YOHAN 19:1 - Lacid Common Language Bible

¹ Hau: thang: ri Pilaid khokham" gi Yesu ri khe: shu" loo" nhang: lho: gyoem thoung" wigi yug nhang.

YOHAN 19:1 교차 참조

COUNG" NGHEI 129:3

Nyangnu" gi nga" da" seing" khung: moo no, sho' dam khoo: tuang byid: boem wigi hau: zigi phoug to" yoothung" pa: ti" du nyid.

ESAIA 50:6

Ngoo ri baid bang: shid re" nga" nung" khung: cen: ri ngoo kham byid:. Nyangnu" ngoo ri rue" boem uri ngoo nyangnu" ri atoem' pyam. Nga" nhoid mei: ri nyangnu" phoin' pyam uri yo' nga" myonhoo: ri shakain" byi" gyoin: boem uri ngoo nyangnu" ri atoem' pyam.

ESAIA 53:5

Nghoid loug we' ngoonu" yooboo joem gang mo nyang: dam dab abye:. Ngoonu" koid da" akhyeing" da" lo, moo" gang mo baid zi shoug" kham zo: abye:. Ngoonu" gi nyang: kham zo: da" kyi" khyeug yooboo dam khyo" wigi byang" byid: zi shoug" bye:. Nyang: shoug" kham zo: da" zhoeb thung" da" dam khyo" wigi ngoonu" byang" byid: zi shoug" bye:.

MATHE 20:19

Hau: thang: ri nyangnu" gi nyang: ri juang" yi baid youg lho: pyang" zheung: moo baid jen" too" wa shid re" nghi: zain byumyu" yi da" lo, moo ab pyam boem wa zi nghoid. Nghoidloug we' nyang: gi soem" nyid" lang" doem dei to'' loo wa zi nghoid» ga: tid kyo.

MATHE 23:34

Houg: su" nghoid yoomo nanu" ri ngoo tid nau da" zigi nanu" da" jhang khyoo lapi: yi phajhi" boo mo, Tarha" sara: yi ngoo nhang: kaid wa. Nanu" gi houg: bang: dayham" gi lhoem: said pyam lho: dayham" rigi pyang" zeing moo jen" lhang" to" boem wa. Dayham" ri gi tarha" jung khoug: moo baid lho: dayham" rigi davoo mo davoo khyoo cang khaid lo" boem wa.

LUKA 18:33

Nyangnu" gi nyang: ri baid youg boem lho: said pyam boem wa. Nghoidsho' loug we' soem" nyid" kyoo: lang" nyang: doem dei to'' loo wa nghoid.

LUKA 23:16

Houg: yoomo nyang: ri ngoo yoo bo dam, byid: lho: doem nhang: kaid wa ga: tid.

LUKA 23:23

Nghoidloug we' byu phung: joem gi Yesu ri pyang" zeing: tho' moo baid jen" said pyam wa shid' re" khyung" jid' loo" sho' sho' nyho: yoid mho' nyid boem. Houg: yoomo lo" thang moo gi yo" mho' yu lo" boem ago".

2~KORINTHU 11:24

Yuda byu yi ngoori soem" xe goug: dam dam byid zi, wim lheung: shau" yu" bye.

HEBRE 11:36

Dayham" ri gi juang" yi gei sang: lho: youg baid' said pyam wigi dayham" rigi myheug tei" thung moo lhoung pyam zi shau" nyid ago".

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-