YOHAN 12:34 - Lacid Common Language Bible

³⁴ Byu yi gi Meshia khanham we' kangso' dadei nyid ga: Moshe tarha" moo tid to. Houg: su" nghoid ri Byu da" nya: zoo: gi khasu" wim wigi se' jen" lhang" too" wa lha?Hau: byu da" nya: zoo: gi kha: yug nghoid lha"» ga: myid: ago".

YOHAN 12:34 교차 참조

2 SAMUELA 7:13

Nyang: koem' gi nga" shid re" Noku Yhoem: Moo" koid wa yug nghoid wa. Nya: da" myhang: thang zhungtang ri gyeing" nyang: apyaid atoo: ngoo geing: teing nhang: too" wa zi nghoid.

COUNG" NGHEI 110:4

Nang gi Melkhizedeg da" khainjung azuang zhoug yu da" apyaid atoo: mo khainjung dayug bue" loo wa nghoid, ga: wigi Aseing gi geung: teung da" dangsoo" byid: to" lho: hau: ziri doem tau" yu loo wa zi anghoid.

COUNG" NGHEI 72:7

Deing byeung" khyoo: gi nya: pyaid goin" moo: gyi: sheung: loo baja". Lhammoo" gi nya: yoeb bang dayo" pang nyid nyid gi nyid gi nyid de lo khyoo: gi dageung: teung jo, baja".

ESAIA 53:8

Nyang: gi myheig yu shau" wigi dang: phyed lho: shid: wa jang" khyoo: shu" thu lo" ago". Nya: da" vhu" pi: lo, kyo' ri hang" we' ayo" myang byid: nghoid da:. Ngoonu" byumyu" yi da" yooboo shid re" nyang: said pyam zi shau" da:.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

DANIELA 7:14

Nyang: ri akhang" aya- ngi: shab khyoo: yo' khokham yoem: so' byid: to" zi nghoid yoomo mungdain: dangain" byumyu" yi myeing" cang: joeb bang: wigi nyang: ri dei byid: ago". Nya: da" amyeing" akhang" gi apyaid atoo: jo, jo, wigi nya: mungdain: gi khanham we' byo, thang loo" wa zi anghoid.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

MATHE 16:13

Aseing Yesu gi Kesare Philib moug: moo ju" lo" da" uri nya: cangzoo: yi ri «subi" gi byu da" nya: zoo: ri hang" nghoid ga: tid go" nyid ago" lha"» ga: myid.

MATHE 21:10

Yerusalem voo moo Yesu vang loo" lang" davoo goin" nhoin: nhoin: bue" lo lho: «he: yug gi hang" nghoid lha"» ga: myid: boem ago".

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

YOHAN 10:34

Aseing Yesu phougtu" zigi Nanu" da" tarha" : lhid" to" jang" moo Mangsoo ga: tid pang to" da- Jhoem: dang: moo toin" shid to" khyoo: yi gi khanham we' deingmain" nyid ziri nanu" se.

YOHAN 12:32

Ngoo gi myidjang: tho' moo tu: zhug lhang" to" zi shau" nyid uri Byu dangain" ri nga" jhang khyoo: lang: yu wa zi nghoid ga: tid.

YOHAN 15:25

Hid: su" ngheing" da" khyoo: gi-Nyangnu" da" tarha" moo lhid' to" ziyo' nyangnu" gi ngoori ci: yoo abo da" jang" moo- ngheing" boem ga: to" ziyo' dakhyoo" bue" lo da" khyoo: nyang: nghoid bye.

YOHAN 8:28

Houg: yoomo Yesu gi byu nya: zoo: ri myidjang: moo tu: zhug lhang" too" lang" she- ngoo gi hang" nghoid nyid ziri nanu" yo" si' zi nghoid. Ngoo gi ngoo ngoonya: amyeing" akhang" khyo" ce: moo" we azei:- Nga" phoo nhang: kaid ziyo' dakhyoo" ti"- za: ngoo dazei: ziri we' nanu" se' loo wa.

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

Roma 5:18

Houg: nghoid yoomo byu dayug gi - yooboo shoid' yoomo xangsu: byu bain sho' mo yooboo dam shau" zi yo" dakhyoo" ti" byu gootu: dayug gi deingbyeing" yoomo xangsu: byu dangain" mo yoobo dam kaid' wa ga: dang: phyed' jang: mo yo" loid lo" lho: nyanu" ri kang byid: bye.

HEBRE 7:24

Nghoid loug we' Aseing Yesu gi apyaid' atoo: mo kangso' dei nyid su: nghoid wigi nya: da" khainjung aya: we' byu dayug yug da" lo, moo yo" thoid' vang loo" wa zi anghoid.