YOHAN 14:23 - Lacid Common Language Bible

²³ Yesu doem tid da" zigi Ngoori jhed' dab, su: gi nga" da" moo" myeing" ung: voin su: nghoid. Houg: yoomo nga" Phoo gi nyang: ri jheddab wa. Nga" phoo yo" ngoo we' nya: jang" moo yhe: lho: nyang: yo" dage" nyid wa zi nghoid.

YOHAN 14:23 교차 참조

APOEM AYANG: 1:26

Hau: thang: Mangsoo gi «Houg: lho: akhid" nyang: gi nyhang" yo' alhoo: du avoid bo da" xangsu: byu ri phain" so: boem shang. Nyangnu" gi wimdo, yo' ngho' zoo: yen" zoo: yi tho' moo we' myhu: ja: yo' siyoo gougnyhoug lam" joem gyi: zi nge zi dangain" tho' moo we' yoem: so' yo' vhoeb nyid goo" baja"» ga: tid.

APOEM AYANG: 11:7

Nyangnu" dayug yo' dayug myeing" azhung" go" sho' nyhang" gyoo" yhe: lho: nyangnu" da" myeing" ri lhu: nhung pyam byid: shang» ga: tid.

COUNG" NGHEI 90:1

Aseing we" nang gi khanham we' ngoonu" da" khoug: loo joyoo yo' yhoem: nghoid nyid.

COUNG" NGHEI 91:1

Goem loem byid: khyoo: shoug" yu wa shid re" Aseing jhang ju" ri bang: hang" nghoid loug we' gyi: myhang da" goem loem byid: su: akhoug: moo shoug" khau: nghe: nyid su: nghoid bye:.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 14:15

Nanu" ngoori jheddab nghoid rigi Nga" tarha" ri phau" cang goo" wa nghoid.

YOHAN 14:17

Hau: da" Aseing: gi Mangso da" deung main" khyoo: ri toin" shid' wa da" Venyi: nghoid. Mougmyid gi hau: Venyi: ri myang we' amyang- si' we' asi yoomo ayo" kham: yu boem. Nghoidloug we' Hau: Venyi gi nanu" yo" dage" nyid lho: nanu" da" khoug: moo loung" jo.Hau: Aseing: ri nanu" se' boem bye.

YOHAN 14:21

Ngoo ri kham: yu lho: cang loo" su: gi ngoori jheddab su: nghoid. Ngoori jheddab su: ri nga" Phoo we' jheddab wa zi nghoid. Ngoo we' nyang: ri jheddab lho: Nga" da" gung nyang: ri toin" shid' wa zi nghoid ga: tid.

YOHAN 14:24

Ngoori ajheddab su: gi nga" jhoug" myeing" ri ase' gyo: yu. Nanu" shau" gyo: yu" da" jhoug" myeing" gi nga" da" jhoug" myeing" anghoid. Ngoori nhang: kaid da" nga" pho jhoug" myeing" danghoid.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

YOHAN 16:27

Phoo nyang: lhang"- nanu" ri jheddab nyid yoomo nghoid. Nanu" gi ngoori jheddab wigi ngoo gi Mangso jhang khyo" re" da" ziri loem" jeing" yoomo Phoo gi nanu" ri gye jheddab nyid.

YOHAN 6:56

Nga" da" shoo" ri zo: lho: nga" da" suid" ri shug su: gi ngoo yo" dadeing: daloem: za: nyid su: nghoid. Ngoo we' hau: yug yo" dadeing: daloem: za: nyid wa zi nghoid.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

Ephesu 3:17

Hau: lho: loem" jeung" khyoo: khyo" Khristu gi nanu" da" nheigloem: ung: khoug: joem moo nyang: nyid nyid' wa ziyo' jheddab da" emyid moo agyi: zug lho: ayang: ri zhoug too" wa shid mo ngoo akyu" mho' nyid.

1YOHAN 2:24

Nanu" gi xang: shed" mo nyang:- shaug" gyoo: bye: da" mungdang: ri nanu" da" nheig: loem: khoug: moo kaid too" loo: ge'- hau: mungdang: nanu" moo bo jo, nghoid rigi nanu" gi nya: zoo: yo' we' nya: phoo yo' daeung: daloem: za: khanham" we' bue" nyid goo" wam: bye.

1YOHAN 2:5

Hang" nghoid loug we' nya: amyeing" dang: ri tam" gyo: lho: cang lo nghoid rigi gyeing" nyang: nya: Mangsoo ri jheddab zi nyang: moo joeb, byeung" su: nghoid bye- He: khyoo: gi ngoonu" Mangsoo yo' kha: khyo" wigi dadeing: daloem: za: bue" loo bye: khyoo: ri khyag nyang: si' nhang: da" khyoo: nghoid bye.

1YOHAN 5:3

Khasu" wim gari Mangso amyeing" tarha" ri cang zei: lo" khyoo: gi nyang: ri jheddab ein: da" khyoo: nghoid nyid. Nya: amyeing" tarha" gi ngoonu" shid' re" cang yau: nyid zi anghoid.

2 Yohan 1:6

Akhid" ngoo tid nyid da" jheddab khyoo: ein: zigi Mangso da" amyeing" tarha" ri tam" gyo: cang yhe: lho: kangso' dei nyid khyoo: ri tid zi nghoid nanu" dangain" bang: xang: shed" ayang: mo nyang: shau" gyo; yu bye amyeing" tarha" gi nanu" dangain" mo, gi jheddab nheigloem: yo' kangso' dei nyid ca' ein: da" khyoo: nghoid.

Pang Shug 21:22

Hau" voogung khoug: moo gi noku yhoem: moo" ri ngoo amyang- Khasu" wim gari yoem: moo" bo da" Aseing: Mangso yo' Yang nu" gi hau" voogung mo noku yhoem moo" nghoid nyid.

Pang Shug 21:3

Hau: lho: wigi zhung: tang mo thui: zeing dakhoin" tid thu' lo da" zigi Yu" ge" - noku yhoem: gi xangsu: byu yi yo' dage" nghoid bye- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid.

Pang Shug 22:3

Hau: voogung khoug: moo Mangso nheing" myeing" nheing" thui: ga: zigi khanham we' jo, loo: wa zi anghoid. Mangsoo yo' yang nu" da" zhung: tang gi voogung khoug: moo dajo, jo, wigi Nya: dei zoo: yi gi nyang: ri noku coung" nghei boem wa za: nghoid.