YOHAN 12:15 - Lacid Common Language Bible

¹⁵ Ziun voo we" agyug- Yu" we' re" da" khokham" zeing: gi Loozei: nu" moo zhoung: lho: juri" bye.

YOHAN 12:15 교차 참조

2 SAMUELA 15:1

Hau: thang: Absalom gi nya: shid re" gyi myang: rheing" da loem: yo' myang: joem ri soin' to" wigi shid moo so" wa shid re" byu wim: xi yug ri we' khyen: too" bye:.

2 SAMUELA 16:2

Khokham David gi nyang: ri «He: zi dangain" ziyo' nang cenoem yhe: koid wa lha"» ga: myid. Ziba gi «Loo zei: eig du: gi aseing: khokham da" ikoin deungkhu: byu yi zhung: wa shid re" nghoid- zooyho' yo' shi" gi byu yi zoo: wa shid re" nghoid wigi zabyid yhid: gi nyangnu" dain: pyoid moo myung: dau uri shug wa shid re" nghoid» ga: tid.

1 KHOKHAM 1:33

Nyang: gi nyangnu" ri «Nanu" yo' dage" nga" khokham vang" mo moo" voin bang: dangain" ri khe: shu" wigi nga" zoo: Sholumon riwe' nga" loo zei: moo zhung: nhang: lho: nyang: ri zhung: nhang: ziyo' Gihon gyid lang khyoo: yhi: we'.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

ESAIA 62:11

Aseing gi mougmyid gyab goin" ri fu" byid: nyid. Hau: zigi «Nanu" ri khyoid yu wa shid re" Aseing ju" lo nyid bye:. Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.

MIKHA 4:8

Hougsu" wigi yang zung" su: yo' dakhyoo" ti" Mangsoo gi nya: byumyu" yiri lhoug zung" nyid da" joyoo Yerusalem we"- nang gi re" khokham mung" bue" lid lo yu" bye: da" voomoo" zeing dalheing: doem bue" loo wa nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 21:5

Hau: da" Lape: dang: gi «Zion voo zeing: ri tid kyoo" ge' Yu" ge' re" da" khokham" gi Nu" nham da" nheigloem: yo' loozei: zoo: dang: khung: moo zhoung: wigi Nghoidbye: loozei: nya: myhi' da" nya: zoo: dang: moo zhoung wigi Re" jhang juri" bye:» ga: tid to.

YOHAN 12:14

Yesu gi loozei: dadu: moo zhoung: lho: jure". Houg: gi Jhoem: mungdang: moo tid to" ziyo' dakhyoo ti.

TARHA" TID POIN" 17:16

Khokham phoo gi nya: da" gyidab shid re" myang: myoo: sho' du: age yoo" wa. Houg: lho: nya: mung" byu yiri myang: qei wa shid re" Egutu khyoo: ayo" nhang: kaid wa. Ciwim gari Aseing gi nya: byumyu" yiri hau: mung" khyoo: khanham we' age doem tau" yhi: ga: tid da:.

TARHA" AGYI 12:14

Nyang: gi loo zei: nyhed xi: du: ri zhung: boem da" nya: yuggi zoo: myid: xi: yo' nya: myid: zoo: yuggi zoo: soem" xi: yug yo" da:. Abdon gi Israela byumyu" yiri shed zain vhu" she: da:.

TARHA" AGYI 5:10

Loo zei: phyu: joem dang moo ju: mo, Doo: dang moo zhung: mo, Khyid: khyo" soo" ca" mo, nanu" we" hau: khyoo: ri tid ge'.