YOHAN 13:17 - Lacid Common Language Bible

¹⁷ He: da" deung main" da" khyoo: ri akhid" nanu" se' boem bye. Houg: su" si' bye: ziyo' dakhyoo" ti"-- nanu" cang zei: lo" rigi ngi lho, boem wa.

YOHAN 13:17 교차 참조

APOEM AYANG: 6:22

Noa gi Mangsoo tid ziyo' dakhyoo" ti" dangain" ri koid bye:.

COUNG" NGHEI 19:11

Hau: zigi re" dei zoo: ngoo ri lasi phajhi" byid: nyid. Ngoo gi hau: khyoo: ri cang loo" yoomo ngi: shab jhungshug byid: zi shoug" nyid.

THU' LO" MOUGSOUG" 40:16

Moshe gi Aseing amyeing" byid: gu: dangain" ri koid bye: zi nghoid.

DANG: ZHOEM 29:18

Mangso khyoo: shed zi ashau" yu da" mungdain: gi abyoo asain" bue" nyid Mangso da" tarha" ri cang su: gi gau yi nghei pyo: nyid.

YEREMIA 11:6

Hau: thang: Aseing tid zigi «Yuda voomoo" joem khyoo: yo' Yerusalem fu" moo" khyoo: joem khyoo: yhi: we'. Hau: joyoo moo nga" da" mungdang: ri tid fu" kyoo" we' houg: lho: dang: theing mo dang: khoin" joem ri tam" gyo: wigi phau" myang: cang yhe: boem wa shid re" hau: voobyu yiri tid kyoo" we'.

EZEKIEL 36:27

Ngoo gi nanu" akhoug: moo nga" da" Venyi: ri kaid byid: wigi nanu" ri ngoo byid: too" bye: da" tarha" joem ri cang wigi amyeing" dang: ri zoem: ci: boem ziri myang wa zi nghoid.

MATHE 12:50

Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

LUKA 11:28

Houg: nghoid loug Yesu gi Mangso da" mungdang: ri shau" gyo: lho: cang loo" su: gi hau: tho' re je ngei: pyo: ga: tid.

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

Roma 2:13

Byu gi - lhid" to" tarha" ti" shau" gyo: ziyo' - Mangsoo: shid' moo deingbyeing" mo ayo" bui. Lhid" to" tarha" moo bo zi yo" dakhyoo" ti" cang lo" ri za: Mangso: da shid' khoin" moo deingbyeing" mo dayo" bue" lo.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

YAKU 1:25

Nghoid loug we' byu yi ri yoobo wigi tei" to" da: jang" mo loid byoin loo" nhang: da" joeb byeung" da" tarha" ri goolhoo: jhau" yu yu" su: gi mungdang: ri gyoo: za: te: tam" gyo: lho: to" myhed' pyam su: anghoid loo: za: xo' zei: cang loo" su: nghoid nyid yoomo nyang: gi ce: ja: moozoo" ri zei: nyid nghoid loug we' Mangso mainkaid da" jeju" ri shau" kham: zoo: wa zi nghoid nyid.

YAKU 4:17

Hougsu" nghoid yoomo ge da" moozoo" ri ngoonu" se' to" lho: azei: loo" su: gi yooboo dab, nyid.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.