YOHAN 17:11 - Lacid Common Language Bible

¹¹ Akhid" Ngoo gi re" jhang khyoo: doem loo wa nghoid yoomo ngoogi mougmyid moo anyid loo. Nghoid loug we' nyangnu" houg: bang: koem gi moug myid moo nyid wa zi nghoid. gyeungshang: thang da" nga" phoo we"- nang yo" ngoo dadeing: daloem: za: nghoid nyid yhangti"- nyangnu" we' dadeing: daloem: za: nghoid wa shid' re" nang ngoori ab byid: to" da" re" voolang myeing da" yoem: vhoo" phung yoeb' khyo" nyangnu" ri zung" lhug byid: we' o".

YOHAN 17:11 교차 참조

COUNG" NGHEI 79:9

Mangsoo we"- ngoonu" ri pang" thoug yu lho: khyoid yu shi" we'. Re" da" myonhoo: phung" yoeb shid mo ngoonu" ri lhoid pyoin yu wigi ngoonu" da" yooboo joem ri khyoid pyam byid: we'.

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

ESAIA 27:3

«Ngoo gi hau: ziri zung" wigi byeing abyid loo: gyid shoin" da:. Hang" we' hau ziri dam ayo" tab wa shid re" ngoo gi myen" ri nyid" ri lhoug zung" nyid.

ESAIA 64:2

Nyangnu" gi lung da" myi: atho' mo zhu: nyid da" gyid yhang: ti" ko' ko' nain" boem goo" wa. Re" gyivoo yiri re" yoem: so' re" ci: shug byid: we'. Re" shidkhoin" moo byumyu" yiri ko' ko' nain" nhang: we'.

YEREMIA 14:21

Re" dangsoo" joem ri myid boin wigi ngoonu" ri ayu" ngi. Re" da" ngi: shab khokham zhungtang jo, da" Yerusalem dang moo ngi: yoem" khyoo: aci: loo byid. Ngoonu" yo' koid to" da" dang: theing ri aphyo' pyam byid:.

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

EZEKIEL 20:22

Nghoid loug we' ngoo hougsu" akoid. Ciwim gari Hougsu" koid ri ngoo gi nyangnu" ri Egutu mo shu" thu yu ziri shau" myang kaid da" byumyu" yi phung: gung moo nga" myeing ri ngi yoem" nhang: khyoo: bui" wa.

EZEKIEL 20:44

Ngoo gi nga" phung" yoeb ri goem loem byid: khyoo: ri koid uri ngoo Aseing nghoid ziri nanu" Israela byumyu" yi se' loo goo" wa. Ciwim gari nanu" da" nheigloem: guid" ziyo' akhyeing" ashoeb moo" shid re" moin: yi" da" khyo" yooboo dam ngoo abyid: yoomo nghoid da:. Yoem: moo" bo Aseing tid too" bye:.

EZEKIEL 20:9

Nghoid loug we' ngoo hougsu" akoid. Ciwim gari hougsu" koid ri nga" myeing ngi yoem" khyoo: bue" loo wa nghoid. Nyangnu" nyid nyid boem da" akhoug: mo byumyu" yi da" shidkhoin" moo ngoo gi nyangnu" ri Egutu mo shu" thu yu wa ein: Israela byumyu" yiri tid too" bye: zi nghoid.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

MATHE 5:48

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

MATHE 6:9

Houg: su" yoomo nanu" gi hid: su" ein: akyu" mho' ge'. ‹Mougkhung: tho' mo ngoonu" da" phoo Mangsoo we'. Re" myeing re" khyang" gyeungshang: nyid baja".

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 13:3

Aseing Yesu gi nyang: ri phoo Mangso wigi amyeing" bain sho' ab byid: to" ziri we' nyang: gi Mangso jang" mo gyoo" lo lho: Mangso jhang khyoo: doem loo" loo: wa da" khyoo: ri we' si' gu nghoid.

YOHAN 14:20

Ngoo gi phoo yo" dadeing: daloem: za: nghoid ziri we' nanu" gi ngoo yo" dadeing: daloem: za: nghoid ziri we' hau: bidnyid ri nanu" yo" se' boem wa nghoid.

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

YOHAN 17:6

He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

YOHAN 7:33

Aseing Yesu tid zigi Ngoo gi nanu" yo" daso' za: byam nyid lho: Ngoori nhang: kaid da" Aseing: jhang khyoo: doem loo" wa su: nghoid.

