YOHAN 15:5 - Lacid Common Language Bible

⁵ Ngoo gi zabyidd" nei yang: nghoid. Nanu" gi akung: ako'' joem nghoid. Ngoo moo xo' wigi ngoo we nanu" yo' xo' to" ri gi na nu" ashi" myo" sho' yo" zei: loo wa khasu" wim gari ngoo yo' gang go" loo" lang" nanu" ci" we' ayo" koid loo.

YOHAN 15:5 교차 참조

DANG: ZHOEM 11:30

Deingmain" khyoo: gi kangso' ri byid: nyid nghoid loug we' athoug" akhyoug: koid da" khyoo: gi kangso' ri yu pyam byid: nyid.

HOSEA 4:8

Nanu" gi nga" byumyu" yi da" yooboo mo yoo" zoo: yoo" shug lo ago". Houg: yoomo nanu" gi nyangnu" ri je wigi yooboo xo' koid nhang: nau ago".

MATHE 13:21

Nghoidloug we' nheigloem: moo agyi: no, no, azug yoomo daso' za: te: bo jo, lho: mungdang: tarha" yoomo sei: daja: ja: thu' lo lho: su" juang" yi shen" yhen zi thoung" shau" lo da" uri hau: yug gi dalheing: dam doem phoug lo" bye- houg: yhangti" su: ri tid nau zi nghoid.

YOHAN 12:24

Deing" deing nanu" ri ngoo tid ba- gug cab' gi myidjang: moo agyo"- aboeb ayoin" nghoid rigi dacab tho' moo myo: loo zi anghoid. Boeb' yoin" lo" nghoid ri koem gi ashi" myoo" sho' ri yo" bue" loo nhang: zi nghoid.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

YOHAN 9:33

He: yug gi Mangso jang" mo ju" ri" su: anghoid rigi Hid: te" moo" daja: we' yo" zei: zi anghoid ga: nyang tid.

ACTS 4:12

Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

Roma 12:5

Houg: yo" dakhyoo" ti" - ngoonu" gi myo" sho' bang: nghoid loug we' Khristu yo" dadeing: daloem: za nghoid boem yoomo gungdu: daloem: mo da" akung: ako'' za danghoid. ngoonu" dangain" mo gi - daloem: yo" daloem: tei" xo' go" to" da" gungdu: akung: ako'' za danghoid nyid.

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 7:4

Nga: mang: nhung" yi we" - he: da" khyoo: gi nanu" yo" we' sen: nyid. Nanu" gi Khristu da" gung doem nghoid wigi Moshe tarha" khoug: moo nyid da" pyaid she: lhei" pyam' phyed' boem bye. Mangsoo: moozoo" moo- akyu" bo da" dei zoo: yi bui" loo wa shid' re" nanu" gi shid: jang" mo doem dei to'' lo da" nya: byu yi nghoid boem bye.

1Korinthians 10:16

Ngoonu" gi Mangso jeju" ri coung" nghei lho: wigi- Aseing da" myen" xoin: zo: da" zoeb, phung: mo goem ri yu shoug nyid uri- Khristu suid" yo' zoem" khau: da" khyoo: nghoid. ngoonu" gi zooyho, ri we' ajab, amoin" phe, yu lho: hau: ziri: zo: da" ayo, moo- ngoonu" gi Khristu da" gung doem: yo' zoem" khau: da" khyoo: nghoid.

1Korinthians 12:12

Khristu gi akung: ako'' myoo" sho' dab, da" dayug kyeung" da" gung doem: yo' du nyid. Hau: gung doem mo akung: ako'' joem gi myoo" sho' daboo nghoid loug we'- gung doem: gi dayug kyeung" nghoid.

1Korinthians 12:27

Akhid" nanu" dangain" bang: gi Khristu da" gung doem joem nghoid boem wigi- yug khang" moo" gi houg: mo akung: ako'' joem nghoid.

2~KORINTHU 13:8

Khasu" wim gari ngoonu" gi deungmain" khyoo: yo' shai" khyoo: gi ci" we' akoid mo, nghoid. Deungmain" shoid khyoo: za: dayab boem.

2~KORINTHU 9:10

Amyoug: sain" su: ri amyoug: byid: wigi zoo: noem shug phoo" bue" loo nhang: nyid da- Mangsoo gi nanu" moo vho: nyid da" amyoug: ashi" myoo" sho' ri we' byid: nyid tho' moo gootu: hau: amyoug: ashi" ri -youg gyi: loo nhang: wigi ashi" myoo: sho' zei: loo nhang: nyid. Houg zigi nanu" jheddab e" nyid mo byid: da" alu jhung: shug: da" gug shi" mei: shi: ri tid nyid zi nghoid.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

PHILIPI 4:17

Hidsu" ein: ngoo tid nyid da" khyoo: gi jhung: shug jhung: lang: ri ngoo mho' nau nyid zi anghoid- nanu" da" zhayen" moo amyid' myo: loo wa ziri ngoo myang nau nyid.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

KOLOSE 1:6

Nanu" gi Mangso jeju" khyo" xang: shed" shau" gyo: yu da" bidnyid mo wigi hau: jeju" gi gyeing" nyang: se' gyo: kham' zoo: bye: ziyo' dakhyoo" ti"- hau: ngei bu: lu dang: gi nanu" jang" moo ju" loo bye- houg: yo' dakhyoo" ti"- hau" ngei bu: lu dang: gi ashi" myoo" sho' zei lo lho: mougmyid gyab, goin" jang" moo byo sain" loo" bye.

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

1PETERU 2:4

Houg: yoomo Aseung: jhang khyoo: tain" tab loo ge' nyang: gi kangso' dei nyid da" lung moo" beom nghoid. Hau: lug moo" boem' gi ce: phoug" adab ga: byu yi gi khyen: pyam' too" nghoid loug we' Mangso wigi phoug" dab, ga: khyen: yu bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men