YOHAN 11:19 - Lacid Common Language Bible

¹⁹ Yuda byumyu" myoo" sho' mo nyang:- Mari yo" Martha tang: da" nhung" zoo: shid: loo" yoomo nya: eig yug ri nheig teing: wa ga: jure" boem.

YOHAN 11:19 교차 참조

APOEM AYANG: 37:35

Nya: zo: mung nham: yigi lo lho: nheig teing yoem: byid: dang: lo tid nghoid loug nyang: gi ngeug pyam lho: «Nga" zo: gang mo nheig nyang: dakug nyid shi". Ngoo gi shid: noug bye:» ga: tid wigi nya: zoo: Yoseb shid re" xo' lho: dakug nyid.

2 SAMUELA 10:2

Khokham David gi «Hanun nya: phoo Nahasha ngoo ri koid ziyo' dayhang: ti" nyang: riwe' ngoo dangsoo" bo da" bidnoem khyo" wigi koid shug ca" zi nghoid» ga: tid. Hougsu" nghoid yoomo nya: nheig khyeug jheddab myid ri ci: shug wa shid re" lagyoo: yiri David nhang: kaid bye:. Amon mung" khyoo: nyangnu" ju" uri

1 KHOKHAM MHOOMYID: 10:12

Sarhi' thang da" byu yi yhe: wigi Sholu yo' nya: yuggi zoo: yi da" manggung joem ri yhe: yu lho: Yabesha khyoo: dang lo ago". Nyangnu" gi hougmoo: jo da" Shookhi" gam khyid: moo: houg: bang: ri myhoeb pyam lho: nyhed nyid" zoo: noem jang" ago".

YOBA 2:11

Yoba da" byencang" soem" yug gi Teman voomoo" mo Elipha- Shua moug: mo Bildad- yo' Nama moug: mo Zopha bang: nghoid ago". Yoba yau: khi" kha: yhi' kham zo: nyid ga: ziri nyangnu" shoug" gyoo: lang" nyangnu" nyang: ri nheig yhe: teing: wa ga: myid phyed ago".

YOBA 42:11

Yoba da" mang: nhung" yi dangain"- nya: nhammoo" yi dangain" yo' shid phyang" mo nya: bidnoem byencang" yi dangain" bang: nyang: ri re" shau" wigi nyang: yo' dage" nya: yhoem: moo zoo: shug pui" koid ago". Nyangnu" gi Aseing wigi nyang: ri kham zoo: nhang: da" yau: khi" dangain" shid re" nheig khyeug jheddab myid toin" shed lho: nheig teing byid: ago". Yugkhang" moo" gi nyang: ri ngei yo' sheing: lo, pain" daloem: loem: jhungshug re" byid: ago".

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

ESAIA 51:19

Kyi" khyeug yau: khi" eig zhang re" adang moo gyo" zang" abye:. Re" mungdain: gi meing: zain: pui" wigi jham" coug: youg bui" byug bye:. Re" byumyu" yigi zooyoid abye:. Nang ri nheig khyeug myid ci: shug byid: wa hang" anyid.

NGOUG JI: 1:16

Houg: yoomo ngoo ngau wigi nga" myojid" mo ngoug byid byeung" shoin: yau gyo" nyid. Hang" we' ngoo ri nheing teung lho: yoem: ayo" lung: byid:. Gyivoo joem gi ngoo ri oung: pyam bye:. Nga" byumyu" yigi ci" we' ayoo" loo.

NGOUG JI: 1:2

Nyang: gi damyen, goin" ngau, nyid. Ngoug byid gi nya: booloid moo: yau gyo" loo bye:. Xang: shi" mo nya: byencang" yi we' nyang: ri nheig teing zi dayug we' aboo loo. Nyang: yo' zoem" khau: lo da" bidnoem yigi nyang: ri ngeug he: pyam boem lho: akhid" dangain" mo, nyang: ri thougtheung lo boem bye:.

NGOUG JI: 1:21

Ngoo nookyeing" kyeung" da" thui: ri tam" gyoo: byid: la,. Ngoo ri nheig teing ung: teing byid: wa byu hang" aboo. Nga" tho' moo: nang bue" loo nhang: da" kyi" khyeug da" khyoo: joem ri nga" gyivoo joem gi yu" gau nyid boem ago". Nang dangsoo" byid: to" da" bidnyid we' ju" loo nhang: abye:. Ngoo dayam, dayoo: shoug" nyid ti" nga" gyivoo joem ri we' loem zoo: nhang: we'.

