YOHAN 18:1 - Lacid Common Language Bible

¹ Hid: yhangti" akyu" bain mho' da" thang: ri Yesu gi nya: cangzoo: yi yo" dage" Kedron gyid nung" thei: tab' khyoo: gu: dab lo" boem.

YOHAN 18:1 교차 참조

APOEM AYANG: 2:15

Houg: lang" Aseing Mangsoo gi Eden khyam: ri yu" coung: lho: lhoug zung" wa shid re" houg: mo xangsu: yuggi ri nyhid: too" bye:.

APOEM AYANG: 3:23

Houg: yoomo Aseing Mangsoo gi nya: tang: ri Eden khyam: khoug: mo khaid thu pyam lho: nyang: ri phain" so: kaid da" myidjang moo nyang: ri zei: zoo: nhang: pyam bye:.

2 SAMUELA 15:23

David jhang cang bang: thu lo" uri byu yigi thui: zeing yo' cang ngau boem. Khokham gi Kidron gyid lang moo lid yhe: loo" lang" nya: byu yi we' cang dab lo wigi nyangnu" dage" dain" pyoid yoo khyoo: yhe: lo" boem bye:.

1 KHOKHAM 15:13

Nyang: gi nya: phyid" Makha ri khokham myhi' da" nya: myhi' aya: mo theing: nhang: bye:. Ciwim gari nyang: gi je be: myo: lug lo ga: da" aco' ajhoid yu phara" myhi' Ashera yu soolhoo: ri koid yoomo nghoid. Asa gi hau: yu soolhoo: ri baid khyau" pyam lho: Kidron lang: khung" moo nghe' pyam bye:.

1 KHOKHAM 2:37

Nang Kidron gyid lang lid sho' thu so" lo" nghoid rigi gyeing" nyang: shid: wa zi nghoid. Nanya: gung nanyang: yooboo byid: zi shoug" wa zi nghoid» ga: tid.

2 KHOKHAM 23:12

Yuda khokham yi wigi khokham Ahaza da" yhoemkhung: dang khokham kho" da" khung: dang moo koid to" da" phoin: ri Noku Yhoem: Moo" da" vang" eig loem: moo khokham Manashe wigi koid to" da" phoin: joem yo' dage" khokham Yoshia phyo' khyo' pyam da:. Nyang: gi phoin: joem ri ajab amhoin' koid pyam wigi hau: joem ri Kidron janggyoin: khoug: khyoo: du" zei pyam da:.

2 KHOKHAM 23:4

Hau: thang: Yoshia gi khainjung moo" Hilkia- nyang: ri pang" da" khainjung yi Noku Yhoem: Moo" khoem" duang: moo moo" eung: da" goem loem bang: ri Bala yu phara" myhi' Ashera yo' kyi: joem ri no' jang" moo ci: da" zi joem ri Noku Yhoem: Moo" khoug: mo yu thu loo" goo" wa shid re" amyeing" byid: da:. Khokham phoo gi hau: zi joem dangain" ri voomoo" tunggung shoid Kidron janggyoin: nam moo nghe' pyam da:. Hau: thang: myimoeb ri Bethela khyoo: yu lo" da:.

2 KHOKHAM 23:6

Nyang: gi yu phara" myhi' Ashera da" soolhoo: ri Noku Yhoem: Moo" mo yu pyam lho: voomoo" mo zi Kidron janggyoin: khyoo: yu thu lo" wigi nghe' pyam da:. Hau: myimoeb ri myimoeb phei" bui" sho' thung" phei" wigi hau: ziri shava loeb boug moo geig sain" pyam da:.

2 KHOKHAM MHOOMYID: 15:16

Khokham Asa gi nya: phyid" Makha ri khokham nya: myhi' aya: mo khyo' pyam da:. Ciwim gari nyang: gi myid xu: gi byid: da" aco' ajhoid da" yu phara" myhi' Ashera soolhoo: ri koid su: nghoid da:. Asa gi hau: yu phara" soolhoo: ri thug lheing: wigi bug kho' sain" pyam da:. Houg: lho: Kidron lang: khung" moo adu du koid wigi nghe' pyam da:.

