YOHAN 15:7 - Lacid Common Language Bible

⁷ Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

YOHAN 15:7 교차 참조

1 KHOKHAM 3:5

Hau: myen ri Aseing gi nya: yhoebmo, moo thu re" lho: «Ngoo nang ri ce: noem byid: wa ziri nang vho: lha"» ga: myid: bye:.

YOBA 22:26

Houg: lang" nang gi khanham we' Mangsoo ri loem khau: nghe: nyid wigi Nyang: gi re" da" ngei pyo: khyoo: apoem: ayang: nghoid zigi nang shau" myang loo wa.

YOBA 23:12

Ngoo gi Mangso amyeing" dang: ri khanham we' cang pyeing nyid. Ngoo gi nya: myid vho: khyoo: ri cang wigi ngoonya: myid vho: khyoo: ri acang.

COUNG" NGHEI 119:11

Ngoo gi re" da" tarha" ri nga" nheigloem: ung: khoug: moo kaid to" khyoo: gi nang ri ngoo yooboo azang" koid wa shid re" nghoid.

COUNG" NGHEI 37:4

Hau: Aseing moo: re" da" gau yi khyoo: sho: nyid we' Nyang: gi nang myid vho: khyoo: byid: wa zi nghoid.

DANG: ZHOEM 10:24

Deingmain" da" byu yigi nyangnu" nyang: vho: ngei nyid da" ziyoo joem ri yo" yu nyid boem. Akhyeung" bang: gi gye" gyoug pho" thang da- khyoo: ri yo" yu boem wa zi nghoid.

DANG: ZHOEM 4:4

Nyang: gi ngoo ri«Ngoo tid poin" jhau" byid: dang: ri boin: so" nyid we» hau: khyoo: ri khanham we' ato" myhid- nang ri ngoo tid to" da" dang: yo' dakhyoo" ti" koid nyid we' houg: lang" gi nang kangso' shoug" dei nyid wa.

ESAIA 58:8

«Houg: lang" ngoo myonhoo: byid: zigi nab soin: bid ti" nanu" adang moo bang loo wa. Houg: lho: nanu" da" dam khoo: joem gi myab za: ge loo" wa. Nanu" ri khyoid yu wa ngoo khanham we' nanu" yo' dage" nyid wa. Ngoo nyid nyid zigi nanu" ri ja: khang" moo" goem loem byid: loo wa.

YEREMIA 15:16

Nang ngoo ri dang: tid wigi ngoo gi dang: khoin" khang" moo" ri tam" gyoo: bye:. Myhang: thang Aseing Mangsoo we"- ngoo gi nang wigi seing: su: nghoid. Houglho: re" dang: khoin" joem gi nga" nheigloem: khoug: moo: gau yi ngei pyo: ziyo' bo jo, da:.

MATHE 7:7

«Mho' ge'. houg: lang" nanu" yo" yu goo" wa. Shoo: ge'. houg: lang" nanu" shau" myang goo" wa. Ko' ge' houg: lang" nanu" shid re" khoem" phang byid: wa.

YOHAN 14:13

Nya: zoo: yoomo wigi nya: pho da" myonhoo: ngeilang bang thu' loo baja" ga: Nga" da" myeing ri nghe: khau: lho: nanu" mho' da" zi dangain" ngoo koid; byid: wa.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 16:23

Hau: da" bidnyid ju" lang" nanu" gi ngoori ce: ja: we' mho' aca" loo. Deing" deing nanu" ri ngoo tid da" zigi nanu" mho' da" khyoo: dangain" ri nga" myeing yoo mo phoo Mangsoo gi nanu" ri byid: wam bye.

YOHAN 8:31

Aseing Yesu gi nyang ri loem" jeing" loo mo, ri Nanu" gi ngoo jhoug" byid: khyo" cang zei: loo" lang" gi nga" da" cangzoo: agyeing" yi nghoid bye.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

GALATI 4:2

Nya: pho, wigi phyed' to" da" ayo, ju" sho' nyang: ngi shi" da" ayo, moo nyang: ri zung" lhug mo, yo' nya: da" moozoo" dangain" ri yu" byid: da" yhoem: ri vhoeb khang" byu yi da" avhoo: moo danyid nyid.

GALATI 5:16

He: khyoo: ri ngoo tid nyid zigi" nanu" gi venyi wigi khyoo" shed' ziyo' dakhyoo" ti"- cang zei: nyid yab, yhe: lo" rigi gung sho" da" vhoo: boo myo, no, khyoo: ri nanu" yo" cang pyeing wa zi anghoid.

TARHA" TID POIN" 6:6

Ngoo nanu" ri akhid" nyid" byid: nyid da" he: amyeing" dang: joem ri khanham we' ato" myhed goo".

KOLOSE 3:16

Khristu da" mungdang: gi nanu" da" nheigloem: khoug: moo byeung jo, nhang: ge'- phajhi" byen- ya jo, moo jo, yo' nanu" nyang: cang" jhoug" goo" mhoo, goo" ge'. coung" nghei dang- Jikhoin" nghei, coung" dang: joem- venyi yo' sen: da" lid' jhoem" dang: joem yo' nanu" da" emyid, khoug: moo Mangsoo ri jeju" boin: ziyo'-coung" nghei nyid ge'.

1YOHAN 2:14

Nga" zoo: yi we"- hau: nya: phoo ri nanu" zheung: se' nyid boem bye: yoomo ngoo nanu" jhang khyoo: mougsoug" lhid" kaid. Pho, phi" yi we"- xang: shed" mo nyid nyid su: ri nanu" se' nyid bye: yoomo ngoo nanu" jhang khyoo: lhid" kaid. Zoolu: yi we" nanu" yoem: bo nyid boem yoomo Mangso mungdang: gi nanu" moo bo jo, ziyo' hau: akhyeung" da" yu satan ri oung: pyam' boem bye: yoomo ngoo nanu" jhang khyoo: lhid" kaid zi nghoid.

1YOHAN 2:27

Nghoid loug we' nanu" koem gi Khristu da" Venyi ri nanu" da" atho' moo foid shoin" byid: ziri shau" kham: yu boem bye: yoomo nanu" moo hau" Venyi danyid nyid gi hang" we' nanu" ri jhoug" byid: mhoo, byid: aca" loo. Khasu" wim gari nya: da" Venyi gi nanu" ri khyoo: khaid khang" moo" moo jhau" mhoo, byid: nyid bye: yoomo nyang: jhoug" byid: da" khyoo: gi deingmain" da" khyoo: nghoid bye- mhau' fain" vo khyoo: gi ci" we' aboo loo:- houg: su" nghoid yoomo nanu" gi hau: Venyi wigi jhoug" byid: bye: ziyo' dakhyoo" ti"- tam" gyo: cang lo" lho: Khirstu yo' dadeing: daloem: za: bue" nyid ge'.

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.

1YOHAN 5:14

Mangsoo gi nyang: myid vho: ziyo' dakhyoo" ti"- ngoonu" mho' da" khyoo: ce: ja: ri we' tam" gyoo: byid: khyoo:- khyag nyang: loem" jeung" boem bye: yoomo ngoonu" gi nya: shid khoin" khyoo: asho' agyug loo: za: yo" vang yhe: lo" boem bye.