YOHAN 10:11 - Lacid Common Language Bible

¹¹ Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

YOHAN 10:11 교차 참조

2 SAMUELA 24:17

David gi byumyu" yiri said da" moug: lagyoo: ri myang wigi Aseing ri «Ngoo gi yooboo yoo" su: nghoid. Ngoo gi yooboo koid shoid su: dayug we' nghoid. He: sho" jhen: da" byumyu" gi cikoid shoid bye: lha". Nang gi ngoo yo' nga" ikoin deungkhu: byu yiri dam byid: eung: nyid zi nghoid.

COUNG" NGHEI 23:1

Aseing gi yang zung" su: ti" ngoo ri lhoug zung" nyid. Houg: yoomo ngoo ca" nyid da" zi dangain" ngoo yo.

COUNG" NGHEI 80:1

Israela byumyu" yi da" yang zung" su: we' ngoonu" ri tam" gyoo: byid: we'. Yang phung: yi da" vhujhung: phoo we' shoug" gyoo: byid: we'.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

EZEKIEL 34:2

Nyang: tid zigi «Shid: se' da" byu we"- Israela da" vhoebkhang" zoug: yiri tid phue: pyam we'. Nyangnu" ri lapi: pe: byid: wigi ngoo yoem: moo" bo Aseing nyangnu" ri tid nyid khyoo: ri tid kyoo" we'. Israela yang zung" bang: nanu" gi joem: lo" abye: go". Nanu" gi nanu" nya: gung ri yu" goin coung: lho: yang joem ri khanham we' azung" nghoid da:.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

EZEKIEL 37:24

Nga" da" dei zoo: David yhang: ti" da" khokham dayug gi nyangnu" da" khokham nghoid loo wa. Nyangnu" dangain" bang: gi vhoebkhang" zoug: dayug akhoug: moo zeing: foem: nyid lho: nga" da" tarha" joem ri jhug zug tung" tam" gyo: cang yhe: loo goo" wa.

MIKHA 5:4

Nyang: ju" ri" lang" nyang: gi Aseing jang" mo yo" yu da" yoem: vhoo" yo' Aseing Mangsoo nyang: nya: da" yoem: so' moo" yo' nya: byumyu" yiri vhoebkhang" loo wa zi nghoid. Moug: gyab goin" mo byumyu" dangain" bang: gi nya: gyi myang: khyoo: ri boin loo wa yoomo nya: byumyu" yi gau: nyu: za: shoug" nyid wa nghoid wigi

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

YOHAN 10:2

Khoem" duang: khyo" vang loo su: koem gi yang zung" su: nghoid.

YOHAN 15:13

Nyang: nya: da" bidnoem pho shid' re" kangso' ab pyam sho' jheddab da" tho' moo je gyi: da" jheddab nheigloem: gi hang" moo we' aboo loo.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 13:20

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" Aseing Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.

1YOHAN 3:16

Khristu gi yha" da" gung leig xoin" khyo" - nya: kangso' ri xoin" to' pyam byid: bye yoomo jheddab nheigloem: gyeung" zigi cite" zi nghoid ein: ziri gi ngoonu" se' boem bye. Houg su" nghoid yoomo ngoonu" we' mang nhung" yi shid re" ngoonu" kangso' xoin" to' pyam wa zi gi ge byid bye.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.