za: ashau" soeb' yu" rigi ngoo aloem" ga: tid.

YOHAN 20:25 교차 참조

YOBA 9:16

Hougsu" nghoid loug we' nyang: wigi ngoo ri dang: tid nhang: nghoid ri Nyang: ngoo ri tam" gyoo: byid: ri" wa ein: atho' se' myid loem.

COUNG" NGHEI 22:16

Akhyeung" da" byu daphung gi ngoo ri lheung khoem to" boem bye:. Nyangnu" gi zeigni joem yhang: ti" nga" nam, moo: zeung: foem: lo lho: nga" khyid: lo, joem ri ngaid phyed pyam byid: boem bye:.

COUNG" NGHEI 78:32

He: khyoo: dangain" ri nyangnu" thoung" shoug" nyid nghoid loug we' byumyu" yigi yooboo khyoo: moo daxo, koid jhen" yhe: lo" nyid ago". Nya: da" mau" pho" alhoo: again' joem ri toin" shed nyid. Nghoid loug we' nyangnu" gi nyang: ri aloem khoug" nghoid nyid ago".

MATHE 27:42

«He: yug ri subi" ri yo" khyoid yu. Nyang: nya: da" gung rigi ayo" khyoid yu nhung: lha"» ga: juang" yi nyid boem nyang: gi Israela byumyu" da" khokham" anghoid la". Pyang" zeing mo akhid" nyang: yo" gyoo" lo nghoid rigi ngoonu" nyang: ri loem boem wa.

MARKU 16:11

Nghoidloug we' nyangnu" gi Yesu dei nyid ziri Mari gi Yesu ri myang bye: ga: zi nyangnu" shau" gyo ri aloem" boem nghoid ago".

MARKU 16:13

Houg: lang" nya: eig yug gi doem tau" phang: lo" lho:-gootu: cangzoo: yi ri we' hau: khyoo: lo" tid kyo" ago". Nghoidloug we-nyangnu" gi hau: khyoo: ri aloem" nghoid ago".

MARKU 16:14

Hau: thang: ri Yesu gi-cangzoo: daxe: dayug kyeing" voem: zo: nyid boem uri nya: gung ri nyid shug. Yesu gi nyang: shid: jang" mo doem dei to'' lo thang: ri nyang: ri shau" myang mo, dang: ri cangzoo: yi aloem boem yoomo-nyangnu" loem jeung" myid abo ziyo' nheugloem: thain: nyid khyoo: ri gyikoid.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

YOHAN 1:41

Nyang: gi nya: mang: Simun ri myang lang" tid zigi ‹‹Ngoonu" koem Meshia ri myang bye.» (Meshia ga: da" dangkang: gi)- Khristu ga: zi nghoid ga: tid.

YOHAN 20:27

Hau: thang: Thoma ri re" lo, nyoug" yo" hid: moo thau" yu" we' nga" lo, joem ri we yu" we' Re" da" lo, yhoin" kaid lho: nga" nam joug moo soeb yu" we' aloem" jeing" loo: loem shoid khyoo: akoid. Loem" jeing" nyid we' ga: tid.

YOHAN 21:7

Yesu jhed' dab, da" cangzoo: phoo gi Aseing: danghoid nhung: o"- ga: Petru ri tid kyo. Aseing: nghoid ga: zi ri shaug" gyoo: lang" Petru gi nyang: khyoid to" da" byi: ri gung moo baid yeig lho: wigi gyid nung" khyoo: byam gyoo" loo" khare". Khasu" wim gari nyang gi byi mi khyoid pyam lho: mod zei: nyid yoo mo nghoid.

YOHAN 6:30

Houg: bang: gi Yesu ri ngoonu" yo" loem" jeing" loo wa shid' re" Ce: noem da" mau" pho" moo" ri pya shug wa lha". Aseing: ce: moo" ri nang zei: shug wa lha".

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

HEBRE 3:18

Nyangnu" gi ngoo byid: wa ein: da" ngei pyo doug no: mung" moo khanham we' yo" vang: goo" wa zi anghoid, ga: wigi hang" ri yeung lho: Mangsoo nheung" to" lha". Nya: dang: ri atam" gyoo: lho: gyi koid nyid mo, ri tid nyid zi anghoid goo" la".