YOHAN 10:29 - Lacid Common Language Bible

²⁹ Nyangnu" ri nga" lo, moo ab byid: to" da" Phoo gi dangain" tho' moo je gyi: su: nghoid yoomo hang" nghoid loug- nyangnu" ri pho da" coung: goem nyid jang" mo ayo" lhoid yu loo.

YOHAN 10:29 교차 참조

COUNG" NGHEI 145:3

Aseing gi gyi: sheung: nyid yoomo gye" nyang: coung" nghei gi su: nghoid bye:- nya: da" gyi: sheung: khyoo: ri hang" we' atho' se' gyoo.

THU' LO" MOUGSOUG" 18:11

Yu phara" dangain" tho' mo Aseing gi gyi: nyid ein: ziri akhid" ngoo si' bye:. Ciwim ga: ri nyang: gi Israela byumyu" dang moo anoug ashoo" zoem" khau: da" Egutu byumyu" yi dang moo hid: yhang: ti" koid pyam yoomo nghoid» ga: tid.

DANIELA 4:3

«Ngoonu" ri Mangso wigi toin" shed byid: da" moug" pho" zigi khayhi' gyi: sheung: nyid la". Nyang: koid da" mau" pho" alhoo: again joem gi khayhi' yoem: so' gyi: nyid la". Mangsoo gi apyaid atoo: mo Khokham nghoid da:. Nyang: gi ayo, byeung" sho' moo vhoeb nyid wa.

MALAKHI 1:14

Nyang: gi nya: da" gougnyhoug kyung mo ‹Reung: thang da" gougnyhoug ngoo ri byid: wa› ga: dangsoo" to" lho: dam boo noo bo da" gougnyhoug said lho: xoin" ngei" byid: da" lhoid zoo: lhoid shug byu yigi nheing" khoin" zang" mo, nghoid. Khasu" wim gari ngoo gi ‹Khokham zeing nghoid nyid wigi ngoo rigi byumyu" yi bain sho' gyoug phoug" nyid boem» ga: wigi yoem: moo" bo da" Aseing Mangsoo gi tid nyid.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 14:28

Ngoo gi akhid" loo" nghoid loug we' nanu" jang" moo doem ri" wa ein: wigi tid da" dang: ri nanu" shaug" gyoo: bye. Phoo gi nga" tho' agoo" je gyi: su: nghoid. Houg: su" nghoid yoomo nanu" ngoori jheddab nghoid rigi pho jhang khyoo: ngoo lo" ziri gau yi boem wa zi nghoid.

YOHAN 17:11

Akhid" Ngoo gi re" jhang khyoo: doem loo wa nghoid yoomo ngoogi mougmyid moo anyid loo. Nghoid loug we' nyangnu" houg: bang: koem gi moug myid moo nyid wa zi nghoid. gyeungshang: thang da" nga" phoo we"- nang yo" ngoo dadeing: daloem: za: nghoid nyid yhangti"- nyangnu" we' dadeing: daloem: za: nghoid wa shid' re" nang ngoori ab byid: to" da" re" voolang myeing da" yoem: vhoo" phung yoeb' khyo" nyangnu" ri zung" lhug byid: we' o".

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

YOHAN 17:6

He: mougmyid mo khyen: thu' lho: nga" da" lo, moo nang ab byid: da" byu yi ri ngoo gi nang ri we si' nhang: too" bye. Houg: bang: gi nang seing: ci: yoomo ngoori ab byid: bye. Nyangnu" gi re" da" mungdang: ri tam gyo: nyid boem abye:.

YOHAN 17:9

Ngoo gi nyangnu" shid' re" akyu" mho' nyid. Mougmyid byu yi shid' re" akyu" mho' nyid zi anghoid. Nghoid loug we' nang ngoo ri ab byid: too" mo, shid re" akyu" mho' zi nghoid ciwim ga ri nyangnu" gi nang seing ci mo, nghoid.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.