YOHAN 2:16 - Lacid Common Language Bible

¹⁶ Aseing Yesu gi ‹‹Haug: bang: ri hid mo yu pyam' ge' Nga" pho, Yhoem: moo" ri kid" yhoem: akoid logoo" ga: wigi-jid: vhu: ung" bang: ri amyeing" khyo,

YOHAN 2:16 교차 참조

YEREMIA 7:11

Nga" Noku Yhoem: Moo" gi lhoid zo: da" khyangtoug: yi shid re" goug" wa joyoo ein: jhoo: go" rhe". Nanu" cikoid nyid ziri ngoo shau" myang byid: bye:.

MATHE 21:12

Aseing Yesu gi Mangso yhoem: moo" moo vang lo" ri yhoem: khoug: mo kid" ung" kid" qei mo ri lo" khaid thu' pyam' Ngei thid' mo da" zoobue" joem yo"- pheing" kyoug" ung" mo da" zhungtang joem ri tu: sain" pyam byid.

MATHE 21:13

Nyang: nyangnu" ri «Mangsoo tid jhoem: mougsoug" moo lhid" to" zigi ‹nga" da" yhoem: ri Mangso yhoem: ein: wa› ga: nghoid loug we' hau: yhoem: ri nanu" gi khyangtoug: lug ug dakoid: nyid ago"» ga: tid.

MATHE 22:5

Nghoidloug we' khe: too" mo, gi khokham" da" dei zoo: yi ri ci: shu: we' anhang: boem. Dayug gi yoo khyoo: dayug gi nya: da" phaga: jang: khyoo te: yhe: lo" boem ago".

MARKU 11:17

Hougsu" nyang: gi mung" byu yi ri nga" yhoem: ri byumyu" acang: joeb sho' mo da" akyu" mho' yhoem:- ga: myeing boem wa"- ga:Mangsoo tid jhoem: mougsoug" moo lhid" to"- nghoid loug we' nanu" gi hau: ziri khyangtoug: joem gau" to da" lug ug koid pyam boem bye- ga: jhoug" byid: da.

LUKA 2:49

Zooshang: Yesu gi yhed yo" ba" ciwim wigi ngoori cang sho: yen" go" lha". Ngoo gi pho da" yhoem: moo nyid wa ziri asi goo" rhe" ga: doem tid.

YOHAN 10:29

Nyangnu" ri nga" lo, moo ab byid: to" da" Phoo gi dangain" tho' moo je gyi: su: nghoid yoomo hang" nghoid loug- nyangnu" ri pho da" coung: goem nyid jang" mo ayo" lhoid yu loo.

YOHAN 2:15

Hau: uri tei" shoem, voosi" dakhaid koid; yu lho: yang joem yo" nujung joem gougnyhoug dangain" ri no ku" yhoem moo" khoug: mo khaid thu' pyam. Ngei thid' mo da" zoobui" joem yo"- ngei joem ri we' tu: phaug foid' sain" pyam byid.

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 8:49

Yesu phougtu" zigi ngoo gi yu vang ci: su: anghoid. Ngoo gi nga" phoo ri phau" myang: nghoid loug we' nanu" gi ngoori aphoug" amyang.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.