YOHAN 14:6 - Lacid Common Language Bible

⁶ Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 14:6 교차 참조

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

YOHAN 1:4

Hau: mungdang: gi kangso' ajhung nghoid- hau: da" kangso' gi Byu yi da" bidbang nghoid.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 10:7

Houg: lang" Yesu doem tid zigi nanu" ri ngoo tid ba:- ngoo gi yang joem vang loo wa da" khoem" duang: nghoid.

YOHAN 10:9

Ngoo gi khoem" duang: nghoid. Nga" jhang khyo" vang ri" su: gi goem loem joyoo shau" bye. Nyang: gi thu' thu' vang vang yo" koid; wigi mhain" nu" jang: ri shau" myang wa zi nghoid.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

YOHAN 15:1

Aseing Yesu gi Ngoo gi main" da" zabyidd" nei nghoid. Nga" phoo gi khyam: seing: nghoid.

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 5:21

Nya: phoo gi byu shid: ri doem dei loo nhang: lho: kangso' byid: yhangti"- Nya: zoo: we' nyang: vho: ngei bang: ri kangso' byid: wa zi nghoid.

YOHAN 6:33

Hau: da" main" gyeing" da" zooyho' gi Mougkhung: mo gyoo" lo lho: mougmyid xangsu: byu yi ri kangso' dei loo nhang: su: nyang: nghoid bye.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

YOHAN 6:57

Dadei nyid da" nga" phoo gi ngoori nhang: kaid bye. Nyang: yoomo ngoo kangso' dadei nyid. Houg: yo' dakhyoo" ti"-- ngoori zo: shug su: we' ngoo yoomo kangso' yo" dei nyid wa zi nghoid.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

YOHAN 8:32

Nanu" gi deungmain" da" zi ri we' ci: wa. Hau: deungmain" da" zi gi nanu" ri lhoid pyoin kaid wa zi nghoid ga: tid.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 4:12

Khyoid yu khyoo: gi nyang: mo za: yo" kham: yu nyid ngoonu" ri yo" khyoid yu da" Mangsoo byid: khyoid khyi: yu su: gi moug: myed gyab, goin" jang" moo gootu: dayug we' aboo loo.

ACTS 9:2

Aseing: da" khyoo: ri phau" cang nyid mo Yuggi myiyi: yi ri myang lang" nyangnu" ri myheug yu lho: wigi Yerusalem voomoo" khyoo: shu" tau" loo" wa shid mo khainjung pho, jang" mo Damasku voo moo jo, da- tarha" jung yi jhang being" si' byid: da" akhang" mougsoug" ri yhe: mho' ci: da.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

Roma 5:21

Yooboo gi byu ri yo" shid nhang: da" dangkang: nghoid ziyo' dakhyoo" ti" ngoonu" Aseing Yesu Khristu khyo" wigi Mangso: da" jeju" akhyoo" again gi ngoonu" ri apyaid' ato: kangso' khyoo: shu" yhe: lo" lho: deingbyeing" mo yo" bue" loo nhang: da" dangkang: nghoid.

1Korinthians 15:45

Jhoem: mungdang: moo: tid to" ziyo' dakhyoo" ti" xang: shid" mo Adam: gi kangso dei da" xangsu: byu khyo" phain" so: too" bye- nghoid loug we' thang: mo da" Adam gi khang: so' dei loo: nhang: da Venyi: nghoid nyid.

Ephesu 2:18

Tungbau byumyu" yi yo' Yuda byumyu" yi zheung: nghoid da" ngoonu" dangain" bang: gi Khristu da" gung moo hau: venyi daloem: za: yo' Pho, da" shid khoin" khyoo: yo" vang lo" beom bye.

KOLOSE 2:17

Houg: yhang: te" da" khyoo: dangain" gi ju" lo da" ayo, moo bue" thu' loo wa da" khyoo: joem da" ayoeb, abang za: nghoid nyid agung gyeing" nyang: gi Khristu nyang: nghoid nyid.

KOLOSE 2:9

Mangso da" joeb byeung" layung gung gi-xangsu: gung du: nghoid da" Khristu moo bo jo.

KOLOSE 3:4

Re" da" kang: so' gyeing" gi Khristu nghoid lho: nyang: doem, thu' myang lo da" uri nang we' nyang: yo' dage" thu' myang lo wigi nya: myonhoo: phung" yoeb, ri bo shau" kham: yu wa zi nghoid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

HEBRE 9:8

Hau: da" thung" yo' dakhyoo" ti"- xang: shed" ju" vang lo" da" yab, goin" dageung: jo, jo, gi gyeungshang: da" yab, khyoo: khoem" aphang shi" wa da" khyoo: hau: gyeungshang: da" venyi gi bang bang jhoug" byid: nyid.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

1PETERU 2:4

Houg: yoomo Aseung: jhang khyoo: tain" tab loo ge' nyang: gi kangso' dei nyid da" lung moo" beom nghoid. Hau: lug moo" boem' gi ce: phoug" adab ga: byu yi gi khyen: pyam' too" nghoid loug we' Mangso wigi phoug" dab, ga: khyen: yu bye.

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

1YOHAN 1:8

Ngoonu" moo yooboo ayoo" ein: tid nyid boem nghoid rigi ngoonu" nyang: nya: da" gung ri ngoonu" mhau' pyam mo, nghoid wigi deingmain" khyoo: aboo mo, ngoonu" nghoid nyid boem.

1YOHAN 2:23

Hau: nya: zoo: ri ngeug pya, su: hang" nghoid loug we' hau: nya: phoo ri we' bo ngeug pyam su: nghoid bye. Nya: zoo: ri lhoem: kham: yu su: gi nya: phoo ri we' lhoem: kham: yu zi nghoid bye.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.

1YOHAN 5:6

Yesu Khristu gi gyid moo Babtisma kham: yu lho: shid: kham: suid" shoin: ziyo' ju" ri" su nyang nghoid. Nyang: gi gyid' yo' za: ju" re" zi anghoid- gyid yo' we' suid" yo" we' ju" re" zi nghoid. Houg: su" ju" re" khyoo: deung nyid ziri hau: Venyi nyang sagsi: kham, byid: nyid. Khasu" wim gari hau: Venyi nyang- deingmain" da" khyoo: nghoid nyid.

2 Yohan 1:9

Nyang: tu: nya: gung ri lhed' zed' nyid ge'. Khristu da" jhau" mho' khyoo: moo acang da" hau: ziri rue lid lo" bang: hang" nghoid loug we' Mangsoo yo' asen: loo:- hau: da" jhau" mho' khyoo: ri khanham we' d acang nyid bang: hang" nghoid loug we' nya: phoo yo' we' nya: zoo: yo" we' sen: su: nghoid nyid.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:

Pang Shug 19:11

Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.

Pang Shug 20:15

Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.

Pang Shug 3:7

Philadephia phung da" moug: lagyoo: jhang khyoo: hid: su" ein: lhid" we'. He: da" dang: gi gyeungshang: ziyo' deingmain" su: jang" mo mungdang: nghoid. Nyang: gi David da" khoem" thoug" ci: su: nghoid. Houg: yoomo nyang: wigi khoem" ri phang too" lang" hang" we' ayo" myhid" loo- hau: lho: nyang: wigi khoem" ri myhed" too" lang" gi hang" we' ayo" phang lo: su:- jang" mo mungdang: nghoid.