YOHAN 2:23 - Lacid Common Language Bible

²³ Yerusalem voo moo koid; da" lhed: kaid pui" moo Yesu zei: shug da" mau" pho" moo" ri zheung: shau" myang boem yoomo Byu myoo" sho' gi nyang: ri loem" jeing" vang lo boem.

YOHAN 2:23 교차 참조

LUKA 8:13

Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

YOHAN 11:45

Hau: uri Mari jang" moo re" koem" da" byu myoo" sho' moo gi Yesu koid; da" moozoo" ri shau" myang yoomo houg: bang: nyang: ri loem" jeing" lo boem.

YOHAN 2:11

Yesu gi he: xang shid" mau" pho" alhoo: again ri Galile mung" Khana voo moo koid shug zoo" re" nya: myonhoo: phung" yoeb ri toin" shid. Houg: yoomo nya: da" cangzoo: yi gi nyang: ri loem" jeing" loem: khau lo boem.

YOHAN 2:13

Yuda byu yi da" lhed: kaid' pui" jhang lo da" uri Aseing Yesu gi Yerusalem voo khyoo: yhe: lo.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 4:45

Houg: su"Galile moo ju" lo" ri Galile byumyu" yi gi Yesu ri lhoem: tau yu boem. Khasu" wim gari Yerusalem voo moo koid; led: lo da" lhed: kaid pui" moo nyangnu" da" gung nyang: yhe: ju" yu" lho: hau: pui" uri Yesu zei: shug da" akhyoo" again joem ri zheing: myang yoomo nghoid.

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.

YOHAN 6:14

Hid: su" Yesu zei: shug da" mau" pho" moozoo" ri myang mo, gi He: yug gi moug myid moo gyoo" loo wa ga: da" Lapi: amain" yang: nghoid bye ga: tid boem.

YOHAN 6:2

Noo phyoo" shau" nyid da" byu yi ri ge loo" nhang: ziri zheing: myang boem yoomo byu phung: moo" gi thang: moo cang lo nyid boem.

YOHAN 7:31

Meing: byu yi da" akhoug: mo Nyang: ri loem" jeing" mo, myoo" sho' gi Meshia gyoo" lo da" uri he: youg tho' moo mau" pho" khyoo: je yo" koid; shug wa la"» ga: myid: ago".

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.