YOHAN 16:13 - Lacid Common Language Bible

¹³ Nghoidloug we' Mangso da" khyoo:- deing byeung" da" tarha" ri phang shug da" gyeungshang: Venyi: ju" gyoo" loo lang" gi nanu" ri deung main" da" tarha" bain sho' re" phang shug wam bye. Hau: da" gyeungshang: Venyi: gi nyang: vho: da" khyoo: tid kyoo" wa zi anghoid. Nyang: shaug" gyoo: ci: gu: ri tid kyo" lho: thang: phyang" bue" loo wa khyoo: ri tid wa nghoid.

YOHAN 16:13 교차 참조

ESAIA 11:2

Aseing da" Venyi: gi nya: byumyu" yiri vhoeb wa shid re" Phajhi"- Lasi phajhi" yo' se' jhang: khyoo: ri nyang: ri byid: loo wa. Nyang: gi Aseing da" myid vho: khyoo ri se' wigi nyang: ri phau" myang: byid: loo wa.

YOELA 2:28

Hau: thang: ri ngoo gi yugkhang" mo" da" atho' moo: nga" Venyi: foid shoin" byid: loo wa nanu" da" myiyi: zoo:- yug gi zoo: yigi nga" mungdang: tid fu" lo" boem wa nghoid- nanu" da" mang: zoo: yi we' yhoebmo, myang lo boem wigi nanu" da" zoolu: yi we' yoeb myang myang lo boem wa.

YOHAN 12:49

Khasu" wim gari Ngoo gi ngoo nya: amyeing" khyo" kho" kyo" da" khyoo: anghoid. Ngoori nhang: kaid da" phoo Mangso da" amyeing" yo' dakhyoo" ti"-- kho" kyo" khyoo: danghoid.

YOHAN 14:17

Hau: da" Aseing: gi Mangso da" deung main" khyoo: ri toin" shid' wa da" Venyi: nghoid. Mougmyid gi hau: Venyi: ri myang we' amyang- si' we' asi yoomo ayo" kham: yu boem. Nghoidloug we' Hau: Venyi gi nanu" yo" dage" nyid lho: nanu" da" khoug: moo loung" jo.Hau: Aseing: ri nanu" se' boem bye.

YOHAN 14:26

Nghoidloug we' Phoo gi nga" myeing mo nhang: kaid wa da" pang" thoug su: ein: da" gyeungshang: da" Venyi: gi nanu" ri ja: khang" moo" jhoug" byid: wigi ngoo tid kyo" da" khyoo: dangain" ri doem myid boin: loo nhang: wa zi nghoid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 15:26

Mangso da" deung main" khyoo: ri phang shug da: pang" thoug wa da" Mangso: jang" mo gyoo lo da" pang" thoug Aseing: ein: da:- gyeungshang: venyi nghoid. Ngoo gi nyang: ri Pho jang" mo nhang: kaid' lho: nga" khyoo: ri sagsi: kham: wa zi nghoid.

YOHAN 16:12

Nanu" ri ngoo tid wa zi myoo" sho' boo shi" nghoid loug we' akhid" nanu" yo" kham: yu goo" wa zi anghoid.

YOHAN 3:32

Nyang: tid ri nyang: shau" myang shau" gyo: da" khyoo:- nghoid loug we' nya: mungdang: ri hang" we alhoem: kham: yu boem.

YOHAN 8:38

Ngoo gi nga" pho, jang" mo, yo" se' yu gu: dangain"- nanu" ri tid kyoo" bye: houg: nghoid loug we' nanu" gi nanu" da" nya: phoo tid ziri za: da cang nyid ago".

ACTS 11:28

Nyang: nu" mo Agabu ga: su: gi to' yab, lho: gyeungshang: da" Venyi yoem: so' khyo" wigi moug: myed gyab, goin" moo phang" khoug gyo" loo wa zi nghoid- ga: wigi lapi: pe da. (Hau: da" phang" khoug moo" zeing gi Roma khosen: kolodi da" apyaid' moo gyeing" nyang: bue" loo bye.)

ACTS 20:23

Thung: loung" ziyo' yau: khe: jam jau khyoo: gi ngoori lang" nyid ga: voogung khang" moo" moo gyeungshang: da" Venyi gi ngoori tid poin" lo khyoo: riza: ngoo se' nyid.

ACTS 27:24

Polu we" agyug nang gi Khosen" pho, shid khoin" moo shau" yab, jo, wa zi nghoid - Mangsoo gi nang ri nheig khyeug gi koid nyid su: nghoid wigi nang yo' dage" gyid sang phoo zhoung: lo nyid mo, ri kang: so' loid byoin, loo" nhang: wa"- ga: tid da.

2 THESALONI 2:12

Hau: da" moo" thang: gi hau: deingmain" khyoo; ri aloem" jeing" wigi yoobo da" pyo: khyoo: moo cang loo" mo, dangain" gi tarha" dang: phyed, zi shau" boem wa nghoid.

2 THESALONI 2:3

Kha: khyo" nghoid loug we' nanu' ri hang" wigi we' ayo" mhoid" goo" baja"- khasu" wim gari thang" thang da" Mangsoo ri gyi koid zi abui" shi" ri ngarai" mung" khyoo: khyo, pyam' zi shau" wa nghoid nyid hau: akhyeung" su: athu' loo shi" da" uri hau" bidnyid ju loo zi anghoid.

HEBRE 1:1

Goonham, da" apyaid moo Mangsoo gi ngoonu" da" phoug" phyid " yi ri dang: tid da" khyoo: myoo" sho' lheing- akhyoo" again aja: ja: khyo" lapi: yi da" nhoid mo tid kyo" lid loo bye.

1YOHAN 2:20

Nghoid loug we' Yesu Khristu gi nanu" da" atho' moo hau: gyeungshang: da" Venyi ri foid shoin" byid: zi shau" boem bye: wigi nanu" dangain" bang: gi hau: deingmain" khyoo: ri yo" se' yu boem bye.

1YOHAN 2:27

Nghoid loug we' nanu" koem gi Khristu da" Venyi ri nanu" da" atho' moo foid shoin" byid: ziri shau" kham: yu boem bye: yoomo nanu" moo hau" Venyi danyid nyid gi hang" we' nanu" ri jhoug" byid: mhoo, byid: aca" loo. Khasu" wim gari nya: da" Venyi gi nanu" ri khyoo: khaid khang" moo" moo jhau" mhoo, byid: nyid bye: yoomo nyang: jhoug" byid: da" khyoo: gi deingmain" da" khyoo: nghoid bye- mhau' fain" vo khyoo: gi ci" we' aboo loo:- houg: su" nghoid yoomo nanu" gi hau: Venyi wigi jhoug" byid: bye: ziyo' dakhyoo" ti"- tam" gyo: cang lo" lho: Khirstu yo' dadeing: daloem: za: bue" nyid ge'.

1YOHAN 5:6

Yesu Khristu gi gyid moo Babtisma kham: yu lho: shid: kham: suid" shoin: ziyo' ju" ri" su nyang nghoid. Nyang: gi gyid' yo' za: ju" re" zi anghoid- gyid yo' we' suid" yo" we' ju" re" zi nghoid. Houg: su" ju" re" khyoo: deung nyid ziri hau: Venyi nyang sagsi: kham, byid: nyid. Khasu" wim gari hau: Venyi nyang- deingmain" da" khyoo: nghoid nyid.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

Pang Shug 1:19

Houg: yoomo nang shau" myang bye: da" khyoo: ri we' akhid" jo, jo, gu: ri we' thang: phyang" bue" loo wa khyoo: ri we' lhid" too" we'.