YOHAN 14:10 - Lacid Common Language Bible

¹⁰ Ngoo gi phoo moo nyid phoo we' ngoo moo nyid. Phoo nyid zi nang aloem" rhe. Ngoo tid da" dang: dangain" gi nga" da" dang: anghoid. Ngoo koid; da" moozoo" we' Ngoo yo" dage" nyid da" phoo Mangsoo: nyang: koid; da" moozoo" nghoid bye.

YOHAN 14:10 교차 참조

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 10:38

Ngoo ci: voin vu nyid nghoid ri koem gi ngoori aloem" jeing" nghoid loug we' ngoo voin, vu, da" moozoo" ri loem" jeing" ge'. Houg: lang" ngoo zei: da" moozoo" moo Phoo gi nga" khoug: moo nyid nyid lho wigi ngoo we' phoo yo" dadeing: daloem: za: nyid ziri nanu" se' gyo: loo wa ga: tid kyo".

YOHAN 11:26

Ngoori loem" jeing" lho: akhid" dei nyid shi" mo, we' khanham we' shid: wa zi anghoid. He: ziri nang aloem" la"» ga: myid.

YOHAN 12:49

Khasu" wim gari Ngoo gi ngoo nya: amyeing" khyo" kho" kyo" da" khyoo: anghoid. Ngoori nhang: kaid da" phoo Mangso da" amyeing" yo' dakhyoo" ti"-- kho" kyo" khyoo: danghoid.

YOHAN 14:11

Ngoo gi phoo yo" dadeing: daloem za: nghoid wigi Phoo we' ngoo yo" dadeing: daloem: za: nghoid yoomo ngoo tid ziri loem" jeing" ge'. Houg: su" anghoid lang" gi ngoo koid; da" moozoo" ri yu" lho: loem" jeing" ge' ga: tid.

YOHAN 14:20

Ngoo gi phoo yo" dadeing: daloem: za: nghoid ziri we' nanu" gi ngoo yo" dadeing: daloem: za: nghoid ziri we' hau: bidnyid ri nanu" yo" se' boem wa nghoid.

YOHAN 14:24

Ngoori ajheddab su: gi nga" jhoug" myeing" ri ase' gyo: yu. Nanu" shau" gyo: yu" da" jhoug" myeing" gi nga" da" jhoug" myeing" anghoid. Ngoori nhang: kaid da" nga" pho jhoug" myeing" danghoid.

YOHAN 17:8

Ngoori nang ab byid: da" mungdang: ri ngoo gi nyangnu" ri doem ab byid: da" uri nyangnu" kham: yu boem bye. Nang jang" mo ngoo gyoo" lo da" khyoo: yo"- gyeing" nyang: nang ngoori nhang: kaid da" khyoo loem" jeing" boem bye.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

YOHAN 7:16

Aseing Yesu phougtu" zigi Ngoo kho" kyo" jhoug" byid: da" tarha" mungdang: gi nga" tarha" anghoid ngoori nhang: kaid su:- Mangso da" tarha" dangoid.

YOHAN 8:28

Houg: yoomo Yesu gi byu nya: zoo: ri myidjang: moo tu: zhug lhang" too" lang" she- ngoo gi hang" nghoid nyid ziri nanu" yo" si' zi nghoid. Ngoo gi ngoo ngoonya: amyeing" akhang" khyo" ce: moo" we azei:- Nga" phoo nhang: kaid ziyo' dakhyoo" ti"- za: ngoo dazei: ziri we' nanu" se' loo wa.

YOHAN 8:38

Ngoo gi nga" pho, jang" mo, yo" se' yu gu: dangain"- nanu" ri tid kyoo" bye: houg: nghoid loug we' nanu" gi nanu" da" nya: phoo tid ziri za: da cang nyid ago".

YOHAN 8:40

Mangso jang" mo shau" gyo: yu da" deingmain" da" moo ri nanu" ri kho" kyoo" nghoid loug ngoori- said wa shid' re" nanu" yoem kaid nyid ago". Abraham gi houg su" alhoung koid'.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

2~KORINTHU 5:19

Ngoonu" kho" kyo" da" mungdang: gi Mangsoo gi Khristu mo byu nyid moo nyid bang: ri nya: bidnoem bue" loo nhang: da" mungdang:" nghoid nyid. Mangso da" byu yi yooboo joem ri axoem" too" byid: tho' moo agoo"- nyangnu" ri nya: bidnoem yi bue" loo sho' kha" yhi' koid bye: khyoo: ri tid sho kyo" da" mungdang: ngoonu" ri byid: too" bye.

KOLOSE 1:19

Khasu" wim ga: ri Mangsoo nyang: myid vho: myid phyed' to" ziyo' dakhyoo" ti"- nya: zoo: gi nyang: moo Mangso layung gung joeb, byeung" sho' kham: yu ci: bye.

KOLOSE 2:9

Mangso da" joeb byeung" layung gung gi-xangsu: gung du: nghoid da" Khristu moo bo jo.

1YOHAN 5:7

Sagsi: soem" ja: bo.