YOHAN 11:11 - Lacid Common Language Bible

¹¹ Nghoid loug we Yesu gi hid: su" ga: bain tid lho: ngoonu" da" bidnoem Lazaru gi yhoeb' pyo: jo, bye. Nyang: ri nhoug" wa shid' re" ngoo yhe: loo" wa"- ga: doem poug tid.

YOHAN 11:11 교차 참조

2 KHOKHAM 4:31

Gehazi gi shid vhu" khyoo: yhe: lho: Elisha da" lhamdung: ri zooshang: adang moo yhe: ke" too" nghoid loug we' ce: thui: we' kangso' bo lo da" avoid ci: we' aboo nghoid da:. Houg: yoomo nyang: gi Elisha jhang thu lo" wigi «yuggi nu" aso" ri" nghoid da» ga: tid da:.

2 KHOKHAM MHOOMYID: 20:7

Nang gi ngoonu" da" Mangsoo nghoid da:. Re" da" Israela byumyu" yi he: mung" khyoo: byung: vang lo uri hid: moo nyid boem da" byumyu" yiri nang khaid thu' pyam da:. Houg: lho: mungdain: ri re" bidnoem Abraham da" amyed ashen yiri nyangnu" shid re" apyaid atoo: khyo" byid: da:.

THU' LO" MOUGSOUG" 33:11

Aseing gi Moshe yo' byu dayug byencang" yo' meing go" nyid yhang: ti" myo, noo: yo' myo, noo: yu" go" wigi dang: doem go" nyid wa zi nghoid. Hau: thang: Moshe gi dab khyoo: doem tau" lo. Nghoid loug we' nya: da" moo" pang" byencang" nghoid da" Nun da" nya: zoolu: zoo: Yoshu gi zoem" da" akhoug: moo nyid kho' shi" wa zi nghoid.

ESAIA 41:8

Nghoid loug we' nga" dei zoo: Israela we"- nanu" gi ngo wigi khyen: yu to" da" byumyu" yi nghoid ago". nga" byencang" Abraham da" amyed ashen yi nghoid da:.

DANIELA 12:2

Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

MATHE 27:52

Loeb duang: we' bang" lo" boem wigi bain shid bye da:- Mangso byu yi myoo" sho' we' doem dei to' lo boem.

MATHE 9:24

«Khyoo: shu, kaid ge'. He: zoomyi: zoo: gi shid: jo, zi anghoid- yhoeb' pyo: nyid zi nghoid» ga: tid. Nyangnu" gi Yesu ri gye" juang" yi nyid boem ago".

MARKU 5:39

Houg: lang: nyang gi yhoem: khyoug: khyoo: vang yhe: wigi nanu" ciwim wigi mo, thei" mo, yug kyi: ngaug go nyid go" lha". zoo: shang gi shid: zi anghoid- yhoeb myhed jo, zi za: danghoid da:- ga: tid.

YOHAN 11:10

Myen" ri so" yen" mo, koem gi myo, amyang yoomo khyid: vhu" thoung.

YOHAN 11:12

Cangzoo: yi gi Aseing: we"- nyang: yhoeb' pyo: nyid nghoid rigi doem so" loo wa nghoid- ga: tid boem.

YOHAN 11:13

Yesu gi Lazaru shid: bye: khyoo: ri tid nghoid loug we' nyangnu" gi gyeing" nyang: yhoeb' pyo: da" khyoo: ri tid sam" ga: cangzoo: yi gi jho: nyid ago".

YOHAN 11:3

Nya: be: eig yug gi Aseing: we"- re" jheddab da" byen cang" gi no nyid da:- ga: wigi Yesu jhang khyoo: dang: pyeung: kaid.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

1Korinthians 15:18

Hau: tho' moo: goo tu- Khristu ri loem" jeung" lho: shid: lo" byug bye: bang: we'- soem" byug zi shau" boem bye.

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

1Korinthians 15:51

Tam" gyo: yu" ge'- dang: kang: no, da" deingmain" da" khyoo: dakhaid - nanu' ri ngoo tid kyoo" ba, - nyhang" dangain" bang: jha" shid: byug wa zi anghoid.

Ephesu 5:14

Khasu" wimg gari bidbang gi dangain" ziri pang shug byid: nyid houg: yoomo jhoeom: mungdang: moo tid to" ziri Yhoeb, jo, su: we" too, re'- shid: jo, jang" mo too, re'- houg: lang" Khirstu gi re" tho' moo thoin" pang byid: wa nghoid. ga: wigi tid to.

TARHA" TID POIN" 31:16

Aseing gi Moshe ri «Nang gi amyang" ri shid: loo wa. Houg: lho: nang shid: byug thang: ri hau: byumyu" yigi ngoo ri zhug azug loo: bue" re" wigi ngoo nyangnu" yo' koid to" da" dang: theing ri phyo' pyam re" boem wa. Nyangnu" gi ngoo ri to" pyam wigi nyangnu" vang yhi: loo wa za: danghoid lo: da" mung" moo tungbau yu phara" joem ri no' goo" wa.

1THESALONI 5:10

Khristu doem ju, re" da" uri gi nyhang" gi shid: byug boem wam: bye: nghoid loug we' dei nyid boem shi" nghoid loug we' nyang: yo' dage" kang so shau" dei nyid wa shid re" nyang: gi yha" shid' re" bo shid: kham: byid: bye.

YAKU 2:23

Houg: su" nghoid yoomo Abraham gi Mangsoo ri loem" jeung" khyoo: yoomo Mangsoo gi nyang ri deung byeung" su:- ga: soin: byid bye ga: da" jhoem: mungdang: gi deung loo bye. Houg: yoomo Abraham gi Mangso da" bidnoem zeing ga: myheing byid: zi we shau" bye.