YOHAN 14:21 - Lacid Common Language Bible

²¹ Ngoo ri kham: yu lho: cang loo" su: gi ngoori jheddab su: nghoid. Ngoori jheddab su: ri nga" Phoo we' jheddab wa zi nghoid. Ngoo we' nyang: ri jheddab lho: Nga" da" gung nyang: ri toin" shid' wa zi nghoid ga: tid.

YOHAN 14:21 교차 참조

2 KHOKHAM 18:6

Nyang: gi Aseing ri jhug zug wigi tid dang: agyoo: khanham we' akoid nghoid da:. Aseing wigi Moshe ri byid: to" da" amyeing" dang: joem dangain" ri goo" lhoo' za: cang da:.

COUNG" NGHEI 35:27

«Aseing gi khayhi' gyi: myhang: lha". Nyang: gi nya: deizoo: oung: doid lo" khyoo: moo nheugshid: nheugdeug nyid» ga: wigi nga" tho' moo: yooboo adab da" khyoo: ri myang noug mo, gi gau, yi tung" nyho: yoid lho: poug lho: poug lho: tid nyid goo" baja".

THU' LO" MOUGSOUG" 33:18

Hau: thang: Moshe gi «Re" phung" yoeb bidbang ngoo ri myang nhang: we'» ga: mho' yoid nyid.

DANG: ZHOEM 8:17

Ngoo ri jheddab bang: ri ngoo jheddab nyid ngoo ri shoo: bang: hang" we' ngoo ri shoug" sho: myang ago".

YEREMIA 31:31

Aseing tid zigi «Yuda byu yi yo' Israela byu yi yo' ngoo dang: theing aseig koid wa da" ayo, ju" lo nyid da:.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

YOHAN 14:15

Nanu" ngoori jheddab nghoid rigi Nga" tarha" ri phau" cang goo" wa nghoid.

YOHAN 14:18

Ngoo loo" lang" nanu" nyang: kyeing" ri she: pyam too" khoo, wa zi anghoid. Nanu" jang" moo ngoo doem ri" wa.

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

YOHAN 16:14

Nyang: gi ngoo tid dang ri gyo: ci. lho: nanu" ri doem tid kyoo" wa nghoid yoomo nga" da" myonhoo: phung" yoeb' ri doug bang loo nhang: wa zi nghoid.

YOHAN 16:27

Phoo nyang: lhang"- nanu" ri jheddab nyid yoomo nghoid. Nanu" gi ngoori jheddab wigi ngoo gi Mangso jhang khyo" re" da" ziri loem" jeing" yoomo Phoo gi nanu" ri gye jheddab nyid.

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

ACTS 22:18

Hau: yoeb, myang moo Aseing: ri ngoo shau" myang wigi nang Yerusalem voomoo" mo myab, myab, thu' loo" we' - Khasu" wim gari he: voomoo" mo bang: gi Nga" khyoo: yo' sen: lho: wigi nang sagsi: kham, da" dang: ri akham: yu goo" wa" - ga: wigi ngoori tid.

2~KORINTHU 12:8

Hau: zu" nho: noo ri shoem" pyam byid: wa shid re" ngoo gi hau: Aseing: jang" moo soem" lheung: ju" sho' akhuyu" mho' bye.

2~KORINTHU 3:18

Houg: yoomo ngoonu" dangain" bang: gi myonhoo: nghoeb ziri phang pyam boem bye:. Myonhoo: yo' hau: Aseing: da" myonhoo: phung" yoeb da" alhoo: ri doem tau" pang shug nyid boem bye. Hau: myonhoo: phung" yoeb nyang: Venyi ein: da" Aseing: jang" mo ju" re" wigi Aseing: yo' jeje du go" lo da" myonhoo: phung" yoeb shoid khyoo: ngoonu" ri thed, shai" loo" nhang: nyid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

TARHA" TID POIN" 11:13

«Houg: yoomo akhid" nyid" ngoo nanu" ri byid: to" da" amyeing" dang: joem ri cang nyid ge'. Nanu" Aseing Mangsoo ri jheddab wigi nanu" emyed nheigloem: dangain" yo' nyang: ri dei byid: nyid ge'.

TARHA" TID POIN" 7:13

Nyang: gi nanu" ri jheddab wa nghoid wigi nanu" ri mainkaid byid: wa. Houg: lang" nanu" gi myo: loug loo wa nghoid lho: zoo: du myoo: sho' yoo" wa. Nyang: gi nanu" yoothung" ri mainkaid byid: wa. Houg: lang" nanu" gi gug shi" mei: shi" zabyid yo' zhainloin: xu: joem yo" loo goo" wa. Houg: lho: nyang: gi nanu" da" nu: yo' yang joem ri: myo: loug je: be: loo nhang: wa. Nyang: nanu" ri byid: wa ga: nanu" phoug" phyid" yiri dangsoo" byid: to" da" mungdain: moo nyang: gi nanu" ri he: mainkaid jeju" dangain" gam khain" byid: wa.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

2 TIMOTHI 4:22

Hau" Aseing: gi re" venyi yo' dage" dangyi nyid baja"- Mangso da" Venyi gi nanu" yo' dage" dajo, jo, baja" o".

1YOHAN 2:5

Hang" nghoid loug we' nya: amyeing" dang: ri tam" gyo: lho: cang lo nghoid rigi gyeing" nyang: nya: Mangsoo ri jheddab zi nyang: moo joeb, byeung" su: nghoid bye- He: khyoo: gi ngoonu" Mangsoo yo' kha: khyo" wigi dadeing: daloem: za: bue" loo bye: khyoo: ri khyag nyang: si' nhang: da" khyoo: nghoid bye.

1YOHAN 3:1

Yu" ge' Mangsoo gi ngoonu" ri khayhi' jheddab nyid lha". Nya: da" jheddab nheigloem: gi gye" gyi: zi nghoid wigi ngoonu" ri Mangso nya: zoo: yi ga: myeing byid: bye: ziyo' dakhyoo" ti"- gyeing" nyang: ngoonu" gi Mangso nya: zoo: yi nghoid boem bye- Nghoid loug we' mougmyid gi Mangsoo ri asi yoomo ngoonu" ri we' asi nghoid da.

1YOHAN 5:3

Khasu" wim gari Mangso amyeing" tarha" ri cang zei: lo" khyoo: gi nyang: ri jheddab ein: da" khyoo: nghoid nyid. Nya: amyeing" tarha" gi ngoonu" shid' re" cang yau: nyid zi anghoid.

2 Yohan 1:6

Akhid" ngoo tid nyid da" jheddab khyoo: ein: zigi Mangso da" amyeing" tarha" ri tam" gyo: cang yhe: lho: kangso' dei nyid khyoo: ri tid zi nghoid nanu" dangain" bang: xang: shed" ayang: mo nyang: shau" gyo; yu bye amyeing" tarha" gi nanu" dangain" mo, gi jheddab nheigloem: yo' kangso' dei nyid ca' ein: da" khyoo: nghoid.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.

Pang Shug 3:20

Yu" we' ngoo gi khoem" duang: moo yab, jo, lho: khoem" ko' nyid. nga" da" thui: ri shau" gyo: lho: khoem" ri phang byid: su: da" yhoem: khoug: khyoo:- ngoo vang lo" lho: nyang: yo' dage" zo: shug wa nyang: we' ngoo yo' dage" shau" zo: shug nyid wa.