YOHAN 18:4 - Lacid Common Language Bible

⁴ Aseing Yesu gi nyang: thoung" shau" wa da" moozoo" dangain" ri si' gu nghoid yoomo houg: bang: jhang khyoo: jhen" yhe: lho. Nanu" hang" ri shoo: go" ga: yhe: myid.

YOHAN 18:4 교차 참조

1 KHOKHAM 18:10

Mougmyid gyab goin" mo mungdain: khang" moo" moo khokham phoo gi nang ri cang sho: nyid ein: ziri re" kangso' Aseing Mangsoo mo ngoo jham' yo" tang: zi nghoid. Nang gi nya: mungdain: moo anyid loo: ein: mungdain: ri vhoebkhang" su: tid kyo" uri lang" nang ri amyang shoo: ein: khyo" vhoebkhang" su: jham' tang: wa shid re" she Ahab' mho' nyid da:.

NEHEMIA 6:11

Ngoo gi «Tang" wigi pang: goug" yen" wa da" byu anghoid. Ngoo Noku Yhoem: Moo" moo goug" nyid wigi ngoo nya: kangso' shid re" khyoid yu khyoo: koid wa ein:» nang myid jho: rhe".

COUNG" NGHEI 27:3

Gyidab, goin" ngoo ri lheung khoem to" boem nghoid loug we' ngoo gyoug dain' wa zi anghoid. Gyivoo joem ngoo ri zain: lo boem nghoid loug we' ngoo gi Mangsoo ri za: loem khau: nyid wa.

COUNG" NGHEI 3:6

Nga" gyivoo moin sen: joem ngoo ri shoid zoo shoid zeing khyoo" lheung khoem too" nghoid loug we' ngoo ci: agyug.

DANG: ZHOEM 28:1

Akhyeing" ashoeb bang: gi nyangnu" ri hang" wigi akhaid nghoid loug we' lhoung phang: lo" ago". Nghoid loug we' nheigloem: deingmain" nyid su: koem gi khang khyi yo" dakhyoo" ti"- seing" deing khid" yo" nyid nyid da:.

MATHE 16:21

Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.

MATHE 26:2

«Lhid: kaid" da" pui" ju" wa zi nghoid. Hau: uri byu da" nya: zoo: ri said pyam wa shid re" sube" da" lo, moo" ab pyam beom wa nghoid.»

MATHE 26:21

Hau: uri Yesu gi «nanu' ri ngoo tid ba. Nanu" mo dayug gi sube" lo, moo ngoori ab pyam goo" wa nghoid» ga: tid.

MATHE 26:31

Hau: thang: ri Yesu gi «jhoem: mungdang: moo yang zung" su: ri said pyam lang" gi yang joem gi abyoo asain" bei, sain" loo" wa ga: tid to" ziyo' dakhyoo" ti" akhimyen nyang: nanu" gi ngoori she: pyam too" kho' lho: phang: sain" lo" boem goo" wam: bye.

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 13:11

(Nyang: ri gyivoo yi da" lo, moo ab pyam wa su: hang" nghoid zi: ri si' yoomo Yesu gi dayug mo, lid wigi ga: tid da" khyoo: nghoid.)

YOHAN 18:5

Houg: bang: gi Nazared mo Yesu ri sho:- ga: tid boem. ‹‹Ngoo gi hau: yug nyang: nghoid bye:» ga: tid. Aseing: ri gyivoo yi da" lo, moo ab pyam wa da" Yuda gi houg: bang: yo' dage" yab jo.

YOHAN 18:7

Houg: yoomo Aseing Yesu gi nanu" hang" ri shoo: go" ga: doem myid. Houg: bang: we' ‹‹Nazared mo Yesu›› ri sho: ga: doem tid boem.

YOHAN 19:28

Hau: ayo, moo moo" dangain" bain bye: da" khyoo: ri Aseing Yesu gi si' yoomo Jhoem mougsoug" moo bo ziyo' dakhyoo" ti"- bue" loo wa shid' re" Yesu gi ngoo gyid shed' ga: tid.

YOHAN 6:64

Nghoidloug we' nanu" mo byu dayham" bang: gi aloem" jeing" boem ga: tid kyo. (Houg: su" aloem" jeing" ziri we' kha: yug gi Aseing: ri gyivoo yi da" lo, moo ab byid: pyam wa ziri we' Yesu gi xang: shed" mo nyang: si' gu nghoid bye.

ACTS 2:28

Nang gi ngoori kangso' dei nyid jang: moo ju" lo" da- khyoo: ri toin" shid byid: abye: da. Nang gi ngoo yo' dage" nyid yoomo ngoori ngei pyoo: nhang: loo wa nghoid ga: tid.

1PETERU 4:1

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo.