YOHAN 10:36 - Lacid Common Language Bible

³⁶ Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 10:36 교차 참조

COUNG" NGHEI 2:2

Aseing ri nyangnu" da" khokham yi tu: lhoin" lo wigi mung" zoug: yi we' lhoem: thougtheung wa shid re" zheung: gau" sham: go" nyid boem lho: nyang: khyen: soin' to" da" khokham phoo ri we' thougtheung nyid boem.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 42:3

Nyang: gi nghoug jo, da" gyidpheing" youg: ri akhyau" pyam wa. kyi: kyi: za: date: dab da myikug ri we' asaid pyam wa. Nyang: gi dangain" mo, ri abei: abyo, tarha" deing byeung" ziri ci ri" byid: wa.

ESAIA 55:4

Ngoo gi nyang: ri vhujhung: yo' byumyu" yi da" gyizoug: bui" nhang: bye:. Nyang: khyo" wigi nga" yoem: so' ri nyangnu" ri ngoo toin" shid bye:.

YEREMIA 1:5

«Nang ri ngoo kangso' akaid byid: shi" ri nang ri ngoo khyen: bye:. Houg: lho: nang akhu: shi" ri nang ri byumyu" yi jhang Lapi: koid wa shid re" ngoo khyen: soin' too" bye:.

MATHE 27:43

Nyang: gi mangsoo ri loem jeung" lho: ngoo gi Mangso nya: zoo: nghoid ga: we' tid. houg: yoomo Mangsoo gi nyang: rijheddab nheig khyeig nghoid rigi akhid" nyang: ri khyoid yu baja".»

MATHE 27:54

Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem

LUKA 1:35

Mouglagyoo: gi «gyeungshang: Venyi: gi Re" tho' moo juri" wa. Myhang: thang da" Mangso yoem: vhoo" gi nang ri shoem" goem byid: wa. Houg: yoomo nang khu: loo wa yuggi zoo: ri myhang: thang da" Mangsoo nya: zoo: ga: myheing byid: boem wa.

YOHAN 10:35

Mangsoo gi nya: da" mungdang: tam gyo: nyid mo, ri Mangsoo ga: tid pang to.

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

YOHAN 17:21

Moug: myid byu yi gi nang ngoori nhang kaid bye khyoo: ri loem" wa shid re nang gi ngoo moo nyid nyid lho: ngoo we' nang moo nyid nyid yhang: ti" hid: bang: we' yha" eig yug moo nyid baja".

YOHAN 17:8

Ngoori nang ab byid: da" mungdang: ri ngoo gi nyangnu" ri doem ab byid: da" uri nyangnu" kham: yu boem bye. Nang jang" mo ngoo gyoo" lo da" khyoo: yo"- gyeing" nyang: nang ngoori nhang: kaid da" khyoo loem" jeing" boem bye.

YOHAN 19:7

Meing: byu phung: moo" gi He: yug gi nya: da" gung ri Mangso da" nya: zoo: nghoid ga: tid yoomo shid: dam kham: moin: da" khyoo:- ngoonu" da" tarha" moo bo nyid; ga: tid nyid boem.

YOHAN 20:28

Thoma gi Nga" Aseing:- Nga" Mangsoo- nang nghoid bye: nhung: lha"» ga: phaug tu".

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

YOHAN 3:34

Mangsoo nyang: nhang: kaid su: gi Mangsoo mungdang: ri tid nyid khasu wim gari nya: - Venyi: byeung" byeung" kaid byid: to.

YOHAN 5:30

Ngoo gi ngoo nyang: vho: khyo" ce: moo" we' ayo" zei:- Phoo Mangsoo toin" shid' khyo" za: dang: daphyed' dakho. Ngoo gi ngoo nyang: vho: khyo" acang- ngoori nhang: kaid su: vho: khyo" dacang yoomo Nga" da" tarha" dang: phyed' da" khyoo: gi jo nyid.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

YOHAN 6:57

Dadei nyid da" nga" phoo gi ngoori nhang: kaid bye. Nyang: yoomo ngoo kangso' dadei nyid. Houg: yo' dakhyoo" ti"-- ngoori zo: shug su: we' ngoo yoomo kangso' yo" dei nyid wa zi nghoid.

YOHAN 6:69

Hau: tho' mo gootu: Aseing: gi Phoo Mangso jang" mo gyoo" lo da" gyeungshang: Aseing: nyang: nghoid bye: da" khyoo: ri akhid" ngoonu" gi yu" myang loem" jeing boem bye: ga: phougtu.

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

Roma 1:4

Mangsoo: gung khyoo" gi - Mangso: da" nya: zoo nghoid da" khyoo: ri thu bang shug wa shid' re" Mangsoo: gi agoin athang da" yoem: moo" khyo" - hau: Aseing ri shid: jang" mo doem dei to' loo nhang: bye.

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

Roma 9:5

Ngoonu" gi Yuda byumyu" phoug" phyid" mo xo' gyoo" loo mo nghoid. Khristu we' - byuxeig khyo" ga: ri gi houg: bang: da" byukung: nghoid. Jo, moo jo, - nyid moo nyid ri vhoeb' khang" da: Mangsoo: gi - apyaid' atoo: moo myonhoo: phung yoeb dabo nyid baja" o" - Amen.

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-