YOHAN 15:22 - Lacid Common Language Bible

²² Ngoo gi jure" lho: nanu" ri akho" kyo" nghoid rigi nyangnu" yooboo shoid vhang goo" wa zi anghoid. Akhid" nyangnu" gi nyang: nya: da" yooboo ri shoid vhang: ci: boem yoomo ci" we' ayo" ga: boem loo.

YOHAN 15:22 교차 참조

EZEKIEL 2:5

Hau: thougtheung bang: re" dang: ri tam" gyoo: loug- atam" gyoo: loug- nyangnu" phung: khoug: moo lapi: dayug nyid lid: loo bye: nhung: ga: ziri nyangnu" si' goo" baja".

LUKA 12:46

Hau: yug amyid to" da" bidnyid amyang to" da" ayo, moo yhoem: seing: gi doem ju" lo wigi hau: yug ri adu du lo jhu khyo lho: wigi dang: azung" atrha" mo kham: zo: wa da" dam, ri shau" kham: zo: nhang: zi nghoid.

YOHAN 12:48

Ngoori alhoem yu lho: nga" mungdang: akham: yu su: ri dang: phyed' wa dayug nyid. Houg: nga" Mungdang: wigi nyang:- hau: yug ri lo" thang da" bidnyid moo Tarha" agyi khyo" dang: phyed' wa zi nghoid.

YOHAN 15:23

Ngoori ngheing" su: gi nga" phoo ri we' bo ngheing" zi nghoid bye.

YOHAN 15:24

Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

YOHAN 16:9

Houg: bang: gi ngoori loem" jeing" da" khyoo: aboo yoomo yooboo yo" sen: lho nyangnu" shoid nyid boem.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

YOHAN 9:41

Aseing Yesu gi nanu" myo, amyang mo, jen" nghoid rigi yooboo yo" boem wa zi anghoid. Akhid" nanu" gi ngoonu" myo, myang mo, nghoid ga: tid boem yoomo hau: zigi nanu" moo yooboo yo" nyid zi nghoid bye.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

Roma 1:20

He mougmyid ri Mangsoo: phain" to" da akhyeing: mo nyang: xangsu: byu yi gi - Aseing da" athang agoin myonhoo: phung" yoeb ri we' Aseing gi Mangsoo: agyeing" nyang nghoid da" khyoo: ri we' goolhoo: nyang: si bye: - nyangnu" gi hid te" da" Mangso: myonhoo: ngeilang: ri amyang yu" nghoid loug yo" se' boem. Hougsu" yo" se' da" khyoo: gi nyangnu" gi Mangsoo: phain" to" da" zi yoo joem ri myang yoomo nghoid. Houg: yoomo - houg: bang: gi nyangnu" nyang: shoid' vhang: da" youg: noo yooboo da shid' re" lhoid' pyoin' wa da" khyoo: aboo loo.

Roma 2:1

Haugsu" nghoid yoomo - byu gooji ri tarha" dang: phyed' su we' re" yooboo khyoid' byid wa khyoo: thang bye. Khasu" wim ga ri - nanyang: subi" ri - dang: phyed' nyid uri - nang nyang: hau: da: tarha" ri shoid' nyid. Nga" bidnoem nang tarha" dang: phyed' nyid uri nyang: nanya: gung ri nang dang: phyed' nyid zi nghoid bye.

YAKU 4:17

Hougsu" nghoid yoomo ge da" moozoo" ri ngoonu" se' to" lho: azei: loo" su: gi yooboo dab, nyid.

1PETERU 2:16

Nanu" gi loid byoin, loo" mo, khyo" zei: so' nyid yab ge'- nghoid loug we' akhyeing" ashoeb, khyoo: ri nghoeb, too" wa shid' re" nanu" da" loid byoin, akhang" ri aci: goo"- nghoid loug we' nanu" gi Mangso da" join, yi yhang: ti" zei: so' nyid ge'.