YOHAN 16:19 - Lacid Common Language Bible

¹⁹ Aseing Yesu gi nyangnu" nyang: ri houg: su" myid nau nyid boem zigi si' yoomo nanu" nyang: cang" ce: noem khyoo: ri myid: tid go" nyid go" ayo, dajhi' myang" lang" nanu" ngoori myang loo: goo" wa zi anghoid ein: wigi we' hau: thang: ri ayo, dajhi' doem myang" lang" gi ngoori doem shau" myang wa ein: wigi we' ngoo tid da" dang: yo" sen: wigi nghoid go" la".

YOHAN 16:19 교차 참조

MATHE 6:8

Nanu" amho' shi" ri lang" nanu" ci: vho: zi dangain"- nanu" da" nya: phoo Mangsoo gi se' nyid gu nghoid yoomo tarha" tungbau mo mo, yhangti" amho' nyid goo".

MATHE 9:4

Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go".

MARKU 9:32

nghoid loug we' nyangnu" gi nyang" jhoug" byid: bye da" dangkang: ri ase' gyo: boem nghoid da:- nghoid lug we' nyangnu" gi nyang: ri avoem" myid: yu" boem.

YOHAN 13:33

Nga" zoo: yi we"- ngoo gi nanu" yo daso' date: nyid loo: wa. Nanu" gi ngoori sho: goo" wa. Nghoid loug ngoo yhe: lo" nyid da" khyoo: moo nanu" ayo" cang loo ga: wigi Yuda zoug: myeing" ci: mo, ri kho" kyo" yu" ziyo' dayhangti"- nanu" ri we' akhid" ngoo kho" kyo.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

YOHAN 16:16

Ayo, dajhi' nghoid lang" gi nanu" ngoori myang loo wa zi anghoid. Hau: thang: ri ayo, dajhi' myang" lang" gi ngoori doem shau" myang goo" wa ga: tid.

YOHAN 16:18

Ayo, dajhi' myang" ri ga: zigi ce: noem ri tid nau zi nghoid? ce: moozoo" khyoo: ri Aseing: tid nau nyid zi ngoonu" asi- ga: tid go" nyid boem.

YOHAN 16:23

Hau: da" bidnyid ju" lang" nanu" gi ngoori ce: ja: we' mho' aca" loo. Deing" deing nanu" ri ngoo tid da" zigi nanu" mho' da" khyoo: dangain" ri nga" myeing yoo mo phoo Mangsoo gi nanu" ri byid: wam bye.

YOHAN 16:26

Hau: da" bidnyid ayo, ju" lang" nanu" gi nga" da" myeing ri lang: lho: Akyu" mho' yoid: lo boem wa. Houg: gi ngoo nanu" da" gung thid' mho' byid: wa ein: tid nau zi anghoid.

YOHAN 16:30

Aseing Yesu gi khyoo: acang: joeb ri si' su: nghoid zigi akhid" ngoonu" se' boem bye. Aseing: ri hang" ci: myid: nyid cang aboo loo. Houg: yoomo Aseing: gi apyaid' ato: da" Mangso jang" mo gyoo" lo da" Aseing: nyang: nghoid ziri ngoonu" loem" jeing" boem bye"- ga: doem tid boem.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

YOHAN 6:61

Hid: su" cangzoo: yi ngeig byo, go" nyid ziri Yesu se' nyid nanu" nheigloem: yoin" go" la".

YOHAN 7:33

Aseing Yesu tid zigi Ngoo gi nanu" yo" daso' za: byam nyid lho: Ngoori nhang: kaid da" Aseing: jhang khyoo: doem loo" wa su: nghoid.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.