YOHAN 17:19 - Lacid Common Language Bible

¹⁹ Nyang: nu" gi re" shid re" gyeing" nyang: ab nung" too" mo bui" baja" nyangnu" shid re" nga" gungdu: nyang: nang ri ab nung" byid: bye..

YOHAN 17:19 교차 참조

ESAIA 62:1

Ngoo gi Yerusalem ri yoem: byid: wa dang: tid thu kaid wa. Nyang: khyoid yu ashoug" shoug" gi ngoo sam: zoo: anyid wa. Houglho: nya: oung: doid zigi myen" ri bang da" myidoem yo' dakhyo" nghoid loo wa.

YEREMIA 1:5

«Nang ri ngoo kangso' akaid byid: shi" ri nang ri ngoo khyen: bye:. Houg: lho: nang akhu: shi" ri nang ri byumyu" yi jhang Lapi: koid wa shid re" ngoo khyen: soin' too" bye:.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 15:13

Nyang: nya: da" bidnoem pho shid' re" kangso' ab pyam sho' jheddab da" tho' moo je gyi: da" jheddab nheigloem: gi hang" moo we' aboo loo.

YOHAN 15:3

Houg: yo' dakhyoo" ti"-- ngoo jhoug" byid: da" Mungdang: gi akhid" lang" nanu" ri kyid shang: nyid bye.

YOHAN 17:17

Houg: bang: ri deingmain" mungdang: khyo" wigi re" da" shid' re" goo" zu: xen, nyheing too" we' re" da" mungdang: gi deung main" da" khyoo, nghoid nyid.

YOHAN 17:20

Ngoo gi nyangnu" da" shid' re" za: Akyu" mho' nyid zi anghoid. Nyangnu" kho" kyoo" yoomo ngoori loem" jeing" loo mo, shid' re" we' akyu" mho' nyid.

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

2~KORINTHU 4:15

He: da" khyoo" dangain" gi nanu" moo akyu" ara: bo loo wa shid mo nghoid bye. Mangso da" jeju" ri kham: yu da" byu yi we' je" je myo: lo ziyo' dakhyoo" ti"- Aseing: da" myonhoo: phung" yoeb ri jeju" boin: coung" nghei - akyu" mho' da" khyoo: joem moo we' je" wigi myo, tham: loo wa zi nghoid.

2~KORINTHU 7:14

Ngoo gi Titu ri nanu" da" khyoo: phau: kyoo" bye. Hougsu" phau: khuang kyo" ziyo' dakhyoo" ti"- deungmain" nyid khyoo: ri nanu" bain toin" shid' bye: wigi ngoori nheigloem: gyoug: nhang: zi anghoid. Ngoonu" gi nanu" ri khanham we' deungmain" khyo" za: tid nyid ziyo' dakhyoo" ti"- Titu ri nanu" khyoo: phau: khuang kyo" zi we' deungmain" nyid ziri yo" si' bye.

2~KORINTHU 8:9

Nanu" gi ngoonu" Aseing Yesu Khristu ri se' nyid boem ago" Aseing Yesu gi nyang: di su: nghoid loug - nanu" da" shid re" nya gungdu: ri sho" jhen: byu bue" loo" nhang: bye. Nyang: asho" ajhen: koid jang" mo nanu" yo" de, lo boem bye.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

1THESALONI 4:7

Mangsoo gi nyangnu" ri agyeing" ashang: da" -kangso' dei khyoo: moo kangso' dei nyid wa shid re" khe: yu to" zi anghoid- gyeungshang: da" kangso' dei khyoo: moo lhid wa shid re" dakhe: yu to.

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 10:29

Houg: su" nghoid rigi Mangso da" nya: zoo: ri aphoug" akhyoid' koid su: gi ngoonu" gi nyang: ri youg: noo yooboo mo ced" gyeing ced" shang: yu da" Mangso dang: theing khoin" yo' sen: da" suid" ri ci: asoin: cishu: anhang: su: gi jeju" byid: nyid da' Venyi ri aphoug" zoo: wa da" shid: gyoin, noo gyoin gi khayhi' je" no, wa lha". damyid yu" ge'.

HEBRE 2:11

Yesu gi byu xang: su yi nyangnu" da" youg: noo yooboo mo ced" kyeung ced" shang: yu bye- nyang: yo' dage" ced" shang: yu bye: bang: gi nya: phoo dayug za: yoo" yoomo nyangnu" ri mang nhung" yi ga: wa ziri nyang: sho' wa zi anghoid.

HEBRE 9:13

Shoobaid' suid" nujung lo: suid"- myi: moo nghe, pyam bye: nujung nu" da" myimoeb, yo' aco' ajhoid bue" da" byu yi tho' moo noku coung" nghei da" thung" tarha" yo' dakhyoo" ti"- byeug shoin" gyoin: kaid' ri-ayung" asain lo: da" byu yi ri yo" ced" yung" ced" lho, zi dadeung nghoid rigi

HEBRE 9:18

Houg: su" nghoid yoomo xang: shed" mo dang: theing khoin" lang" ri suid" ci: lho: dageung: teung jo.

HEBRE 9:26

Houg: su" xoin" myo" sho' lheing: dato' nyid ca" shi" nghoid rigi mougmyid' ri phain" shed" jang" mo nyang- myo" sho' lheing: doem: shid: kham: kham: koid nyid wam: bye. Akhid" koem' gi mougmyid pyaid thang wa zi jhang lo nyid uri pyaid didu shid mo dalheing: dam, bain sho' nya: gung du: ri xoin" to' pyam' bye: ziyo' youg: noo yooboo ri shoem" shoung: pyam byid: bye.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.