YOHAN 2:25 - Lacid Common Language Bible

²⁵ Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye.

YOHAN 2:25 교차 참조

1 KHOKHAM 8:39

nyangnu" akyu" mho' dang: ri tam" gyoo: byid: we' o". Re" mougkhung: mungdain: yhoem: mo nyangnu" ri tam" gyoo: byid we' yooboo khyoid byid we' nyangnu" ri pang" thoug we' o". Nang dayug za: byu da" nheigloem: moo myid soin' nyid ziri yo" se' da:. Yugkhang" moo" gi nyang: nya: koid da" moo" yo' dayhang: ti" shoug" kham zoo: baja" o".

ESAIA 11:3

Houg: lho: nyang: gi Aseing ri tam" gyo: cang yhe: jang" mo ngei pyo: khyo: shau" yu wa. Nyang: gi myonhoo: ri yu" lho: agoin tid da" dang: ri gyo: lho: dang: aphyed wa.

MATHE 9:4

Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go".

YOHAN 1:42

Hau: thang: ri nyang: gi Simun ri Yesu jhang khyoo: khe: shu" yhe. Yesu gi Simun ri yu" lho: tid zigi ‹‹Nang gi Yohan nya: zoo: Simun nghoid. Nghoidloug we' nang rigi Kepha ein: myheing wa zi nghoid. (Hau: zigi Petru ga: ziyo' du: lho: lung: moo" boem ga: da" dangkang: bo.)

YOHAN 1:47

Nathanela re" nyid zi Yesu myang lang" nya: khyoo: Yesu tid zigi fain" da" nheigloem: abo da" Israela Byu gyeing" dayug hid: moo ju" bye: ga: wigi tid.

YOHAN 13:11

(Nyang: ri gyivoo yi da" lo, moo ab pyam wa su: hang" nghoid zi: ri si' yoomo Yesu gi dayug mo, lid wigi ga: tid da" khyoo: nghoid.)

YOHAN 6:61

Hid: su" cangzoo: yi ngeig byo, go" nyid ziri Yesu se' nyid nanu" nheigloem: yoin" go" la".

YOHAN 6:64

Nghoidloug we' nanu" mo byu dayham" bang: gi aloem" jeing" boem ga: tid kyo. (Houg: su" aloem" jeing" ziri we' kha: yug gi Aseing: ri gyivoo yi da" lo, moo ab byid: pyam wa ziri we' Yesu gi xang: shed" mo nyang: si' gu nghoid bye.

TARHA" TID POIN" 31:21

Houg: lho: gyoug pho" byo, yoin" khyoo: myoo" sho' nyangnu" adang moo ju" loo wa. Nghoid loug we' he: jikhoin" ri dakhoin" nyid shigoo" wa. Houg: lho: hau: zigi nyangnu" ri sagse: bue" jo, wa. Akhid" nghoid loug we' ngoo nyangnu" ri byid: wa ein: dangsoo" byid: to" da" mung" khyoo: ngoo ashu" vang loo" shi" ri nyangnu" cimyid nyid ziri ngoo se' nyid» ga: tid.