NGOUG JI: 1:9

Nya: da" ayoung" ashang: khyoo: ri lei lei yo" myang. Nghoid loug we' nyang: gi: nya: vhu" pi: lo, kyo' shid re" loem zoo: wa khyoo: ri cishu: anhang: nghoid da:. Nyang: leung gyo" lo" da" khyoo: gi yu" gyoug yu" lhoung: khyoo: nghoid nyid. Nyang: ri hang" we' nheig ayo" teing byid. Nya: gyivoo joem gi nyang: ri oung: pyam yoomo nyang: gi Aseing jhang khyoo: nheig khyeug shoomyen: byid: shi" wa shid re" yoid ngau nyid abye:.

NGOUG JI: 2:13

O" Yerusalem we"- ngoo jheddab thang da" Yerusalem we"- ngoo khasu" se' tho' tid loo: wa lha". Ngoo khasu" nang ri nheig yo" teing byid: wa lha". Hid: yhang: ti" hang" dayug we' yo" kham' zoo: wa zi anghoid. Nang byo, yoin" lo" zigi atho' ke' da" Nammugdara yhang: ti" thang ga: zi ajo, yoomo ge bui" wa da" nheig byu jang: ci: we' ajo, loo.

LUKA 10:39

Matha moo nya: no, Mari ga: da" myiyi: zoo: dayug bo. Nyang: gi Aseing: da" khyid: yang: moo nyang: jhoug" byid: khyoo: ri tam" gyo: zhoung: jo.

LUKA 10:42

Nghoid loug we' nang moo daja: ca" shi"- Mari gi jo da" ziri khyen: yu abye:. Hau: ziri nya: jang" mo hang" we' ayo" lhoid yu loo:- ga: tid.

YOHAN 1:19

Yerusalem voo moo nyid da" yuda zoug: yi gi Khainjung agyi yi dayham" yo"- Levi yi dayham" bang: ri Yohan jhang khyoo: nhang: kaid lho: nang gi hang" nghoid ga: myid: nhang: kaid boem.

YOHAN 11:1

Bethani voo byu Lazaru ga: su: gi no nyid. Bethani voo gi Mari yo' nya: bi: Martha nyid da" voogung nghoid.

YOHAN 11:31

Mari ri nheig teing dang: tid wa ga: yhoem: moo re" nyid da" byu yi gi Mari myab myab thu' lo" zi myang boem lang" loeb moo ngoug wa ga: yhe: loo" sam" ga: coem jho: boem. Houg: yoomo nyangnu" gi Mari da" thang: moo cang yhe: lo" boem.

YOHAN 11:33

Aseing Yesu gi Mari koug ngau nyid ziri we' nyang: yo" dage" cang loo mo, ngau nyid ziri we' nheigloem: moo gye" lo" zang" wigi nheigloem: apyoo: loo.

YOHAN 11:36

Houg: lang" byu yi gi yu" ge' nyang: gi Lazaru ri khayhi' jheddab nhung: ga: tid go" nyid boem.

YOHAN 11:45

Hau: uri Mari jang" moo re" koem" da" byu myoo" sho' moo gi Yesu koid; da" moozoo" ri shau" myang yoomo houg: bang: nyang: ri loem" jeing" lo boem.

YOHAN 11:8

Cangzoo: yi gi sara: we"- houg: mo meing byu yi: gi akhoyo, shi"- Aseing: ri luggo, yo" du" wa ga: nyid boem ri hau: joyoo khyoo: dalheing: dadoem tau" loo" wa la"» ga: myid: boem.

Roma 12:15

Gau yi mo yo" dage" gau yi nyid ge'. Ngau nyid mo yo" dage" bo ngau nyid ge'.

2~KORINTHU 1:4

Ngoonu" yaukhe" kyi" khyeug khyoo myoo" sho' shau" nyid uri Mangsoo gi ngoonu" ri pang" thoug yu bye.Hougsu" nghoid yoomo ngoonu" gi_ Mangso jang" mo ngoonu" yo" kham: yu bye da" pang" thoug byid: da" jeju" yo' nyang:- yau: khe" jam jau aja: ja: shau" nyid da- byu gooji ri doem yo" pang" thoug byid: boem bye.

1THESALONI 4:18

Hougsu" nghoid yoomo he: dang: joem yo' nanu" nyang: cang" nheig teung yoem: byid: go" nyid ge'.

1THESALONI 5:11

Khyoo: he: khaid yoomo nanu" akhid" koid nyid ziyo' dakhyoo" ti"- dayug yo' dayug nyang: cang" nyang: yoem: byid: go" ziyo' pang" goo" thug go" khyoo: ri dakoid nyidge'.

1 SAMUELA 31:13

Hau: thang: shooyoug: joem ri yu wigi voogung khoug mo Magyeing gam khyid: moo myhoeb to" lho: nyhed nyid" ju" sho' zoo: shug zeing: nyid boem bye:.