YOHAN 15:2 - Lacid Common Language Bible

² Ngoo moo ashi" azei: da" akung: ako' dangain" ri nyang: cu: khyo, pyam lho: ashi" zei: da" akung: ako'' ri koem gi je zei: baja" ga: kyid shang: to.

YOHAN 15:2 교차 참조

YOBA 17:9

Phoug" myang: wa moin: yi" ga: tid fu" bang: gi Nyangnu" jo, ga: je je myid loem lo da:.

COUNG" NGHEI 92:14

Hau: seiggam' joem gi mang: lo" ayo, moo: lang" ashi" zei: nyid shi" wigi khanham we' nyau, young" lho: yeing" jo.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 29:19

Myung bang: yo' nheigloem: nyhoem: khyo' bang: gi Israela da" gyeung" shang: da" Aseing Mangso wigi byid: da" ngei pyo: ziri doem shoug" yu loo wa.

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

MALAKHI 3:3

Nyang: gi ngei gyeung" ri kyeing su: kyeing yhang: ti" dang: phyed loo wa zi nghoid. Ngei yo' sheing: ri nghe' kyeung yu yhang: ti" Aseing lagyoo: gi khainjung yiri kyeung loo wa zi nghoid. Hougsu" koid lang" she' Aseing jhang khyoo: deingmain" da" xoin" ri ci: re" boem wa zi nghoid.

MATHE 13:12

Daja: ja: yoo" su: gi hang" ri nghoid loug we' yoo" su: ri myoo" sho' doem poug lung: byid: lho: nyang: gi je yo" jo, loo wa zi nghoid. Ayoo" ajo, su: jang" mo koem gi nyang: yo" gu: dajhi' kyeing" zi lang" yu pyam byid: wa nghoid.

MATHE 13:33

Nyang: dangtu' gootu: doem tid da: zigi «Mougkhung: mungdain: gi doo cid" yo" du nyid. Myiyi: zoo: dayug gi doo cid" ri yu: lho: wigi cen: moin" soem tang moo kaid kaid ri cen: moin" dangain" ri do loo nhang:» ga: tid.

MATHE 15:13

Yesu gi «Mougkhung: tho' moo nyid da" nga" phoo asho" to" da" agam bain, sho' ri phoin pyam wa zi nghoid.

MATHE 21:19

Khyoo: yam moo lafoem dagam' ri myang yoomo hau: seig gam poem: khyoo yhe: lho: seig gam moo afu' tho' moo gootu: ci" we' amyang lang" Aseing tid da" zigi «Nang moo khanham we' ashi" azei: loo: baja"» ga: tid. Houg: lang" lafoem gam gi kyoug shid: loo" khari" bye.

MATHE 25:29

Yoo" mo, jo, mo, rigi poug lung: byid: lho: nyang: gi athang agoin yo" loo jo, loo wa zi nghoid. Nghoidloug we' ci" ayoo" su: jang" mo gi nyang: yo" da" dajhi kyeing" ziri lang" lhoid pyam byid: wa zi nghoid.

MATHE 3:10

Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa.

MATHE 3:12

Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

MATHE 7:19

Amo da" ashi" zei: da" shi" gam jo, moo jo, rigi thoug lheing: pyam' lho: myi: khyoem moo du" zei pyam' zi shau" nyid ago".

MARKU 4:20

Nghoid loug we' gootu: dayham" gi myid gi moo sain" kaid da" myoug: shi": yo' du nyid ago". Nyangnu" gi hau: mungdang: ri shaug" gyoo: lang" kham: yu lho: dayham" soem: xi: zhang - dayham" khyug xi" zhang- dayham" gi dashoo: zhang ashi" zei: lo boem.

LUKA 8:13

Lug phoug tho' moo gyoo" lo" da" myoug shi" gi Mungdang: ri shau" gyo: da: uri gau yi ziyo' kham: yu mo, ri tid nau. Nghoidloug we' nyangnu" da" nheigloem: khoug: moo mungdang: agyi: ayo" cen,- dayo, daboin: za: jham" ca: yu" da" yau khe: kyen" nhoung: khyoo: doem thoung" shau" lang" hau: yug gi doem fain" phoug: lo.

