YOHAN 17:25 - Lacid Common Language Bible

²⁵ Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

YOHAN 17:25 교차 참조

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

YOHAN 16:27

Phoo nyang: lhang"- nanu" ri jheddab nyid yoomo nghoid. Nanu" gi ngoori jheddab wigi ngoo gi Mangso jhang khyo" re" da" ziri loem" jeing" yoomo Phoo gi nanu" ri gye jheddab nyid.

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

YOHAN 16:30

Aseing Yesu gi khyoo: acang: joeb ri si' su: nghoid zigi akhid" ngoonu" se' boem bye. Aseing: ri hang" ci: myid: nyid cang aboo loo. Houg: yoomo Aseing: gi apyaid' ato: da" Mangso jang" mo gyoo" lo da" Aseing: nyang: nghoid ziri ngoonu" loem" jeing" boem bye"- ga: doem tid boem.

YOHAN 17:11

Akhid" Ngoo gi re" jhang khyoo: doem loo wa nghoid yoomo ngoogi mougmyid moo anyid loo. Nghoid loug we' nyangnu" houg: bang: koem gi moug myid moo nyid wa zi nghoid. gyeungshang: thang da" nga" phoo we"- nang yo" ngoo dadeing: daloem: za: nghoid nyid yhangti"- nyangnu" we' dadeing: daloem: za: nghoid wa shid' re" nang ngoori ab byid: to" da" re" voolang myeing da" yoem: vhoo" phung yoeb' khyo" nyangnu" ri zung" lhug byid: we' o".

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

YOHAN 17:21

Moug: myid byu yi gi nang ngoori nhang kaid bye khyoo: ri loem" wa shid re nang gi ngoo moo nyid nyid lho: ngoo we' nang moo nyid nyid yhang: ti" hid: bang: we' yha" eig yug moo nyid baja".

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 17:8

Ngoori nang ab byid: da" mungdang: ri ngoo gi nyangnu" ri doem ab byid: da" uri nyangnu" kham: yu boem bye. Nang jang" mo ngoo gyoo" lo da" khyoo: yo"- gyeing" nyang: nang ngoori nhang: kaid da" khyoo loem" jeing" boem bye.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

YOHAN 6:19

Cangzoo: yi gi soem" myid main: koo gu: lo" nyid da" uri Aseing Yesu gi gyid tho' moo khyoo: so" lho: wigi nyangnu" anam moo tain" lo nyid ziri myang boem. Houg: lang" nyangnu" gi gyoug dain ago".

YOHAN 7:29

Nghoidloug we' ngoo gi hau: Aseng: jang" mo ri" yoomo ngoori nhang: kaid su: ri nyang: ngoo se' nyid.

YOHAN 8:19

Houg: bang: gi Re" Phoo khayoo: nyid ga: myid: boem. ‹‹Nanu" gi ngoori we' nga" Phoo ri we' ase' boem. gyeing" nyang: nanu" ngoori se' nghoid rigi nga" phoo ri we' si' goo" zi nghoid ga: doem sho' kyoo.»

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

ACTS 17:23

Khasu" wim gari ngoo nanu" da" voogung khoug: moo so" yen" ri nanu" da" coung" pid' joyoo joem ri cang yu" yen" ri" Ngoonu" ase' da" Mangso shid mo, , ga: lhid" tab to" da" phoin: daloem: ri ngoo myang. Hau: nanu" asi looza: noku nyid da" Mangso khyoo: ri akhid" ngoo tid khyo" nyid zi nghoid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

Roma 3:11

Deingmain" tarha" ri si su: we' anyid. Mangsoo: ri noku su: we' anyid.

Roma 3:26

Nghoidloug we' akhid" da" pyaid ayo moo Mangsoo: gi nya: deingmain" khyoo: ri toin" shid' wa shid' re" xangsu: byu yi da yooboo ri xoem" too" bye. Mangsoo: gi nyang: nya: gung nyang: deingmain" su: nghoid da" khyoo: ri we' Aseing Yesu ri loem" jeung" loo mo dangain" ri deingbyeing" mo, nghoid ein: kham: yu wa da" khyoo: ri we' toin" shid.

1Korinthians 1:21

Khasu" wim ga: ri byu xangsu: yi gi nyang: nya: da" phajhi" juyi: yo' za: Mangsoo ri se' loo baja" ga:- Mangsoo gi nyang: phajhi" khyau" too" bye. Hau: da" gung khyoo: moo- Mangsoo gi ngoonu" kho" kyo" da" akoo" apyoid' da" mungdang: yo' loem" jeing" loo mo, ri khyoid yu wa shid re" myid phyed' to" abye.

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

HEBRE 8:11

Nyangnu" mo hang" nghoid loug we' nyang: nya: da" moug: seing: byu yi nghoid loug we' nyang: nya: da" seing" tain" byumyu" nyang: cang" nghoid loug we' Mangsoo ri se' lo boem sho' jhau" mhoo, byid: ca" loo: wa zi anghoid. Khasu" wim gari nge thang jang" mo zi gyi: thang jang" moo ju" sho' nyangnu" dangain" mo, gi ngoori se' lo boem bye.

1YOHAN 1:9

Nghoid loug we' ngoonu" da" yooboo joem ri Mangso shid moo toin" shid' yhen: yu mho' tung" pain: boem nghoid rigi nyang: gi nya: da" dangsoo" khoin" ri ci: lho: wigi deingmain" da" moo" ri zei: nyid su: nghoid ziyo' dakhyoo" ti"- ngoonu" da" yooboo ri khyoid pyam byid: wa ziyo' shoid vhang: peig rhue, lo" khyoo: dangain" jang" mo ced" khyoid' ced" shang: yu byid: wa zi nghoid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 16:5

Houg: lang" gyid ri vhoeb, khang" da" moug: lagyoo: gi nang koid da" dang: phyed khyoo: gi deing nyeung" da" khyoo: nghoid- nang gi akhid" pyaid lid loo" bye: apyaid' moo nyid nyid da" gyeungshang: su: gi nang kyeing" za: nghoid- ga: tid.