YOHAN 16:11 - Lacid Common Language Bible

¹¹ He moug myid ri vhoeb khang" su ri tarha" dang: bain phyed' bye yoomo dang: phyed' zi yo sen lho: nyangnu" shed nyid boem.

YOHAN 16:11 교차 참조

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

COUNG" NGHEI 68:18

Gyipui" mo myheug lo da" byu yi myoo" sho' yo' hau: myhang: da" boem khyoo: nyang: do' lo" nyid. Nyang: gi tu: lhoin" da" byu yi jang" mo jhungshug joem ri lhoem: yu to". Aseing Mangsoo gi hau: joyoo moo: danyid nyid wa nghoid.

MATHE 12:18

«Ngoo khyen: yu da" nga" dei zooshang:- Ngoo vho: ngei da" jheddab su: nghoid. Nga" Venyi: nya: da" tho' moo ngoo kaid byid: to" wigi Tungbau byumyu" ri nya: da" deung main" da" mungdang: ri kho" kyoo" wa zi nghoid.

MATHE 12:36

«Aseing Yesu tid zigi tarha" dang: khoo' da" bidnyid moo byu yug khang" moo" gi nyang: tid da" age da" dang: yo" dakhyoo" ti"- tarha"

LUKA 10:18

Yesu phoug tu" zigi-Moug khung: mo -satan gi lhab, myeig yhang: ti" byed gyoo" lo" zi ngoo myang.

YOHAN 12:31

He: moug myid gi akhid" lang" Tarha" dang: phyed' zi thoung" shau" nyid abye:. Mougmyid ri vhoeb khang" nyid da" su: we' akhid" nyang: keing" pyam zi shau" wam: bye.

YOHAN 14:30

Mougmyid da" zoug: phoo gi jure" nyid bye. Houg: yoomo ngoo gi nanu" yo" dang:- myang" sho' shau" tid go" nyid wa da" ayo, ajo, loo. Hau: mougmyid zoug: phoo gi nga" tho' moo ce" amyeing" ajo.

YOHAN 16:12

Nanu" ri ngoo tid wa zi myoo" sho' boo shi" nghoid loug we' akhid" nanu" yo" kham: yu goo" wa zi anghoid.

ACTS 10:42

Nyang: gi byu dangain" mo, ri ngeibu: ludang: gi, ri kho" kyoo" byid: wa ziyo' Kangso' dei nyid shi" mo, yo' shid: loo" bye: mo, ri tarha" dang: phyed' wa shid re" Mangso wigi nyheung to" da- tarha" agyi zeing nghoid da" khyoo: ri sag si: kham' wa shid mo ngoonu" ri nyang: amyeing" byid: too" bye.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

Roma 2:16

Houg: yoomo - ngoo phyed" kyo" da" ngeibu lu dang: seig yo" dakhyoo" ti" - tarha" dang: phyed' da bidnyid moo Mangsoo: gi - Yesu Khristu khyo" wigi - byu dangain" mo, - zau" nyhoem" to" da" myid soin: khyoo: yi ri - tarha" dang: phyed' loo wa nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2~KORINTHU 4:4

He: da" mougmyid tho' mo akhyeing" ashoeb da" - Mangsoo ga: da" yu satan phoo gi nyangnu" da" neig loem: ri mougcoid, yo' nghoeb too" byid: bye: yoomo nyangnu" aloem" ajeung" boem loo. myo, jed too" nhang" bye. Nyhang" gi Mangso da" veddu, gungdu nyang: nghoid nyid nghoid loug we' Khristu da" phung" yoeb da" khyoo:- hau: ngeibu: ludang: mo thu' lo da" bidbang ri amyang nhang: loo: nghoid da.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

KOLOSE 2:15

Hau" da" pyang" zeing tho' moo Khristu gi vhoeb, khang" da" venyi joem amyeing" akhang" yoo" mo, ri-oung: pyam' wigi nyangnu" ri thung: byu bui" nhang: pyam' lho: oung: doid' loo" bang: yain: so" lo" jang" mo cang so" loo" nhang: ziyo' byu dangain" bang: wigi coem, yu" zi shau" da" byu yi bue" loo" nhang: pyam' bye.

HEBRE 2:14

Nya: zoo: yi ga: nyang: nyangnu" ri myheung byid: ziyo' dakhyoo" ti"- suid" shoo" kham: voin, da" byu yi nghoid ago- Yesu nyang: we' suid" shoo" kham: voin, da" xang: su: byugung re" kham: yu bye. Hougsu" kham: yu khyoo: gi shid: loo" no lo" da" khyoo: ri vhoeb khang" nyid da- yu join: da" yoem: vho" ri lhu: phyo' lhu: shoin, pyam byid: wa shid re" nghoid nyid.

HEBRE 6:2

Babtisma kham: khyoo:- lo, ke" aya: tang: byid: khyoo:- shid: jang" mo doem dei to'' lo da" khyoo: yo' apyaid' atoo: moo tarha" dang: phyed' khyoo: ri apoem: ayang: mo wigi doem poug jhau" nyid anoo" loo.

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.

2PETRU 3:7

Nghoid loug we' Mangsoo gi akhid" jo, da" moug: khung: mougdi yo' Moug: myed yoosoo" ri myi: yo' phyo' soin' pyam wa shid re-goo" nham, da" mungdang: yo' nyang: dakhu: shoung: to. Nyangnu" gi Mangsoo: ayo" da" byu yi ri - tarha" ang: phyed' lho: phyo' soin' pyam wa bidnyid ju" sho' dakhu: myhu: too" shi.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".