YOHAN 15:1

Aseing Yesu gi Ngoo gi main" da" zabyidd" nei nghoid. Nga" phoo gi khyam: seing: nghoid.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 15:3

Houg: yo' dakhyoo" ti"-- ngoo jhoug" byid: da" Mungdang: gi akhid" lang" nanu" ri kyid shang: nyid bye.

YOHAN 15:6

Ngoo yo" axo' to" su: gi nghi: zain khyoo: cu: khyo, pyam wigi kyoug main lo" da" seig kung: yo" du wa. Byu yi gi hau akung ako joem ri cang sho: zheing" yu lho: myi: moo du kaid wigi nyang: gi nghe" joem: pyam wa..

YOHAN 15:8

Nanu" gi ashi" myoo" sho' zei loo yoomo Mangso da" myonhoo: phung: yoeb' ri thu' loo nhang. Hid: khyo" nanu" gi nga" cangzoo: yi bue" lo boem.

YOHAN 17:12

Ngoo gi houg: bang: yo" dage" nyid shi" da" uri nang ab byid: to" da" re" voolang myeing khyang" yoem: vhoo" yo' nyangnu" ri goem loem zung" lhug byid: bye. Ngoo gi nyangnu" ri zung" lhug goin coung: nyid. Yoomo Jhoem: mungdang: moo bo ziyo' dakhyoo ti"- shid: no byo, yoin" loo" wa da" dayug mo jan" lho: gootu: hang" we abyug loo" wa.

Roma 11:17

Byu yi gi zhain lun: gi akung: yi dayham" ri cu: khyo' pyam' lho: deing jo da" angoid' moo zhainlun: lam" akung: ri deom xo lho: sho" too" se' nyid boem. Hau: zhainlun: lam" gi agam gyid: ri jhoeb' yu yhang: ti" Tungbau byumyu" nghoid mo nanu" gi Yuda byumyu" yi jang" mo akyu" jeju" myoo" sho' shau" kham: yu boem.

Roma 11:22

He jang" moo Mangsoo: gi - khayhi' gyeing" nheig khyeug shoo" se' myen: da" khyoo: yo' khayhi' gyeing" noo sho' yooboo dang: se' kho: da" khyoo: ri ngoonu" shau" myang boem. Mangsoo: gi yooboo shoid' mo ri gye thain: sho' yooboo dam yo" byid nyid da" khyo" ein: ri nanu" gi Mangso: nheig khyeug khyoo: ri yo" xo kham: yu sho' cang koid' zei: so' ri gi Mangsoo: gi nanu" da" tho' moo nheig khyeug nheig myen: nyid wa zi za nghoid. Hau: nheig khyeug myen: da" khyoo: ri shau" kham yu sho' akoid' acang loem boem ri koem' gi nanu" ri we' Mangsoo: gi cu: khyo' pyam' wa.

Roma 8:28

Mangsoo: gi jheddab yoomo Aseing: myid vho: zi yo" dakhyoo" khe: khyen: yu shau" mo ri thoung" shau" zoo: wa da" moo" dangain" mo akyu" bo thu' loo wa shid' re" Aseing gi nyangnu" yo" dage" zei: so' khyoo: ri ngoonu" se'.

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 12:15

Mangsoo jeju" mo nung phoug lo" zi abui" baja" zung" lhug goin, coung: nyid ge'. Kho" da" seig gyi: youg gyi: lo lho: nya: da" dug yo' jamjau myoo" sho' byid: yhang: ti"- nanu" ri we' houg: su" abui" baja" zed" lhed' nyid ge'.

1YOHAN 2:19

He: da" byu yi gi khanham we' ngoonu" yo' zoem" khoug: wa zi ci: asen: mo, nghoid nyid boem yoomo ngoonu" jang" mo nyangnu" thu' lo" byug ago- ngoonu" yo' zoem" khoug: wa zi sen: mo, nghoid boem rikoem gi nyangnu" gi ngoonu" yo' dage" nyid nyid boem wa zi nghoid. Nghoid we' nyangnu" dangain" mo, gi ngoonu" yo' gyeing" nyang: asen: da" khyoo: bang bang myang thu' loo baja" ga: nyangnu" thu' lo" byug boem bye.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.