ACTS 3:21

Mangsoo gi goonham mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi moug: khung: tho' moo nyid nyid ca" da.

Roma 12:5

Houg: yo" dakhyoo" ti" - ngoonu" gi myo" sho' bang: nghoid loug we' Khristu yo" dadeing: daloem: za nghoid boem yoomo gungdu: daloem: mo da" akung: ako'' za danghoid. ngoonu" dangain" mo gi - daloem: yo" daloem: tei" xo' go" to" da" gungdu: akung: ako'' za danghoid nyid.

Roma 9:17

Mangsoo: gi Phara U Khokham" ri tid zi gi - nang ri kho: kham" zeing khyo" ngoo tu: to' to" da" khyoo: gi - nang moo nga" da phung yoeb ri thoin" shed' wigi - Moug myid gyab goin" moo nga" myeing fu" loo" nhang: wa shid' re" nghoid. ga: tid da" khyoo: jhoem mungdang: moo bo.

1Korinthians 1:10

Mang nhung yi we"- ngoonu" da" Aseing Yesu Khristu da" amying" akhang" yo' nanu" dangain" bang: ri ngoo mho' sang: kaid. Nanu" moo: emyid, aveing" goo" wigi- byo, sain" lo" zi abue" loo wa shid re nanu" ji, sang: da" khyoo: moo- nyang: cang" nyang: sham" shoin" goo" ge'. Nanu" da" myid soin: lo" khyoo: moo- nheigloem: dadeing: dakhaid za: koid nyid ge'.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

Ephesu 4:4

Mangsoo nanu" ri khe: yu da" khyoo: gi nheig byu khyoo: dakhaid moo za: nghoid nyid ziyo' dakhyoo" ti"- gung du: daloem: za: yo' venyi we' daloem: za: nghoid nyid.

PHILIPI 2:9

Houg: khyo" nghoid yoomo Mangsoo gi nyang: ri myhang: thang joyoo moo ju" sho' tu: to' kaid wigi myeing khyang" dangain" tho' moo je, gyi: da" voolang myeing yung" khyang" ri byid: too" bye.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

HEBRE 9:24

Khasu" wim gari Khristu gi gyeing" nyang: gyeungshang: joyoo gyeung" da" ladu nghoid - byu yi da" lo, wigi koid to" da" gyeungshang: joyoo moo avang loo" loo: za: moug: khung: khyoo: nyang: vang lo" wigi akhid" yha" da" gung thid' Mangso shid' khoin" moo thu' myhang loo" bye.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1YOHAN 3:12

Ngoonu" gi Ka-in yhang: ti" age koid- nyang: gi satan yu shoid mo byu bue" lo" lho: nya: nhung" Abela ri said' pyam bye Ka-in gi Abela ri ce: noem, koid said pyam lha". Nyang: zei: da" moozoo" gi shoid khyoo: nghoid nyid nya: nhung" zei: da" moozoo" gi jo nyid yoomo nghoid nyid.

1YOHAN 5:19

Moug: myid gyab, goin" gi hau: akhyeing" su: vhoeb khang" nyid da" akhoug: moo bo jo,- Nghoid loug we' ngoonu" gi Mangsoo yo' sen: mo, nghoid ziri ngoonu" nyang: se' nyid boem.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

Pang Shug 15:4

Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".

Pang Shug 19:12

Nya: da" myojid" gi myiyham: doem, yo' du nyid - nya: da" vhuloem tho' moo bidmug myoo" sho' khyab, zhoung" ci: - nyang: mo lid lho: hang" dayug we' ayo" se' da" myeing nya: jhang myoo" sho' lhid" tab to.

Pang Shug 4:8

Hau: da" gougnyhoug myid: ja: goin" moo dung khyug khyab, khyab, dab, boem wigi gung tho' gung khoug: dangain" jang" moo myojid" za: byeung" sho' sho' dab, ago". Nyangnu" gi nyid" ri myen" ri anoo: ayab, loo: za: " shid' phyang" apyaid' he: da" apyaid' thang: phyang" apyaid' moo ju" sho' danyid nyid da" yoem: moo" bo Aseing: Mangsoo gi gyeungshang: gyeungshang: gyeungshang: nyid o"» ga: wigi coung" nghei nyid boem ago".