YOHAN 13:1 - Lacid Common Language Bible

¹ Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 13:1 교차 참조

DANG: ZHOEM 8:31

Mougmyid tho' moo: ngoo gau yi nyid wigi xangsu: byu yi yo' dage" ngoo myid ngei nyid.

YEREMIA 31:3

Ve: da" joyoo mo ngoo nyangnu" ri yhe: nyid shug bye:. Israela byumyu" yi we"- Ngoo nanu" ri khanham we' jheddab nyid. Houg: lho: xo' lho: nga" abyo, abei: da" jheddab myid nanu" ri ci: shug byid: wa.

MATHE 26:45

Hau: thang: ri cangzoo: yi jhang khyoo doem lo" lho: «nanu" gi gye: yhoeb' pyo: lho: doug no: nyid go" la". Yu" ge' byu da" nya: zoo: ri yooboo dab mo da" lo, moo ab pyam wa ayo, ju" bye.

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

LUKA 22:53

Ngoo nyid" khang" moo"- No' ku" yhoem: moo" khoug: moo nanu" yo' dage" nyid da" uri nanu" gi ciwim ngoo riamyheig go" Nghoidloug we' he: da" ayo, gi nanu" da" ayo,- moug coid da" phung yoeb nghoeb ci: da" ayo, nghoid ga: tid.

LUKA 9:51

Yesu moug: khung: khyoo: do, loo" wa da" ayo, jhangloo lang" nyang: gi myid kho: ci: lho: Yerusalem voomoo" khyoo: yhe: lo" nyid.

YOHAN 11:55

Yuda byumyu" yi da" lhed: kaid pui" we' jhang loo bye: yoomo voogung khang" moo" mo byu yi myoo" sho' Pui" aju" shi" ri cid" shang: kham wa shig re" Yerusalem voo khyoo: zeing: re" boem bye.

YOHAN 12:23

Yesu phougtu" da" zigi byu nya: zoo: da" myonhoo: phung" yoeb' bang: thu' loo wa da" ayo, ju" bye.

YOHAN 13:29

Yuda gi ngei thung: zoem su: nghoid yoomo pui" shid' re" yhoug: gyen: da" zi qei wa ga: la' shojhen: mo, ri gam byid: wa shid' re" la'- Yesu dang: pyeung: nyid sam" ga: cangzoo: yi dayham" jho: nyid boem.

YOHAN 13:3

Aseing Yesu gi nyang: ri phoo Mangso wigi amyeing" bain sho' ab byid: to" ziri we' nyang: gi Mangso jang" mo gyoo" lo lho: Mangso jhang khyoo: doem loo" loo: wa da" khyoo: ri we' si' gu nghoid.

YOHAN 13:34

Nanu" nyang: cang" nyang: jheddab goo" ge" ein: da" tarha" aseig ri nanu" ri ngoo byid: bye. Ngoo nanu" ri jheddab yhangti"- nanu" we' nyang: cang" nyang: jhed' dab, go" nyid ge'.

YOHAN 14:28

Ngoo gi akhid" loo" nghoid loug we' nanu" jang" moo doem ri" wa ein: wigi tid da" dang: ri nanu" shaug" gyoo: bye. Phoo gi nga" tho' agoo" je gyi: su: nghoid. Houg: su" nghoid yoomo nanu" ngoori jheddab nghoid rigi pho jhang khyoo: ngoo lo" ziri gau yi boem wa zi nghoid.

YOHAN 14:31

Nghoidloug we' ngoo gi phoo rijheddab nyid da" khyoo:- mougmyid gi si' ca" nyid. Ngoo gi phoo ri jheddab yoomo ngoori tid kyo" da" khyoo: dangain" ri ngoo cang pyeing bye. He: joyoo mo to' lho: ngoonu" thu' lo" boem loo: shang ga: tid.

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

YOHAN 17:1

Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.

YOHAN 17:16

Ngoo gi he: mougmyid yo" asen: ziyo' dakhyoo ti"-- houg: bang: we' asen.

YOHAN 17:26

Nga" da" tho' moo Nang to" da" jhed' khyeing: kang: khyeing: gi nyangnu" moo we bo jo, lho: ngoo we' nyangnu" da" nheugloem: moo yo" loung" jo, wa da" shid' re" Re" da" khyoo: nyangnu" ri ngoo si' nhang: bye. Xo, lho: wigi we' ngoo zei: loo" shi" wa ga: wigi akyu" mho'.

YOHAN 17:5

O" nga" phoo we"- he: mougmyid ajo, aboo shi" re- phoo yo" ngoo dage" kham: yu nyid da" myonhoo: phung" yoeb ri akhid" uri pho da" shid' khoin" moo ngoori byid: we'.

YOHAN 18:4

Aseing Yesu gi nyang: thoung" shau" wa da" moozoo" dangain" ri si' gu nghoid yoomo houg: bang: jhang khyoo: jhen" yhe: lho. Nanu" hang" ri shoo: go" ga: yhe: myid.

YOHAN 19:28

Hau: ayo, moo moo" dangain" bain bye: da" khyoo: ri Aseing Yesu gi si' yoomo Jhoem mougsoug" moo bo ziyo' dakhyoo" ti"- bue" loo wa shid' re" Yesu gi ngoo gyid shed' ga: tid.

YOHAN 2:13

Yuda byu yi da" lhed: kaid' pui" jhang lo da" uri Aseing Yesu gi Yerusalem voo khyoo: yhe: lo.

YOHAN 6:4

Hau: uri lhed: kaid da" pui" zeing we' jhang loo bye.

YOHAN 7:30

Byu yi gi Yesu ri myheig tei" wa da" akhyoo" ri sho: nyid nghoid loug we' ayo, aju" shi" yoomo Yesu ri hang" lo, we' ayo" toin" shid' boem shi.

YOHAN 7:6

Aseing Yesu nyangnu" ri doem tid zigi «Nga" ayo, aju" shi"- nanu" da" ayo, gi khanham we' ju" nyid.

YOHAN 8:20

Yesu gi He: da" Mungdang: ri-no ku" yhoem: moo" khoug: Alu: kham: da" sadeig to" yab moo kho" kyo" jhoug" byid: uri tid da" mungdang: nghoid nyid. Nghoidsho' loug we' Yesu da" ayo, aju" shi" yoomo hang" we' Yesu ri amyheig atei" shi.

Roma 8:37

Nghoidloug we' agang: alain loo" nhang: tho' moo gootu: ngoonu" gi hau khyoo: dangain" yo" thoung" shau" goo" wa jang" moo ngoonu" ri jheddab da Aseing: khyo" wigi atho' tid oung: doid loo" bye.

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.

HEBRE 3:14

Khasu" wim gari Khristain xang: shed" bue" lo da" uri yhang: te"- nheig shid: nheig deug da" loem, khau: khyoo: moo lo" thang bidnyid ju" sho' geing: geing: loem khau: nyid nghoid rigi nyhang" dangain" mo, gi Khristu yo' dage" dadeing: daloem: za: moo" voin, mo, nghoid nyid boem.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

HEBRE 6:11

Ngoonu" myid vho: nyid da" khyoo: zeing gi nanu" nheig byu nyid boem da" khyoo: byeung" joeb, lo da" jang" moo ju" sho' yug khang" moo" gi nyang: nyang: vho: ngei nyid da" khyoo: ri za: lo" thang moo ju" sho' geung: teung jo, nhang: wa shid re" nghoid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

Pang Shug 1:5

Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho: