YOHAN 13:19 - Lacid Common Language Bible

¹⁹ Houg: su" bue" lo da" uri ngoo gi ngoo nyang: nghoid da" khyoo: ri nanu" ri loem" jeing" nhang: wa da" shid' re" akhid" mo nyang: nanu" ri tid poin" to" zi nghoid.

YOHAN 13:19 교차 참조

ESAIA 41:23

Ju" loo wa da" ayo, gi ci: ri zei: ci: ziri ngoonu" ri tid kyoo" ge'. houg: lang" nanu" gi yu phara" joem nghoid ziri ngoonu" si' wa. Ge da" moo" ri koid we' anghoid lang" yau: khe" kyi" khyeug zi bui" nhang: we'. Gyug dain pho" ziyo' ngoonu ri pyeing byid: la.

ESAIA 43:10

Israela byumyu" yi we"- nanu" gi nga" sagse: nghoid ago". Ngoo gi nang ri nga" dei zoo: khyo" khyen: yu bye:. Houg: lang" nang ngoo ri se wigi loem" jeing" wa ziyo' ngoo dayug kyeing" Mangsoo nghoid ziri se' gyoo: wa shid re" nghoid. Ngoo mo lid wigi yu phara" gootu: anyid. Khanham we anyid yu" khanham we' nyid zi anghoid.

ESAIA 48:5

Ngoo gi re" da" ju" loo wa ayo, yo' sen: da" khyoo: ri goonham' gooco' mo lapi: pe: to" wigi hau: joem abui" shi" ri bui" wa khyoo: joem ri tid fu" too" bye:. Hau: lapi: dang: gi nanu" da" yu phara" soolhoo: joem yo' gung du: soolhoo: joem ri bui" nhang: zi nghoid ga nanu" tid ziri toem' pyam wa shid re" nghoid.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

MATHE 11:3

Houg: su" anghoid lang" gi goo" yug ri lang" nyid shi" wa la"» ga: myed kaid.

MATHE 24:25

Tam" gyoo: ge' he: da" khyoo: abue" loo shi" ri nanu" ri ngoo tid kyoo" bye.

LUKA 21:13

Hid: su" bue" loo loug - nanu" gi ngei bu: lu dang: ri tid loo" wa shid re" amyeing akhang" ri yo" yu boem wa nghoid.

YOHAN 1:15

Yohan gi nya: khyoo: ri tid bye nyang tid zigi Nga" thang: moo juri" wa su: gi nga" tho' je gyi: su nghoid. Khasu" wim gari nyang: gi ngoo: akhu: shi" mo, nyid nyid bye: su: nghoid ein: ngoo lhoung tid nyid da" su: gi he: yug nyang nghoid bye" ga: nyho: tid.

YOHAN 14:29

Hau: da" moozoo" bue" lo da" uri nanu" loem" jeing" loo wa shid' re" abui" shi" re" nyang: nanu" ri ngoo tid bye.

YOHAN 16:4

Ngoo nanu" ri he khyoo: tid kyo" zigi nyangnu" we' nanu" ri tid yhang: ti" koid wa ayo, ju" ngoo nanu" ri no, mo tid too" bye zigi nanu" myid boin wa shid re: nghoid. Ngoo gi nanu" yo" dage" nyid shi" yoomo nanu" ri hau: da" khyoo: no" re- atid kyoo.

YOHAN 4:26

Yesu doem tid zigi ‹‹Hau: yug gi akhid" nang yo" doem go" nyid su:- ngoo nyang: nghoid bye.»

YOHAN 8:28

Houg: yoomo Yesu gi byu nya: zoo: ri myidjang: moo tu: zhug lhang" too" lang" she- ngoo gi hang" nghoid nyid ziri nanu" yo" si' zi nghoid. Ngoo gi ngoo ngoonya: amyeing" akhang" khyo" ce: moo" we azei:- Nga" phoo nhang: kaid ziyo' dakhyoo" ti"- za: ngoo dazei: ziri we' nanu" se' loo wa.

YOHAN 8:58

Yesu doem phougtu" zigi Deing" deing nanu" ri ngoo tid ba- Abraham akhu: ri" shi" mo ngoo nyid nyid bye: ga: tid.