YOHAN 10:6 - Lacid Common Language Bible

⁶ Aseing Yesu gi he: dangtu' khyo" nyangnu" ri tid kyoo" nghoid loug- nyangnu" gi dangtu' da" dangkang: ri ase' gyo: boem.

YOHAN 10:6 교차 참조

COUNG" NGHEI 106:7

Egutu mung" moo nghe: khau: nyid da" ngoonu" phoug" phyid" yigi Mangso da" mau" pho" moo" zoo" joem ri ase' gyoo: nghoid ago". Nyangnu" ri myoo" sho' lheing: nyang: toin" shed bye: da- nya: jheddab da" emyed ri myoo" sho lheing: zheung: to" myhed pyam boem wigi nyangnu" gi hau: athang agoin yoem moo" bo da Aseing ri lang" hau: gyid ni thoem" mo: gyi koid boem abye:.

COUNG" NGHEI 82:5

Nanu" gi khayhi' gyeing" ase' goonhung: lha". Nanu" gi bain sho' akyang byo, yoin" boem abye:- deungmain" da" nyeung veung" tarha" ga: zigi he: mougmyid mo byoug byug bye:.

DANG: ZHOEM 28:5

Akhyeing" ashoeb, bang: gi tarha" ein: ziri asi nghoid ago- Aseing ri loem khau: nyid mo, koem gi hau: tarha" ri goo" lhoo: za: se' gyo: xoem" ci: boem ago".

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

MATHE 13:34

Aseing Yesu gi dangtu' joem ri ci: lho: wigi byu phung: moo" yi ri kho" kyo" nyid. Dangtu' abo zigi daja: we' akho" kyoo.

MATHE 13:51

Aseing Yesu gi «he: khyoo: dangain" ri nanu" gi se' gyoo: go" la"» ga: myid: yu" da" uri nya: cangzoo: yi gi «se gyoo: bye: Aseing we"» ga: tid ago".

MARKU 4:34

Dangtu aci: loo za: ri nyangnu" nyang: ci" we' atid kyoo" nghoid loug Yesu gi nya: cangzoo: yi yo' dage" nyid uri acang: joeb sho' phuid kyo" da.

YOHAN 16:25

He: da" khyoo: joem ri dangtu' ci: lho: ngoo tid bye. Hid: su" dangtu' aci: loo: Phoo Mangso da" khyoo: ri bang" bang tid kyo" loo wa da" ayo, gi ju" loo wa.

YOHAN 16:29

Cangzoo: yi zheing: tid da" zigi Akhid" Aseing: gi dangtu' aci: loo bang bang nyang: tid nyid bye.

YOHAN 6:52

Hau: da" uri He: yug gi khasu" koid; wigi ngoonu" ri zo: wa shid' re" nya: shoo" yo" byid: wa lha"» ga: byu joem gi nyang: cang" nyang: soo" soo" ngeig byo, go" nyid boem.

YOHAN 6:60

Hau: da" jhoug" myeing" ri cangzoo: yi myoo" sho' mo, zheing: shau" gyo: boem. Nyangnu" gi he: da" jhoug" myeing" joem- gye youg: yoomo hang" se' yo" cang boem wa lha"» ga: tid go" nyid boem.

YOHAN 7:36

Nyang: gi Nanu" ngoori shoo: nghoid loug myang zi anghoid. Ngoo nyid wa joyoo moo nanu" ayo" ju" boem ga: tid. He: da" dangkang: gi ce: noem nghoid lha"» ga: nyang: cang" nyang: myid go" nyid boem.

YOHAN 8:27

Yesu gi nya: pho da" khyoo: tid nyid ziri houg: bang: gi ase' gyoo.

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

1Korinthians 2:14

Hau: Venyi khyo" kangso adei mo, hang" nghoid loug we'- Mangso Venyi wigi: byid: da" jhung: shug ri ashau" kham: yu boem. Hau: gu: gi nya: shid re" akoo" apyoid da" khyoo: za: nghoid wigi- Venyi nheigloem: wigi: za:- hau: khyoo: ri yo" tid pang byid: nyid yoomo- nyang: gi hau: gu: ri se' gyoo: su: anghoid.

2PETRU 2:22

Lakhuid" gi nyang: doug boem to" zi doem geug zo:- Hau: lho: vu, gi bain cid" byid: thang: ri thoem" boeb, moo doem lhu" nyid. ga: da" dang: zhoem gi nanu" shid re" deung" nyid zi nghoid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.