YOHAN 15:11 - Lacid Common Language Bible

¹¹ Nga" gau yi da" khyoo: gi nanu" moo jo, jo wigi nanu" da" gau yi zi we' joeb, byeung" loo baja"- ein: ngoo he: khyoo: nanu" ri tid bye.

YOHAN 15:11 교차 참조

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ESAIA 62:4

Nang ri «She: pyam' pyam' bye:» ga: tid loo goo" wa. Re" mougmyid ri «She: pyam' too" shau" da" yhoem: seing: myhi'» ga: tid loo goo" wa. Re" myeing seig gi «Mangsoo nyang: ri vho: ngei abye:» ga: zi nghoid loo wa. Re" mougmyid gi «Ngei pyoo: tung" lo, xo' to" da» ga: myheing wa. Ciwim ga: ri Aseing gi nang ri vho: ngei wigi Nyang: gi re" mougmyid da" yhoem: seing: phoo yhang: ti" nghoid loo wa.

YEREMIA 32:41

Nyangnu" shid re" gi koid jang" moo ngoo pyoo: wa. He: mungdain: moo ngoo nyangnu" ri abei: abyo, de: nyid nhang: wa.

YEREMIA 33:9

Yerusalem gi ngei bu khyoo:- ngi: shab khyoo:- nga" gang mo phau: khyoo: joem da" ajhung: bue" loo wa. Mougmyid dang moo nyid boem da" byumyu" khang" moo" gi Yerusalem byu yi shid re" ngoo koid byid: da" ge da" moo" zoo" joem yo' ngo wigi voomoo" ri nyid gi yab gi nhang: da" khyoo: joem yo' sen: wigi nyangnu" shoug" gyoo: lang" gyoug wigi ko' ko' nain" loo goo" wa» ga: tid da:.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

LUKA 15:23

Khu: myhoug to" da" nujung nu" we' lo" she: said ge'. Nyhang" gau yi zo: shug pui" zeing koid: shang.

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

LUKA 15:5

Hau: da" yang ri shau" lang" gi gau yi ngei pyoo: za: kootho' moo tu: vu, loo" wa.

LUKA 15:9

Nyang: gi hau: ngei den" ga" ri shau" myang lang" gi bidnoem seing" cang" yhoem: kyoo" voo yoo ri khe: lho: byug lo" da" nga" ngei den" ga" doem shau" bye:- ngoo gau yi ngei pyoo: nyid bye. Houg: yoo mo nyang" nu" dage" gau yi ngei pyo: pui koid' shang:

YOHAN 16:24

Akhid" ju" sho' nanu" gi nga" da" myeing ri lang lho: daja" we' amho, atid yu" boem shi". Nanu" da" ngei pyo: da" khyoo: byeung" byeung" yo" yu wa shid' re" Akyu" mho' nyid ge'. Nanu" mho' ziyo' dakhyoo" ti"- yo" yu boem wa zi nghoid.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

YOHAN 17:13

Akhid" gi ngoo Re" jhang khyoo doem loo loo: wa nghoid. Houg: bang: gi=ngoo gau yi te" da" gau yi khyoo:- byeung" byeung" yo" yu boem wa shid' re" He: mougmyid moo nyid shi" uri he: da" dang: ri ngoo tid.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

Roma 15:13

Gyeungshang: da" Venyi: phung" yoeb gi nanu" da" loem" jeung" nheig shid: nheig deig da" khyoo: ri geing: teing tho' moo geing: teing loo wa shid' re" loem" jeung" nheig shid: neig deig nhang: da" Mangsoo: gi nanu" da" loem" jeung" yoomo nanu" ri gau yi ngei pyo: joeb byeung" nhang: zi yo" myenjham" khyoo: ri byid: baja" o".

2~KORINTHU 1:24

Nanu" ce" ja: ri loem" jeung" boem ca" ein: wigi ngoonu" amyeung" byid: to" zi anghoid. Nanu" geung: geung: teung teung hau: loem" jeung" khyoo: moo yab jo, boem bye: ziri ngoonu" se' boem bye. Ngoonu" gi nanu" da" ngei pyo: gau yi da" khyoo: joem ri she, -nanu" yo' dage" moozo" ri coem voin vu, nyid zi nghoid nyid.

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

PHILIPI 1:25

He: da" khyoo: ri ngoo goolhoo: za: se' gyoo; bye: yoomo ngoo nanu" yo' dage" xo' nyid nyid wa zi ri se- nanu" ri je" gyi: sheung: loung: loo nhang: wa ziyo' loem" jeung" jang moo gau yi nyid wa shid re" ngoo nanu" dangain" bang: yo' dage" nyid nyid wa ziri se' nyid.

1THESALONI 5:16

Kha: nham, we' dagau yi nyid ge'.

1PETERU 1:8

Nanu" gi Khristu ri amyang yu" boem nghoid loug we' jheddab nyid-akhuid" amyang shi" nghoid loug we' nanu" gi Aseing: ri loem" jeung" nyid bye- hougsu" nghoid yoomo nanu" gi nhoid, yo' tid loo, a-oung: loo: sho' gau yi ngei pyo: ziyo' ngei pyo: nyid boem bye.

1YOHAN 1:4

Ngoonu" gi nanu" moo gau yi nheig deug: khyoo: joeb, byeung" lo boem baja" ein:- he mougsoug" ri lhid" kaid' boem zi nghoid nyid.

2 Yohan 1:12

Ngoo nanu" ri tid nau da" khyoo; myoo" sho' yo" nghoid loug we' mougsoug" phyu: yo' lhid" cid" ci: lho: anau, lhid" loo. Hau: gung khoo: nyhang" ngei pyo: gau yi da" khyoo:- byeung" sho' yo" yu boem wa shid' re" nanu" jang" moo ju" re" wigi nhoid yhoo: yo' shau" doem, goo" wa ziri-ngoo nheig byu nyid.