YOHAN 17:6 - Lacid Common Language Bible

⁶ He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

YOHAN 17:6 교차 참조

COUNG" NGHEI 119:11

Ngoo gi re" da" tarha" ri nga" nheigloem: ung: khoug: moo kaid to" khyoo: gi nang ri ngoo yooboo azang" koid wa shid re" nghoid.

COUNG" NGHEI 22:22

Nang zei: da" moo" zoo" ri nga" byumyu" yiri ngoo tid kyoo: wa nghoid. Nyangnu" da" zoebphung: moo: ngoo gi nang ri coung" nghei wa nghoid.

THU' LO" MOUGSOUG" 9:16

Nghoid loug we' nga" phung" yoeb gi mougmyid gyab goin" jang" moo fu" nhang loo baja". Nga" yoem: so' nang ri ci: shug byid: wa ngoo gi nang ri dei nyid nhang: too" bye:.

DANG: ZHOEM 2:10

Nang gi phajhi" si' su: bue" lo wigi re" da" lasi laleug gi nang ri gau yi ngei pyo: loo nhang: wa zi nghoid.

DANG: ZHOEM 23:23

Deingmain: khyoo: phajhi" juyhi: bo da" khyoo: jhau" kham: yu khyoo: joem yo' ge da" nheigloem: hau: ziri nang gu phyed lho: ung" zoo: wa ein: lang" age myid yu: sho' phoug" dab, zi nghoid.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 12:28

Phoo we"- re" da" myonhoo: phung" yoeb' ri dathu' ri" nhang: we' ga: tid nyid. Houg: lang" mougkhung: mo thui: thu' lo zigi ngoo gi nya: myeing ri myonhoo: phung" yoeb' ri thu' ri" nhang: bye. thang: ri dalheing: we doem thu' ri" nhang: shi" wa" ga: tid.

YOHAN 15:19

Nanu gi moug myid ge' seing mo nghoid ri gi moug myid gi nanu" ri nyang: seung zi yhangti" jheddab wa zi nghoid. Nghoid loug we' ngoo gi nanu" ri he: mougmyid mo khyen: thu' too" bye: yoomo nanu" gi he: mougmyid yo' ci: asen. Houg: yoomo mougmyid gi nanu" ri ngheing" zi nghoid.

YOHAN 15:3

Houg: yo' dakhyoo" ti"-- ngoo jhoug" byid: da" Mungdang: gi akhid" lang" nanu" ri kyid shang: nyid bye.

YOHAN 15:7

Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

YOHAN 17:12

Ngoo gi houg: bang: yo" dage" nyid shi" da" uri nang ab byid: to" da" re" voolang myeing khyang" yoem: vhoo" yo' nyangnu" ri goem loem zung" lhug byid: bye. Ngoo gi nyangnu" ri zung" lhug goin coung: nyid. Yoomo Jhoem: mungdang: moo bo ziyo' dakhyoo ti"- shid: no byo, yoin" loo" wa da" dayug mo jan" lho: gootu: hang" we abyug loo" wa.

YOHAN 17:14

Re" da" mungdang: khoin" nyangnu" ri ngoo byid: bye. Moug: myid byu yi gi nyangnu" ri avho: angei boem. Khasu" wim gari ngoo gi mougmyid yo" asen: ziyo' dakhyoo" ti"-- nyangnu" we' mougmyid yo" asen: nyid.

YOHAN 17:16

Ngoo gi he: mougmyid yo" asen: ziyo' dakhyoo ti"-- houg: bang: we' asen.

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

YOHAN 17:26

Nga" da" tho' moo Nang to" da" jhed' khyeing: kang: khyeing: gi nyangnu" moo we bo jo, lho: ngoo we' nyangnu" da" nheugloem: moo yo" loung" jo, wa da" shid' re" Re" da" khyoo: nyangnu" ri ngoo si' nhang: bye. Xo, lho: wigi we' ngoo zei: loo" shi" wa ga: wigi akyu" mho'.

YOHAN 17:7

Ngoo moo yo" da" zi dangain" gi nang jang" mo nghoid zi akhid" nyangnu" se' boem abye:.

YOHAN 18:9

(Hid: su" ga: tid da" khyoo: gi phoo we"- ngoo nang ngoori ab byid: too" mo, mo dayug we' byug loo" zi aboo baja" ga: da dang byeung" loo wa shid re" nyang: tid to" ziyo' dakhyoo" bue" loo wa shid' re" tid zi nghoid.)

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 6:39

Ngoori nhang: kaid da" Aseing: vho: da" khyoo: gi nyang: ab byid: to" da" xangsu: byu yi bain sho' gi dayug we' asoem" joem: loo" sho' lo" thang da" bidnyid rishid: jang" mo- Ngoo doem dei to'' loo nhang: wa khyoo: nghoid.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

Roma 11:2

Mangsoo: gi xang: shid" mo wigi nyang: khyen: yu to" da byumyu" ri ashe: pyam' - jhoem: mungdang: moo Elia gi Israela byumyu" yi ri tu: mhoug lho: - Mangso: jang" moo kau: to" mougsoug" du.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

2 TIMOTHI 1:13

Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

HEBRE 2:12

Yesu gi " Nang zei: da" moo" zo" khyoo: nga" mang: nhung" yi ri ngoo tid kyoo" wa nyangnu" da" mo, phung: gung moo Nang ri ngoo jikhoin" yo' coung" nghei byid: wa,, ga: wigi Mangsoo ritid bye.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

Pang Shug 2:13

Nang nyid da" joyoo ri ngoo se'- hau: joyoo gi satan da" zhung: tang jo, jang: nghoid. Nga" geing: zug da" sagsi: phoo- Antipa ri hau: satan nyid jang: moo said' pyam boem uri lang" nang gi ngoori loem" jeung" khyoo: ri ashe: pyam.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.

Pang Shug 3:8

Nang zei: nyid da" moozoo" ri ngoo se'- nang gi yoem: so' dajhi' zoo: boo nghoid loug we' ngoo tid poin" da" dang: ri cang lho: nga" tho' moo geing: zug loem jeung" nyid khyoo: ri ngoo se' Re" shid' mo hang" we' ayo" myhed" to" da" khoem" daduang: ri ngoo phang too" byid: bye.