YOHAN 12:40 - Lacid Common Language Bible40 Nyangnu" abyang" yu yu gi nyangnu" da" myojid" joem gi ayo" myang wigi Nyangnu" da" nheigloem: gi a oung: se' gyoo: wa ziyo' nyangnu" nya: jhang khyoo: ayo" tau" loo wa shig re" Mangsoo gi-nyangnu" da" myo, ri jed' nhang: lho: nyangnu" nheigloem: khoem" ri myhid" too" bye: ga tid. 장을 참조하십시오 |
YOHAN 12:40
44 교차 참조
Hau: thang: Aseing gi Moshe ri «Khokham jhang yhe: yu" we'. Ngoo mau" pho" alhoo: again koid shug uri Egutu byumyu" yiri ngoo khayhi' ko" moo" koid pyam ziri nanu" da" nya: zoo: yi yo' nya: myid: yiri yo" tid kyoo" wa shid re" nyang: yo' nya: gyizoug: yi shidkhoin" moo ngoo koid da" mau" pho" alhoo: again ri yo" myang nhang: wa shid re" nyangnu" ri nheigloem: thain: nhang: to" zi nghoid. Ngoo Aseing nghoid ziri nanu" dangain" si' baja"» ga: tid.
Ngoo gi nyang: ri nheigloem: thain: nhang: wigi nanu" ri cang khaid loo wa. Ngoo gi khokham phoo ri oung: pyam wigi nya: gyizoo yigi ngoo ri ngi: shab loo wa. Houg: lho: ngoo gi Aseing nghoid ziri Egutu byu yi se' ri" goo" wa» ga: tid da:. Israela byumyu" yi we' nyangnu" ri tid to" ziyo' dakhyoo" ti" koid bye:.
Aseing Moshe ri «Nang Egutu mung" moo yhe: ju" uri nang ri ngoo ab byid: da" yoem: so' mau" pho" alhoo: again ri khokham shidkhoin" moo gyeing" nyang: koid ca" wa zi nghoid. Nghoid loug we' khokham phoo ri ngoo nheigloem: thain: nhang: wa nghoid wigi nyang: gi byumyu" yiri nhang: kaid wa zi anghoid.
Nghoid loug we' ngoo gi khokham ri nheigloem: thain: nhang: wigi gyoug pho" moo" zoo" myoo: sho' ri Egutu mung" moo koid shug loug we' nyang: gi nanu" tid ziri tam" gyoo: wa zi anghoid. Hau: thang: Ngoo gi Egutu mung" ri gye" xo: da" yooboo dam byid: wigi nga" byumyu" yiri hau: mung" mo shu" thu loo wa.
Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.
Nghoid loug we' ngoonu" yooboo joem gang mo nyang: dam dab abye:. Ngoonu" koid da" akhyeing" da" lo, moo" gang mo baid zi shoug" kham zo: abye:. Ngoonu" gi nyang: kham zo: da" kyi" khyeug yooboo dam khyo" wigi byang" byid: zi shoug" bye:. Nyang: shoug" kham zo: da" zhoeb thung" da" dam khyo" wigi ngoonu" byang" byid: zi shoug" bye:.
Hau: thang: nyang: gi ngoo ri «Nyangnu" ayo" myang- ashau" gyoo:- ase' gyoo: goo" wa shid re" he: byumyu" yi myid ri coid nhang:- nyangnu" nukhyab ri jed, nhang: lho: myo, ri jed, nhang: we'. Nyangnu" shau" gyo: shau" myang lho: se' gyo: nghoid rigi nyangnu" nga" jhang phug lo lho: byang" byid: zi shoug" wa zi nghoid.
Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".
Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'
Aseing gi nyangnu" ri Israela byumyu" yi adang moo: meing: zain: wa nheigloem: yoem: kaid byid: da:. Houg: yoomo nyangnu" bain sho' phyo' shoin' pyam lho: nheig khyeug myid aboo loo: dangain" ri said pyam shau" wa dang: phyed zi shau" ago". He: zigi Aseing wigi Moshe ri amyeing" byid: to" zi nghoid da:.
광고