YOHAN 19:30 - Lacid Common Language Bible

³⁰ Aseing Yesu gi hau: gyid jhen ri dajhi' shug lho: moo" bain bye" ga: tid zoore"- vhuloem ri nghoe" khyo kaid wigi kang: khyo" loo" khari" bye.

YOHAN 19:30 교차 참조

YOHAN 17:4

He: mougmyid moo ngoo gi re" da" myonhoo: phung: yoeb' ri thoin" pang byid: bye. Nang ngoori ab byid: da" moo" zeing: ri bain sho' zei: pyam bye.

PHILIPI 2:8

Hougsu" nya: gung ri khyo, nyhoem: pyam wigi tam" gyo: da" khyoo: moo shid: jang" moo ju" sho'-cang so" loo" bye- gyeing" nyang: pyang" zeing moo shid: jang" moo ju" sho' tam" gyo: nyid.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

YOHAN 10:11

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

DANIELA 9:24

Nyhed xi: zain nyhed lheing: gi re" byumyu" ri yo' re" da" gyeung" shang: voomoo" ri yooboo yo' akhyeing" ashoeb jang" mo loid byoin nhang: wa shid re" Mangsoo xoem" too" byid: da" ayo, akhyeing: nghoid da:. Yooboo ri khyoid pyam byid: lhoo apyaid atoo: moo tarha" nyeung veung" ziri zhug to" loo wa. Houg: lho: yoeb myang yo' lapi: dang: gi jo loo wa. Houg: lho: gyeung" shang: Noku Yhoem: Moo" we' doem shugbyid: loo wa.

LUKA 23:46

Yesu gi O" nga" phoo we"- Aseing: da" lo, moo nga" Venyi: ab byid: bye" ga: thui: zeing: yo" gyi" sho' nyho: lho: kang: gyoo" khari" bye.

ESAIA 53:10

Aseing tid zigi «Nyang: yau: khe" kyi" khyeug kham zo: wa zigi nga" myid vho: da" khyoo: nghoid. Nyang: shid: zigi yooboo khyoid byid: ziri bui" nhang: da" xoin" nghoid da:. Houg: lho: nyang: gi nya: amyed ashen yiri shau" myang loo wa. Nyang: gi kang: sheing: sho' dei nyid wa. Nyang: khyo" wigi nga" myid soin' khyoo: oung: doid loo wa.

Roma 10:4

Houg: yoomo - Khristu gi tarha" pyaid ri thang loo" nhang: bye nghoid yoomo Aseing: ri loem" jeung" mo dangain" ri - nya: da" shid' khoin" moo deingbyeing" mo bue" loo wa da" akhang" ri Mangsoo: byid: bye.

YOHAN 19:28

Hau: ayo, moo moo" dangain" bain bye: da" khyoo: ri Aseing Yesu gi si' yoomo Jhoem mougsoug" moo bo ziyo' dakhyoo" ti"- bue" loo wa shid' re" Yesu gi ngoo gyid shed' ga: tid.

MARKU 15:37

Yesu gi thui: moo" zeing yo' ngau lho: kang: gyo" loo" bye.

YOHAN 10:18

Khayug we' nga" kangso' ri ayo" yu pyam byid ngoo nya: myid khyo" ngoo byid: pyam da" khyoo: nghoid. Ngoo gi kangso' ri byid: pyam wa amyeing" yo"- Kangso' doem yo" tau" yu wa amyeing" ngoo ci:- Hid: su" koid; wa shid' re" phoo gi ngoori akhyeing byid: to" amyeing" byid: to" zi nghoid ga: tid.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MATHE 27:50

Yesu gi thui: zeing yo" doem nyho: ngau lho: nya: kang:- gyo" loo" khari" bye.

ESAIA 53:12

Houg: yoomo ngoo gi nyang: ri ngi: shab da" joyoo byid: wigi Byu zeing yi yo' yoem so' yo" da" byu phung: moo joyoo byid: wa. Nyang: gi nya: kangso' ri ngei ngei za: byid: pyam wigi akhyeing" da" byu yi vhu" pi: lo, kyo' moo bo kham yu bye:. Nyang: gi yooboo yoo" bang: myoo: sho' da" yooboo joem ri voin wigi Nyangnu" yooboo khyoid pyam byid: zi shoug" goo" wa shid re" akyu" mho' da» ga: tid da:.

COUNG" NGHEI 22:15

Nga" da" khyung" kang: gi myidzhoo" phei" yhang: ti" kyoug jo, lho: nga" da" yhoo: we' vhoo: moo: dab, byug bye:. Nang gi ngoo ri shid: wa shid re pheilhoug: boem" moo: she: pyam, too" bye:.

HEBRE 9:22

Toung: to" tarha" yo' dakhyoo" ti" ga: rigi-ziyoo jo, moo jo, alug bain sho' ri suid" yo' yo" ced" yung" ced" shang: loo nhang" wigi suid" shoin: byid: khyoo: khyo" za: youg: noo yooboo ri yo" khyoid pyam byid: nyid.

Roma 3:25

Khristu shid: kham: khyoo: khyo" xangsu: byu yi gi yooboo mo yo" loid' loo" wa shid' re" Mangsoo: gi hau Aseing ri gung leig xoin" gyeing" khyo" nyang: soin' phyed pyam' bye. Xangsu: byu yi gi Khristu ri loem" jeung" khyoo: khyo" youg noo yooboo mo yo" loid lo" boem bye. Mangsoo: gi Khristu ri gungleig xoin" gyeing" ga: soin: pyam' da" khyoo: gi nya: shid' khoin" moo xangsu: byu yi deingmain" daingbyeing" mo agyeing" khyo" khasu" koid' lhoem kham: yu da" khyoo: ri toin" shid' wa shid' re" nghoid. He pyaid he yo, ju" sho' Mangsoo: gi nheigloem: sheing: sheing: zeing: kham nyid lho: byu yi shoid' da" yooboo ri we' khyoid' pyam' byid.

MATHE 3:15

Houg: ri Yesu gi «akhid" nyang: houg: zei: byid: we' deung main" da" khyoo: ja: khang" moo" ri zei: byeung" wa zigi ge nyid bye:» ga: nyang: ri tid. Houg: lang" hau: moo" nyang: ri zei: byid: bye.

1Korinthians 5:7

Nanu" dangain" bang: gyeungshang: bang: bue" loo wa shid re" doo, cid" axoug" ga: da- youg: noo yooboo ri shoem" shoung: pyam ge'. Houg: lang" nanu" gi doo, cid" abo da" zooyho, khi, zeing yhang: ti" nanu" yo" bue" loo wa zi nghoid. Nanu" hougsu" yo" bue" lo ziri- ngoo khyag nyang: si' bye. Khasu" wim gari- Khristu ga: da- yha" da" lhid: kaid da" pui" koid wa zi gi jen" jen" nyang: nghoid nyid bye.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

LUKA 22:37

Nanu" ri ngoo tid zigi hau: yug gi byu said mo, da" zhayen" moo yo" bo ga: da" jhoem: dang: yo' dakhyoo" ti"- ngoo moo bui" wa nghoid. Khasu" wim gari nga" khyoo: ri lhid" to" ziyo' dakhyoo" deing" deing bue" loo yoomo nghoid.