2 KHOKHAM MHOOMYID: 29:16

Khainjung yigi Noku Yhoem: Moo" ri kyeing sain' pyam wa shid re" akhoug: khyoo: vang yhe: wigi nyangnu" gi thung" khyo" ayung" alho' bui" nhang: da" ja: dangain" ri Noku Yhoem: Moo" vang" khyoo: de" thu pyam ago". Hau: joyoo mo zi Levi byu yigi dangain" ri voomoo" tunggung shoid Kidron lang: khung" khyoo: de" pyam boem.

2 KHOKHAM MHOOMYID: 30:14

Nyangnu" gi Yerusalem mo xoin" ngei" byid: jang" mo yo' shoem: nam pyo: ja: xu: nghe' ngei" byid: jang" moo ci: lo da" phoin: joem dangain" yu wigi Kidron lang: khung" khyoo: she: pyam pyam da:.

NEHEMIA 2:15

Houg: yoomo ngoo gi Kidron lang khung" khyoo: gyoo" yhe: lho: myang: jui: so" lo" zoo" ri vang khyam: joem ri yu" khoo' bye:. Hau: thang: ngoo re" lo da" khyoo: khyo" doem tau" lo wigi langkhung" khoem" moo" khyo" voomoo" khoug: khyoo: doem tau" loo bye:.

YEREMIA 31:40

Byu shid: mang joem ri myhoeb da" joyoo yo' mhoid' soid boem to" da" lang: khung" goin"- bidthu shoid myang: khoem" moo" ju" sho' yo' Kidron gyid gyung: zoo: tho' du mo mougmyid dangain" gi nga" shid re" gyeung" shang: da" joyoo nghoid loo wa. Voomoo" gi khanham we' phyo' khyo' pyam phyo' shoin' pyam ashau" loo wa» ga: Aseing tid da:.

XOIN" NGEI" 2:6

Xoin" khyo" hau: ziri ngei" byid: lang" hau: zooyho' ri khyu' mhoin' wigi xu: foid gyoin: wa zi nghoid.

MATHE 26:30

Hau: thang: ri Yesu yo" cangzoo: yi gi jihkoin" ri bain coung" ngei lang" zhainlun boem khyoo thu' yhe: lo" ago".

MATHE 26:36

Hau: thang: ri Yesu gi cangzoo: yi yo" dage" Geseman ga: dajoyoo moo ju" yhe: lo" boem. Yesu gi ngoo gi hau: joyoo moo yhe: lho: akyu" mho' nyid uri nanu" gi «he: joyoo moo zhoung: jo, lang" ge'» ga: cangzoo: yi ri tid khare" lho:

MARKU 14:26

Hau: thang: ri nyangnu" gi coung" nghei jikhoin" daloem: bain coung" byid: lang" zhainlun boem khyoo: thu' yhe: lo boem ago".

MARKU 14:32

Yesu yo' cangzoo: yi gi-Gesemane ga: myeung da" joyoo: moo ju" re" lo ago". Yesu gi nya: cangzoo: yi ri ngoo akyu" mho' nyid uri nanu" gi hid: moo zhoung: jo, lang" ge' ga: tid khare".

MARKU 14:42

Too' ge'. Ngoonu" yhe: lo" boem loo: shang- yu" ge, ngoori ab pyam wa su: gi ju" re" nyid bye" ga: nyangnu" ri tid.

YOHAN 14:31

Nghoidloug we' ngoo gi phoo rijheddab nyid da" khyoo:- mougmyid gi si' ca" nyid. Ngoo gi phoo ri jheddab yoomo ngoori tid kyo" da" khyoo: dangain" ri ngoo cang pyeing bye. He: joyoo mo to' lho: ngoonu" thu' lo" boem loo: shang ga: tid.

YOHAN 18:26

Petru wigi nakhyab' jab phyed' byid: shau" da" join pho bidnoem Khainjung agyi dayoug da" join, phoo gi nang ri hau: yug yo" dage" khyam: moo ngoo myang- anghoid la"» ga: tid.

ACTS 21:11

Nyang: gi ngoonu" jang" moo ju" ri" lang" Polu da" phyid" cu" ri yu lho: hau: ze wigi nya: khyid: yo' lo, joem moo tei" da. Hau: lho: nyang: gi he: phyid" cu" seing: ri Yuda byumyu" yi wigi Yerusalem voomoo" moo hidsu" tei" joeb, lho: nyangnu" gi nyang: ri tungbau byumyu" yi da lo, moo ab, byid: pyam' goo" wa gyeungshang: Venyi tid» ga: tid da.