YOHAN 20:16 - Lacid Common Language Bible

¹⁶ Aseing Yesu gi Mari we" ga: yoid. Houg: lang" Mari gi lheing: yu" lho: Hebre myeing" khyo" Raboni- ga: tu. (Raboni ga: da" dangkang: gi sara: ga: da" dang: nghoid.)

YOHAN 20:16 교차 참조

APOEM AYANG: 22:1

Hau: thang: khamyhang amyang" ri Mangsoo gi Abraham ri jham" yu" bye:. Mangsoo gi nyang: ri «Abraham we"» ga: khi: lang" Abraham we' «Nyid- ngoo hid: moo nyid» ga: tu" kaid.

APOEM AYANG: 22:11

Nghoid loug Aseing da" moug: lagyoo: gi mougkhung: khyo" nyang: ri «Abraham- Abraham» ga: yoid kaid. Nyang: gi «Nghoid ngoo hid moo nyid» ga: doem phug tid kaid.

APOEM AYANG: 45:12

Xo' lho: Yoseb gi «Akhid" nanu" dangain" bang: yo' Benyamin nang nyang: we' ngoo gi Yoseb nyang: nghoid khyoo: ri myang boem bye:.

THU' LO" MOUGSOUG" 3:4

Moshe tab tab yhe: lo" zi Aseing myang lang" mhain" pung akhoug: mo nyang: ri khe: lho: «Moshe- Moshe» ga: yoid nyid. Nyang: gi«Nghoid- ngoo hidmoo nyid» ga: phug tid.

THU' LO" MOUGSOUG" 33:17

Aseing gi Moshe ri «Nang ri ngoo gye" si' nyid ziyo' ngoo nang ri vho: ngei nyid yoomo nang tid ziyo' dakhyoo" ti" ngoo koid wa zi nghoid» ga: tid.

SHOLUMON JIKHOIN" 3:4

Nyangnu" yo' gang: go" thang: daso' zoo: ri nyang: ri ngoo shau" myang bye: zi nghoid. Ngoo nyang: ri zei: zeing wigi nga" myhi' da" yhoem: ngoo ri khu: kaid da" yab moo aju" ju" gi nyang: ri anhang: kaid zi nghoid.

SHOLUMON JIKHOIN" 5:2

Ngoo yhoeb jo, nghoid loug we' nga" nheigloem: gi gyeung: nyid. nga" jheddab su: gi khoem" ri ko' nyid ein: ngoo yhoebmo, mo, nyid. Nga" nheugdeug nga" nheig tei" nga" pheing" kyoug" we"- ngoo ri vang nhang: we'. Nga" vhuloem gi nghain: jhu" yo' jhu' nyid. Nga" xam: gi lang" khyoem' yo' bam bam jhu' nyid.

ESAIA 43:1

Israela we' nang ri phain" so: to" da" Aseing tid zigi ‹Agyug- ngoo nang ri khyoid yu wa. Ngoo gi nang ri myeing lang: wigi khe: too" bye:- nang gi ngoo seing: zi nghoid.

MATHE 14:27

Yesu dalheing: dam tid zigi «seing" yang" ge'- agyug goo" ngoo danghoid» ga: tid.

MARKU 10:51

Yesu gi nyang: ri ngoo re" shid' re" cenoem koid' byid: wa zi nang vho: la".- ga: myid:- Houg: lang" myo, jed su: gi Yesu ri sara: we" ngoo myo, doem myang nau"- ga: phoug tid.

LUKA 10:41

Aseing: gi Matha we"- Matha we"- nang gi moozoo" myoo" sho' shid' re" myid myo: nyid ga: nyang ri tid.

YOHAN 1:38

Aseing Yesu gi thang: khyoo: lheing: yu" kaid ri houg: bang: cang lo ziri myang lang" ‹‹Nanu" ce: noem sho: yen" go" ga: wigi myid. Houg: bang: gi ‹‹Rabai we" nang khamoo nyid la"»ga: myid: boem. (Rabai ga: da" dangkang: gi sara: we" ga: tid nau zi nghoid.)

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 10:3

Yang zung" su: nghoid rigi khoem" zung" su: we' khoem" lhoem: phang byid: se' nyid. Yang joem we' nya: thui: ri se' gyo. Nyang: gi yang joem ri myeing yu khe: lho: yang khyam: mo, shu" thu' lo.

YOHAN 11:28

Houg: su" bain doem go" lho: Martha gi yhoem: khyoo: lo" wigi nya: nhung" Mari ri gau" khe: lho: Sara: moo" ju" loo bye:- nang ri we myid nyid: ga: tid kyo.

YOHAN 13:13

Nanu" gi ngoori sara: ga: we' Aseing: ga: wigi we' lhoung yoid ago". Houg: yo" dakhyoo ti"- ngoo nghoid bye:- nanu" yoid da" khyoo: we' gye du da" khyoo nyang nghoid bye.

YOHAN 20:28

Thoma gi Nga" Aseing:- Nga" Mangsoo- nang nghoid bye: nhung: lha"» ga: phaug tu".

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 5:2

Yerusalem mo yang khoem" duang: vang wa khyoo: wim: loem: jo, da" nam, moo gyid thoem" daloem: jo. Hau: gyid thoem" ri Hebre myeing" khyo" Bedsaida ga: tid.

YOHAN 6:25

Gyid thoem" thei: tab' moo Aseing Yesu ri myang boem lang" gi Byu phung: moo" yi gi Sara: moo" we"- nang gi hid: tab' moo khanham jure" lha"» ga: myid: boem.

ACTS 10:3

Danyed" mo da" myenthang: soem" nayi: koo: moo Mangso moug: lagyoo: dayug gi nya: jang" moo ju" re" lho: «Koneli we"» ga: re" yoid ziri yoeb, myang moo bang bang za: shau" myang kaid.

ACTS 9:4

Sholu koem gi myidjang: moo leung goeb, loo" khare" - hau: thang: ri nyang: gi Sholu- Sholu- nang ngoori ce: noem koid wigi shen" yhen nyid lha"» ga: da" thui: ri shau" gyo: kaid.

1 SAMUELA 3:10

Aseing gi houg: moo re" yab kaid lho: shid mo yhang: ti" «Samuela- Samuela » ga: khe: nyid. Samuela gi «Tid we' Aseing we"- re" dei zoo: ngoo tam" gyo: nyid» ga: tid bye:.

1 SAMUELA 3:6

Aseing gi Samuela ri xo' wigi doem khe: nyid Aseing gi nyang: ri khanham we' akhe: yu" yoomo Aseing nghoid ziri yuggi zoo: asi' nghoid da:. Houg: yoomo nyang: gi to' wigi Eli jhang khyoo: lo" lho: «Nang ngoo ri khi: yoomo ngoo ju" ri" bye:» ga: tid. Nghoid loug we Eli gi «Nga" zoo: we" ngoo nang ri akhi:- lo" yhoeb jo, we'» ga: doem tid.