YOHAN 19:13 - Lacid Common Language Bible

¹³ He: da" dang: ri shaug" gyoo: lang" gi Pilaid khokham" gi Yesu ri nghe: shoid khyoo: shu" thu' lo" lho: Lug pyi" myhu" to" da" tarha" gabyam: tho' mo, zhungtang tho' moo zhoung: jo, nhang. (Hau: lug pyi" myhu" to" da" gabyam: ri Hebre myeing" khyo" gi Gabatha ga: da" joyoo nghoid.)

YOHAN 19:13 교차 참조

DANG: ZHOEM 29:25

Subi" gooje, wigi nang ri ciga: goo" wa la"» ga: myid ci: khyoo: gi gyoug ci' ca" nyid. Nghoid loug we' Aseing ri loem khau: nyid nghoid rikoem gi nang gau: nyu: nyid wa nghoid.

PHAJHI" DANG: 5:8

Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

ESAIA 57:11

Aseing tid zigi «Nanu" ngoo ri mhau' tid wa yo' ngoo ri bain sho' to" myhid pyam' wa shid re" nanu" ri gyoug nhang: da" yu phara" gi khate" zi nghoid boem la". Ngoo gye myang" sho' sam: zoo: nyid nyid yoomo ngoo ri ngi: shab byid: wa ziri nanu" theing: pyam' ago" la".

YEREMIA 38:19

Nghoid loug we' khokham phoo gi «Babelon byu yi shoid khyoo: phang: dab byug boem bye: da" ngoonu" byumyu" yiri ngoo gyoug da:. Ngoo gi nyangnu" lo, khyoo: ab pyam zi shau" wigi shen" yhen zi shoug" abe» ga: tu" da:.

AMO 4:7

Nanu" da" shivoo: joem gi moug: gyid gye" ca" nyid uri ngoo gi moug: ri toem' too" bye:. Ngoo gi voomoo" davoo moo gi moug: voo nhang: lho: goo" voo moo gi moug: ri avoo nhang:. Yoo dakhyang" moo gi moug: voo byid: lho: goo" khyang" moo gi kyug fo: jo, nhang:.

MATHE 27:19

Pilaid mung" zoug: gi «Tarha" zhung: tang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoori amain damyen goin' yhoeb' mo, moo nyang: yoomo nga" shid re" gye" jam joug bye:» ga: pyeung: kaid.

LUKA 12:5

Nanu" gyoug moin: su: ri ngoo toin" shid ba. Gung shoo" ri said thang: ri nanu" ri ngarai mung" moo yo" khyo kaid su: ri gyoug nyid ge'. Nanu" ri ngoo tid. Hau: Aseing: ri je: gyoug nyid ge'.

YOHAN 19:17

Yesu gi vhu" gyab' boug ga: da" joyoo khyoo:- nya: pyang" zeing: ri vu, lho: yhe: lo. (Hau: da" joyoo ri Hebre myeing" khyo" Golagotha ga: zi nghoid.)

YOHAN 19:20

Yesu ri pyang" zeing; tho' moo baid jen" said da" joyoo gi voogung yo" gye jhang yoomo byu myoo" sho' mo, gi hau: xang: yoeb ladoo" mougsoug" ri re" yo" nghab boem. Hau: mougsoug" ri Hebre myeing"- Latin myeing"- Greek myeing" khyo" lhid" tab to" boem.

YOHAN 19:8

Houg: bang: da" dang: zheing: shaug" gyoo: lang" Pilaid khokham" gi je gyo: gyoug lo.

YOHAN 5:2

Yerusalem mo yang khoem" duang: vang wa khyoo: wim: loem: jo, da" nam, moo gyid thoem" daloem: jo. Hau: gyid thoem" ri Hebre myeing" khyo" Bedsaida ga: tid.

ACTS 4:19

Nghoid loug we' Petru yo' Yohan eig yug gi nyangnu" ri doem phoug tid zigi Mangso dang: ri tam" gyoo: wa la". anghoid lang" gi nanu" da" dang: ri tam" gyoo: wa la". Mangso shid' moo kha: loem: jo zigi nanu" nyang: dang: phyed' byid: ge'.