YOHAN 17:1 - Lacid Common Language Bible

¹ Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.

YOHAN 17:1 교차 참조

COUNG" NGHEI 123:1

Aseing we"- nang vhoebkhang" nyid joyoo- mougkhung: mougdi khyoo: ngoo nghang yu" kaid ri

ESAIA 38:14

Nga" thui: gi noem: lo" wigi yoem neing: lo" byug da:. Ngoo gi pheing" kyoug" yo' dakhyo" nookyeing" khyeing" nyid. Nga" myojid" gi mougkhung: khyoo: yu" wigi myung: byug bye:. Aseing we"- he: yau: khe" kyi" khyeug dangain" mo ngoo ri khyoid yu la.

MARKU 14:41

Yesu gi soem" lheing: ein: lheing: doem tau" loo lang"-nyangnu" ri nanu" gi akhid" ju" sho' yhoeb myhed lho: no: nyid goo" nhung: lha". gi" bye:- ayo' ju" bye:-yu" ge"-byu nya: zoo: gi yooboo koid akhyeung" mo, lo, moo ab pyam zi shau" abye:.

LUKA 18:13

Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

LUKA 22:53

Ngoo nyid" khang" moo"- No' ku" yhoem: moo" khoug: moo nanu" yo' dage" nyid da" uri nanu" gi ciwim ngoo riamyheig go" Nghoidloug we' he: da" ayo, gi nanu" da" ayo,- moug coid da" phung yoeb nghoeb ci: da" ayo, nghoid ga: tid.

YOHAN 11:4

Yesu hau: ludang: ri shaug" gyoo: long" nyang: gi he: noo gi Lazaru ri shid: nhang: wa da" noo anghoid. Mangso da" myonhoo: phung: yoeb' bang loo nhang: wa ziyo' hau: noo yoomo Mangso da" nya: zoo: gi myonhoo: phung yoeb'- bug thu' sheing" jhu" loo wa"- shig re" nghoid ga: tid.

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.

YOHAN 12:23

Yesu phougtu" da" zigi byu nya: zoo: da" myonhoo: phung" yoeb' bang: thu' loo wa da" ayo, ju" bye.

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 16:32

Nanu" gi nyang: nya: yhoem: khyoo: nyang: phang: gang: go" lho:. Ngoo we' ngoo nyang: kyeing" ri nyhed: pyam' khoo' shau" wa da" ayo, gi akhid" lang" ju" loo bye. Nghoidloug we' phoo Mangsoo gi ngoo yo" dage" nyid yoomo ngoo gi ngoo nyang: kyeing" nyid zi anghoid.

YOHAN 7:30

Byu yi gi Yesu ri myheig tei" wa da" akhyoo" ri sho: nyid nghoid loug we' ayo, aju" shi" yoomo Yesu ri hang" lo, we' ayo" toin" shid' boem shi.

YOHAN 7:39

Aseing Yesu hid: su" tid da" zigi Nyang: ri loem" jeing" mo, yo" yu wa da" gyeungshang: venyi da khyoo" ri tid zi nghoid. Nghoidsho' loug we' Yesu gi Myo, nhoo: phung" yoeb' ri ayo" yu shi"- houg yomoo gyeing shang Venyi: ri abyid: shi" zi nghoid.

YOHAN 8:20

Yesu gi He: da" Mungdang: ri-no ku" yhoem: moo" khoug: Alu: kham: da" sadeig to" yab moo kho" kyo" jhoug" byid: uri tid da" mungdang: nghoid nyid. Nghoidsho' loug we' Yesu da" ayo, aju" shi" yoomo hang" we' Yesu ri amyheig atei" shi.

ACTS 3:13

Abraham Isag yo' Yaku da" Mangsoo nghoid nyid ngoonu" phoug" phyid" yi da" Mangsoo gi Nya: deizoo: Yesu ri yoem: moo" phung yoeb, byid: to" abye:. Nghoid loug we' nanu" gi nyang: ri amyeing" ci: mo, da" lo, moo, ab, byid: pyam lho-pilaid gi nyang: ri pyoin kaid' wa ga: lang" bain myed phyed' to" thang: ri nanu" gi Pilaid' shid khoin" moo-Nyang: ri he: ngeug pyam boem abye: go.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.