YOHAN 13:23 - Lacid Common Language Bible

²³ Hau: da" uri Aseing Yesu jheddab da" cangzoo: dayug gi Aseing: da" nam, moo zhoung: jo.

YOHAN 13:23 교차 참조

2 SAMUELA 12:3

Sho" jhen: su: gi nyang: qei yu da" yang nu" dadu: kyeing" dayo" da:. Nyang: gi hau: yang ri khu: myhu: wigi hau: ziri nya: yhoem: mo nya: zoo: yi yo' dage" gyi: sheung: lo nyid da:. Nyang: gi hau: ziri nya: zooshug byid: zho"- nya: goem mo gyid jhug wigi nya: shidkhoin" khoug: moo vu ci: da:. Hau: yang nu" gi nya: shid re" nya: zoo: myiyi nu" dayug yhang: ti" nghoid nyid da:.

1 KHOKHAM 4:5

mungzoug: Nathan da" nya: zoo: Azaria. Khokham ri phajhi" byid: su: Nathan da" nya: zoo: khainjung Zabuda.

LUKA 16:22

Hau: sho" jhen su: gi shid: lo" wigi moug: lagyoo: yi gi nyang: ri Abraham da" nam moo nyid nhang: wa shid' re" moug: khoung: mungdain: zoo: pui" zeing khyoo: shu" loo" bye. Sathi" phoo we shid: lo" wigi myhoeb pyam zi shau" lho:

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 11:3

Nya: be: eig yug gi Aseing: we"- re" jheddab da" byen cang" gi no nyid da:- ga: wigi Yesu jhang khyoo: dang: pyeung: kaid.

YOHAN 11:36

Houg: lang" byu yi gi yu" ge' nyang: gi Lazaru ri khayhi' jheddab nhung: ga: tid go" nyid boem.

YOHAN 11:5

Nghoidloug Yesu gi Martha tang: Mari ri we' Lazaru ri we' jheddab nyid.

YOHAN 13:24

Simun Petru gi hau: yug jhang yhe: lho: «kha: yug ri yeung lho: tid nau la' myid: yu" we'» ga tid.

YOHAN 13:25

Hau: cangzoo: gi Aseing Yesu da: namtain" moo yu: re" lho: Aseing: we" houg: su" koid' wa zigi kha yug nghoid wa lha". ga: myid.

YOHAN 19:26

Yesu gi nya: myhi' yo"- nyang: jheddab da" cangzoo: phoo yab jo, ziri myang. Houg: yoomo Yesu gi nya: myhi' ri tid. He: yug gi re" zoo: nghoid- ga: tid.

YOHAN 20:2

Nyang: gi Simun Petru yo"- Yesu jheddab da" cangzoo: yi jhang khyoo gei lo" lho: Aseing: ri loeb mo wigiyu lo" byug boem bye:- khayoo: too" go" la'- asi ga: lo" tid kyo.

YOHAN 21:20

Petru gi lheing: yu" kaid da" uri nya: thang: moo Yesu jheddab da" cangzoo: phoo ri myang. Hau: yug gi myen xoin: zoo: uri Yesu da" nam moo nghe: to" lho: Aseing we"- Aseing ri gyivoo yi da" lo, moo ab pyam wa su: gi kha yug nghoid wa lha"» ga: myid su: nyang: nghoid nyid.

YOHAN 21:24

He da" khyoo: ri lhid" too" su: gi hau: khyoo: ri tid da" cangzoo: phoo nyang: nghoid bye. Nyang: tid da" khyoo: joem gi deung main" nyid ziri ngoonu" se'.

YOHAN 21:7

Yesu jhed' dab, da" cangzoo: phoo gi Aseing: danghoid nhung: o"- ga: Petru ri tid kyo. Aseing: nghoid ga: zi ri shaug" gyoo: lang" Petru gi nyang: khyoid to" da" byi: ri gung moo baid yeig lho: wigi gyid nung" khyoo: byam gyoo" loo" khare". Khasu" wim gari nyang gi byi mi khyoid pyam lho: mod zei: nyid yoo mo nghoid.