YOHAN 15:15 - Lacid Common Language Bible

¹⁵ Akhid" mo wigi nanu" ri ngoo join atid loo wa. Khasu" wim gari-join gi Yhoem: seing: koid da" moozoo" ri asi. Nanu" ri bidnoem da ein: loo wa khasu" wim gari pho jang" mo ngoo shau" gyo: khyoo: dangain" nanu" ri yo tid kyoo" bye.

YOHAN 15:15 교차 참조

COUNG" NGHEI 25:14

Aseing gi nya: mungdang: ri tam" gyo: cang nyid mo, yo' zoem" khau: nyid lho: nyang: gi houg: bang: yo' nya: dang: theing khoin" ri geung: teung jo, nhang:.

DANG: ZHOEM 18:24

Bid noem dayham" gi myang" sho' akham' nghoid ago". Nghoid loug we' bidnoem dayham" gi co' xo' mang: nhung" yi tho' moo: je ge nyid ago".

AMO 3:7

Myhang: thang yoem: moo" bo da" Aseing gi nya: dei zoo: lapi: yiri nyang: myid soin' to" khyoo: ri atoin" shid loo: da ja: ja: lhoung koid thu kaid yu" la".

MATHE 13:11

Yesu gi «Nanu" gi mougkhoung: mungdain: da" no, thang khyoo: ri se' gyo: da" akhang" yo" ago". Goo" ji koem gi hau: akhang" ri ayoo" nghoid ago".

LUKA 10:23

Hau: thang: ri Yesu gi cangzoo: yi jhang khyoo: phug lho: akhid" nanu" myang da" zi joem khyoo: ri yo" myang da" myojid" joem gi ngi lhoo wa.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 13:16

Deing" deing nanu" ri ngoo tid nau da" zigi join, gi yhoem: seing: tho' moo je gyi su: anghoid. Lagyoo: we' nhang: kaid su: da" tho' moo je gyi: zi anghoid.

YOHAN 15:20

Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

YOHAN 16:12

Nanu" ri ngoo tid wa zi myoo" sho' boo shi" nghoid loug we' akhid" nanu" yo" kham: yu goo" wa zi anghoid.

YOHAN 17:26

Nga" da" tho' moo Nang to" da" jhed' khyeing: kang: khyeing: gi nyangnu" moo we bo jo, lho: ngoo we' nyangnu" da" nheugloem: moo yo" loung" jo, wa da" shid' re" Re" da" khyoo: nyangnu" ri ngoo si' nhang: bye. Xo, lho: wigi we' ngoo zei: loo" shi" wa ga: wigi akyu" mho'.

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 4:19

‹‹Ngoo yu" ri nang gi Lapi: dayug nghoid zi myang si' bye: ga:›› myiyi: myhi, tid.

YOHAN 8:26

Nanu" da" khyoo: yo" sen: lho: ngoo tid kyoo" ca" da" khyoo: soo" soo" bo. Nanu" ri yooboo foin: wa khyoo: we' myoo" sho' bo. Ngoori nhang: kaid da" Aseing: gi dang main" da" Aseing: danghoid. Hau: Aseing: jang" mo ngoo shau" gyo: da" khyoo: ri za: he: mougmyid byu yi ri ngoo tid kyo.

ACTS 20:27

Khasu" wim gari ngoo gi Mangsoo: myed young to" Khyoo: dangain" ziri ci" we' ateung too" looza: nanu" ri tid fu" kyoo" byid: bye.

Roma 7:15

Ngoo nyang: koid' da" moo" ri ngoo ase' gyoo. Khasu" wim lha" ga: ri - ngoo nyang: koid' nau zi ri gi akoid' loo za: ngoo ngheing" da" moo" ngoo koid' nyid yoomo nghoid.

1Korinthians 2:16

Jhoem: mungdang: moo- Khayug gi hau" Aseing myid' to" khyoo: ri- yo" si' byid: wa la" khayug gi nyang: ri phajhi" yo" byid: wa la" ga: wigi: lhid" to" ziyo' dakhyoo" ti" nghoid. Ngoonu" koem gi Khristu da" myid to" khyoo: ri yo" yu mo, nghoid bye.

GALATI 4:6

Yuda byu yi da" toung: da" tarha" khoug: moo nyid loo bye. Akhid" nanu" gi Mangso nya: zoo: yi nghoid nyid boem ziri sagsi: toin" shid' wa shid re" phoo we" nga" phoo we",, ga: wigi se' yoid, da" nya: zo: venyi ri ngoonu" da" ung: khoug: nheigloem: moo nyid nyid nhang: bye.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

Ephesu 3:5

Lai loo" bye: da" ayo, joem moo he: no, thang da" khyoo: byu xangsu: yi ri atid kyo" yu" shi"- Nghoid loug we' Mangsoo gi akhid" nya: da" gyeungshang: lagyoo: yi yo' Lapi: yi ri hau: venyi khyo" wigi pang shug byid: bye.

KOLOSE 1:26

Nyang: gi hau: no, thang lho:-zau" yhoem" to" da" mungdang: ri mougmyid xangsu: byu yi asi loo: sho' goonham, gooco' mo dapyaid' yo' dapyaid' moo ju" sho' zau" yhoem" too" nghoid loug we' akhid" gi nya: da" byumyu" yi ri ci: shug kaid' abye:.

PHILIMON 1:16

Akhid" gi join, za: we' anghoid loo- join, tho' moo je" jain" da" jheddab da" Khristain mang: nhung" dayug bue" loo bye. Nyang: gi nga" da" shid re" khayhi' gyeing" phoug" dab, su: bue" loo bye: lha! Re" shid re" join dayug khyo" we' Khristu moo mang: nhung" dayug khyo" we' re" shid re" we' khayhi' gyeing" phoug" dab, su: bue" loo wa lha!

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

YAKU 2:23

Houg: su" nghoid yoomo Abraham gi Mangsoo ri loem" jeung" khyoo: yoomo Mangsoo gi nyang ri deung byeung" su:- ga: soin: byid bye ga: da" jhoem: mungdang: gi deung loo bye. Houg: yoomo Abraham gi Mangso da" bidnoem zeing ga: myheing byid: zi we shau" bye.

1PETERU 1:11

He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'