YOHAN 2:19 - Lacid Common Language Bible

¹⁹ Yesu phougtu" zigi ‹‹He: no ku" yhoem: moo" ri phyo' pyam' ge'. soem" nyid" agyoo: moo ngoo doem yo" koid; too" wa.»

YOHAN 2:19 교차 참조

MATHE 12:40

Yona gi ngoo: zeing da" voem: doug khoug: moo soem" nyid soem" myen, loung" jo, yhangti"- Byu da" nya: zoo: gi myidjang: khoug: moo soem" nyid" soem" myen, loung" jo, wa zi nghoid.

MATHE 16:21

Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.

MATHE 27:40

«Noku yhoem moo" ri nang phyo' pyam lho: soem" nyid" agyoo: moo doem yo" tu shab too" su:. Nang Mangso da" nya: zoo: deung nghoid rigi nanya: gung na nyang: khyoid yu we' pyang" zeing tho' mo gyoo" lo yu" we'.»

MATHE 27:63

«Zoug: Phoo we"- hau: da" byu mhoug phoo gi dei nyid shi" uri ‹ngoo gi shid thang" mooseom" nyid ri doem dei loo wa› ga: nyang: tid tid zi ngoonu" xoem" too" shi.

MARKU 14:58

He: yug gi byu lo, wigi koid to" da" he: Noku yhoem moo" ri phyo' pyam lho: soem" nyid" kyoo: lang" byu lo, wigi akoid loo: za:-ngoo koid too" wa"-ga: tid ziri ngoonu" shau" gyo: boem bye- ga: tid ago".

MARKU 15:29

Khyoo: moo so" lid loo" mung" byu joem we' Yesu ri juang" ziyo'-vhu" nghui" nghue" lho" nang Mangso da" yhoem: ri phyo' pyam lho: soem" nyid gyoo: moo doem yo" koid too" wa ga: su: we".

MARKU 8:31

Yesu nya: cangzoo: yi ri jhau byid: zigi byu nya: zoo: gi khyeug shu: da" khyoo: myoo" sho' ja: kham: zoo: ca" wa nghoid-zoug: ludaid, yi Khainjung zeing yi yo' tarha" sara yi wigi ngeug pyam zi shau" lho: said pyam zi shau" wa. Nghoid loug we' soem" nyid lang" doem dei to'' loo wa ga: jhoug" byid.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

ACTS 2:24

Nghoid loug we' Mangsoo gi-Nyang: ri shid: lo" da" yoem: so' lhoid kaid kho- shid: jang" mo doem dei to' loo nhang: bye. Khasu" wim gari shid: zigi Nyang: ri ayo" zei: lhoug too" nghoid da.

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 3:26

Hougsu" nghoid yoomo nanu" yug khang" moo" ri akhyeung" da" lo, moo" mo-doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xang: shed" nhang: kaid' byid: abye:- ga: kho" kyo.

ACTS 6:14

Nazared mo Yesu gi hau: Mangso da" yhoem: moo" ri phyo' pyam' lho: Moshe ngoonu" ri byid: to" da" thung" tarha" ri thed' pyam' byid: loo wa ga: he: yug tid nyid ziri ngoonu" shaug" gyoo: bye:- ga: sagsi: kham, byid: boem ago".

Roma 4:24

ngoonu" ri we' yeing lho: lhid" to" zi nghoid. Khasu" wim ga: ri ngoonu" da Aseing" Yesu Khristu ri shid: jang" mo doem dei to'' loo nhang: da" Mangsoo: ri ngoonu" nyang: ri loem" jeung" yoomo ngoonu" ri we' deingbyeing" mo, amain" khyo" Mangsoo: gi lhid" xoem" too" bye.

Roma 6:4

Houg: yoomo nyangnu" gi Babtisma kham khyo" wigi Khristu yo" dage" shid: kham: lho: - nyang: yo" dage" myhoeb pyam' zi shau" boem bye. Aseing yo" dage" shid: kham: da" khyoo: gi pho da phung" yoeb yoem: so' yo" Khristu ri shid: da" jang" mo doem dei to'' loo nhang: zi yo" dakhyoo" - ngoonu" gi kangso' Aseing moo doem yo" dei nyid wa shid' re" nghoid.

Roma 8:11

Aseing Yesu shid: jang" mo doem dei to'' loo nhang: da Mangso: venyi gi nanu" da akhoug: moo bo nyid rigi Yesu Khristu ri shid: jang" mo doem dei to'' loo nhang: da" Aseing gi nya: da" venyi khyo" wigi nanu" da" xangshid" gungdoem: joem ri we' doem dei to'' loo nhang: wa zi nghoid.

1Korinthians 15:12

Akhid" Khristu gi shid: jang" mo doem dei to loo bye: khyoo: ngoonu" kho" kyo" nyid uri- shid: byug bye: bang: doem dei to lo khyoo: ajo,- ga: wigi: nanu" mo dayham" gi khasu" gi yo" tid nyid go" lha"

KOLOSE 2:12

Nanu" gi Babtisma kham: yu da" bidnyid ri nyang: yo' dage" myhoeb, pyam' zi shau" wigi Khristu ri shid: jang" mo doem dei to' loo nhang: Mangso da"-yoem: moo" ri loem" jeung da" laloem, lakhoug: yoomo Khristu yo' dage" dei to'' loo nhang: zi shau" boem bye.

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.