YOHAN 16:17 - Lacid Common Language Bible

¹⁷ Cangzoo: yi dayham" bang: nyang: cang" nyang: tid go" nyid zi gi ayo, dajhi' myang" lang" nanu" ngoori shau" myang loo: wa zi anghoid. Hau: thang: ri ayo, dajhi' myang" lang" gi ngoori doem myang wa ga: Aseing: tid lho: Hau: tho' moo gootu: we' Aseing: gi ngoo gi pho jhang loo" wa ga: we tid.

YOHAN 16:17 교차 참조

MARKU 9:10

Nyangnu" ri nya: da" amyeung" dang: ri gyo: cang boem nghoid loug we' shid: jang" mo doem dei to' lo ga: zigi ce: ja: nghoid lha".- ga: nyang: cang" nyang: tid sham: go" nyid.

MARKU 9:32

nghoid loug we' nyangnu" gi nyang" jhoug" byid: bye da" dangkang: ri ase' gyo: boem nghoid da:- nghoid lug we' nyangnu" gi nyang: ri avoem" myid: yu" boem.

LUKA 18:34

Nghoid loug we' nya: cangzoo: yi gi hau da" dang: ri ase' gyoo: boem nghoid ago". Hau: da" dangkang: gi nyangnu" jang" mo yhoem" too" shi" yoomo nyangnu" gi Yesu ce noem tid ziriase' gyoo: boem nghoid da.

LUKA 9:45

Nghoid loug we' cangzoo: yi gi he: dang: gi ce: noem, ri tid nyid da" khyoo: ri ase' gyoo: shi" nghoid ago". Hau: dang: ri nyangnu" ase' gyoo: goo" baja" ga: zau" too" byid: da Cangzoo: yi gi hau: khyoo: yo' sen: lho: nyang: ri avoem" myid: nghoid ago".

YOHAN 12:16

Nya: cangzoo: yi gi hau: yo, moo he: jhoem: dang: ri ase' gyo: boem. Nghoid loug we' Yesu gi phung yoeb myo nhoo: yo' coung" nghei tu: to shau" thang: ri she' he: jhoem: mungdang: gi nya: khyoo: ri tid to" zi yo; dakhyoo" ti" nyang: ri koid' abye: go" ziri doem myed boin: so" lo boem.

YOHAN 14:22

(Yuda sakarud anghoid da") Yuda goo" yug gi Aseing: we"- re" da" gung du: ngoonu" rigi: toin" shid' lho: Mougmyid byu yi ri atoin" shid' ga: rigi khasu" se' bui" wa lha"» ga: myid.

YOHAN 14:5

Thoma gi Aseing: we"- nang khayoo: loo" wa zi ngoonu" asi bye: re- houg: moo yo" ju" da" khyoo: ri ngoonu" khasu" se' si wa ga: tid.

YOHAN 16:1

Re" da" loem" jeing" khyoo: abyo, yoin" loo" wa shid' re" he: khyoo: joem ri ngoo tid kyoo" khoo bye.

YOHAN 16:16

Ayo, dajhi' nghoid lang" gi nanu" ngoori myang loo wa zi anghoid. Hau: thang: ri ayo, dajhi' myang" lang" gi ngoori doem shau" myang goo" wa ga: tid.

YOHAN 16:18

Ayo, dajhi' myang" ri ga: zigi ce: noem ri tid nau zi nghoid? ce: moozoo" khyoo: ri Aseing: tid nau nyid zi ngoonu" asi- ga: tid go" nyid boem.

YOHAN 16:19

Aseing Yesu gi nyangnu" nyang: ri houg: su" myid nau nyid boem zigi si' yoomo nanu" nyang: cang" ce: noem khyoo: ri myid: tid go" nyid go" ayo, dajhi' myang" lang" nanu" ngoori myang loo: goo" wa zi anghoid ein: wigi we' hau: thang: ri ayo, dajhi' doem myang" lang" gi ngoori doem shau" myang wa ein: wigi we' ngoo tid da" dang: yo" sen: wigi nghoid go" la".

YOHAN 16:5

Akhid" koem gi ngoori nhang: kaid su: jhang khyoo:- doem: loo" wam: bye. Nghoidloug we' nanu" hang" we' ngoo kha khyoo: loo" wa zigi amyid: boem nghoid da.